ਜਲੰਧਰ : ਕੰਵਲਜੀਤ ਸਿੰਘ ਮੱਕੜ – ਪਠਾਨਕੋਟ ਭਾਰਤੀ ਵਾਹੂ ਸੈਨਾ ਦੇ ਐਮ-17 ਅਪਾਚੇ ਹੇਲੀਕਾਪਟਰ ਦੀ ਅੱਜ ਸ਼ੁੱਕਰਵਾਰ ਨੂੰ ਪਠਾਨਕੋਟ ਦੇ ਨੰਗਲਪੁਰ ਇਲਾਕੇ ‘ਚ ਐਮਰਜੈਂਸੀ ਲੈਂਡਿੰਗ ਹੋਈ। ਮੰਨਿਆ ਜਾ ਰਿਹਾ ਹੈ ਕਿ ਹੇਲੀਕਾਪਟਰ ਨੂੰ ਤਕਨੀਕੀ ਖਰਾਬੀ ਕਾਰਨ ਸਾਵਧਾਨੀ ਵਜੋਂ ਜਮੀਨ ‘ਤੇ ਉਤਾਰਿਆ ਗਿਆ। ਖੁਸ਼ਖਬਰੀ ਇਹ ਰਹੀ ਕਿ ਹੇਲੀਕਾਪਟਰ ਜਾਂ ਅਸਪਾਸ ਦੇ ਕਿਸੇ ਇਲਾਕੇ ਨੂੰ ਕੋਈ ਨੁਕਸਾਨ ਨਹੀਂ ਹੋਇਆ।
ਹੇਲੀਕਾਪਟਰ ਨੇ ਪਠਾਨਕੋਟ ਏਅਰਬੇਸ ਤੋਂ ਉਡਾਣ ਭਰੀ ਸੀ। ਹਾਦਸੇ ਦੀ ਸੂਚਨਾ ਮਿਲਦਿਆਂ ਹੀ ਪੂਲਸ ਅਤੇ ਸੁਰੱਖਿਆ ਦਲ ਮੌਕੇ ‘ਤੇ ਪਹੁੰਚ ਗਏ। ਹੇਲੀਕਾਪਟਰ ਨੂੰ ਉਤਰਦੇ ਦੇਖ ਕੇ ਨੇੜਲੇ ਪਿੰਡਾਂ ਦੇ ਲੋਕ ਵੀ ਮੌਕੇ ‘ਤੇ ਇਕੱਠੇ ਹੋ ਗਏ, ਪਰ ਸੁਰੱਖਿਆ ਬਲਾਂ ਨੇ ਤੁਰੰਤ ਇਲਾਕੇ ਦੀ ਘੇਰਾਬੰਦੀ ਕਰ ਦਿੱਤੀ।
ਪੁਲਸ ਵੱਲੋਂ ਜਾਰੀ ਬਿਆਨ ਅਨੁਸਾਰ, “ਪਠਾਨਕੋਟ ਵਾਹੂ ਸੈਨਾ ਅੱਡੇ ਤੋਂ ਉਡਾਣ ਭਰਨ ਵਾਲੇ ਹੇਲੀਕਾਪਟਰ ਨੂੰ ਤਕਨੀਕੀ ਸਮੱਸਿਆ ਆਉਣ ‘ਤੇ ਖੁੱਲ੍ਹੇ ਮੈਦਾਨ ‘ਚ ਉਤਾਰਿਆ ਗਿਆ।”
ਹਾਲਾਂਕਿ, ਭਾਰਤੀ ਵਾਹੂ ਸੈਨਾ ਵੱਲੋਂ ਇਸ ਐਮਰਜੈਂਸੀ ਲੈਂਡਿੰਗ ਦੇ ਕਾਰਨਾਂ ‘ਤੇ ਅਜੇ ਤੱਕ ਕੋਈ ਅਧਿਕਾਰਿਕ ਬਿਆਨ ਜਾਰੀ ਨਹੀਂ ਕੀਤਾ ਗਿਆ। ਮੌਕੇ ‘ਤੇ ਮੌਜੂਦ ਉੱਚ ਅਧਿਕਾਰੀਆਂ ਨੇ ਓਪਰੇਸ਼ਨਲ ਤੇ ਸੁਰੱਖਿਆ ਪ੍ਰੋਟੋਕਾਲ ਦਾ ਹਵਾਲਾ ਦੇ ਕੇ ਕੋਈ ਵੀ ਟਿੱਪਣੀ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਉਨ੍ਹਾਂ ਨੇ ਇਹ ਜ਼ਰੂਰ ਦੱਸਿਆ ਕਿ ਪਬਲਿਕ ਸੁਰੱਖਿਆ ਜਾਂ ਇਨਫਰਾਸਟਰਕਚਰ ਨੂੰ ਕਿਸੇ ਵੀ ਕਿਸਮ ਦਾ ਖ਼ਤਰਾ ਨਹੀਂ ਹੈ।
ਯਾਦ ਰਹੇ ਕਿ ਇਸ ਤੋਂ ਪਹਿਲਾਂ ਵੀ 6 ਜੂਨ ਨੂੰ ਉੱਤਰ ਪ੍ਰਦੇਸ਼ ਦੇ ਸਹਾਰਨਪੁਰ ਵਿੱਚ ਭਾਰਤੀ ਵਾਹੂ ਸੈਨਾ ਦੇ ਇੱਕ ਹੋਰ ਅਪਾਚੇ ਹੇਲੀਕਾਪਟਰ ਦੀ ਐਮਰਜੈਂਸੀ ਲੈਂਡਿੰਗ ਹੋਈ ਸੀ। ਅਧਿਕਾਰੀਆਂ ਅਨੁਸਾਰ, ਉਹ ਹੇਲੀਕਾਪਟਰ ਵੀ ਇੱਕ ਨਿਯਮਤ ਟ੍ਰੇਨਿੰਗ ਉਡਾਣ ਦੌਰਾਨ ਤਕਨੀਕੀ ਮਸਲੇ ਕਰਕੇ ਲੈਂਡ ਕਰਵਾਇਆ ਗਿਆ ਸੀ।
