ਪੰਜਾਬੀ ਆ ਗਏ ਓਏ…! ਪੰਜਾਬ ਅੱਗੇ ਲਖਨਊ ਨੇ ਵੀ ਟੇਕੇ ਗੋਡੇ, ਦਰਜ ਕੀਤੀ ਸੀਰੀਜ਼ ਦੀ 5ਵੀਂ ਜਿੱਤ
ਜਲੰਧਰ: ਕੰਵਲਜੀਤ ਸਿੰਘ ਮੱਕੜ – ਢਿਲਵਾਂ 16 ਜੂਨ ਵਿਨਟੈਕ ਪਰੀਲੈਮ ਅਤੇ ਵੀਰਗੋ ਪੈਨਲ ਪ੍ਰੋਡਕਟਸ ਪਲਾਈਵੁੱਡ ਫੈਕਟਰੀਆਂ ਦੇ ਮਾਲਕ ਨਰੇਸ਼ ਤਿਵਾਰੀ ਦੀ ਛੋਟੀ ਵਹੁਟੀ ਸੋਨਮ ਤਿਵਾਰੀ (ਉਮਰ 39 ਸਾਲ) ਜੋ ਕਿ ਪਿਛਲੇ ਦੋ ਦਿਨਾਂ ਤੋਂ ਬਿਆਸ ਦਰਿਆ ਦੇ ਪੂਲ ਤੋਂ ਲਾਪਤਾ ਸੀ, ਉਸ ਦੀ ਲਾਸ਼ ਅੱਜ ਦਰਿਆ ‘ਚੋਂ ਮਿਲੀ ਹੈ। ਮ੍ਰਿਤਕਾ ਨਰੇਸ਼ ਤਿਵਾਰੀ ਦੇ ਪੁੱਤਰ ਮਿਕੀ ਤਿਵਾਰੀ ਦੀ ਪਤਨੀ ਸੀ।
ਪੁਲਿਸ ਅਨੁਸਾਰ ਸੋਨਮ 2 ਦਿਨ ਪਹਿਲਾਂ ਆਪਣੀ ਸਹੇਲੀ ਨਾਲ ਗੱਡੀ ‘ਚ ਬਿਆਸ ਨਦੀ ਕੋਲ ਗਈ ਸੀ। ਉੱਥੇ ਪਹੁੰਚ ਕੇ ਉਸਨੇ ਸਹੇਲੀ ਨੂੰ ਗੱਡੀ ‘ਚ ਹੀ ਬੈਠਣ ਲਈ ਕਿਹਾ ਤੇ ਖੁਦ ਪਾਣੀ ਵਿੱਚ ਛਾਲ ਮਾਰ ਦਿੱਤੀ। ਕੁਝ ਸਮੇਂ ਬਾਅਦ ਉਸਦੇ ਚਪਲ ਦਰਿਆ ਕਿਨਾਰੇ ਮਿਲੇ, ਜਿਸ ਤੋਂ ਬਾਅਦ ਗੋਤਾਖੋਰਾਂ ਵੱਲੋਂ ਲੰਬੀ ਖੋਜਬੀਨ ਕੀਤੀ ਗਈ। ਅੱਜ ਤੀਜੇ ਦਿਨ ਗੋਤਾਖੋਰਾਂ ਨੂੰ ਸੋਨਮ ਦੀ ਲਾਸ਼ ਵੱਖਰੇ ਥਾਂ ਤੋਂ ਮਿਲੀ।
ਇਸ ਮਾਮਲੇ ਬਾਰੇ ਮ੍ਰਿਤਕਾ ਦੇ ਪਰਿਵਾਰ ਦਾ ਕਹਿਣਾ ਹੈ ਕਿ ਸੋਨਮ ਅੰਮ੍ਰਿਤਸਰ ਵਿਖੇ ਕਿਸੇ ਪੂਜਾ ਲਈ ਗਈ ਹੋਈ ਸੀ ਅਤੇ ਵਿਸਰਜਨ ਦੌਰਾਨ ਉਸਦਾ ਪੈਰ ਫਿਸਲ ਗਿਆ, ਜਿਸ ਕਰਕੇ ਉਹ ਪਾਣੀ ਵਿੱਚ ਡੁੱਬ ਗਈ। ਘਟਨਾ ਦੀ ਸੂਚਨਾ ਪੁਲਿਸ ਨੂੰ ਦੇ ਦਿੱਤੀ ਗਈ ਸੀ, ਜਿਸ ‘ਤੇ ਥਾਣਾ ਧਿਲਵਾਂ ਦੇ ਐਸਐਚਓ ਦਲਵਿੰਦਰਜੀਤ ਸਿੰਘ ਦੀ ਅਗਵਾਈ ਹੇਠ ਕਾਰਵਾਈ ਕਰਦਿਆਂ ਅੱਜ ਲਾਸ਼ ਬਰਾਮਦ ਕੀਤੀ ਗਈ।
ਗੋਇੰਦਵਾਲ ਸਾਹਿਬ ਵਿਖੇ ਪੁਲਿਸ ਵੱਲੋਂ ਲਾਸ਼ ਨੂੰ ਆਪਣੇ ਕਬਜ਼ੇ ‘ਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ ਗਿਆ ਹੈ। ਇਸ ਵਾਅਕਏ ਤੋਂ ਮ੍ਰਿਤਕਾ ਦੇ ਪਰਿਵਾਰ ‘ਚ ਸੋਗ ਦੀ ਲਹਿਰ ਹੈ ਤੇ ਉਹ ਜਲੰਧਰ ਤੋਂ ਬਿਆਸ ਵੱਲ ਰਵਾਨਾ ਹੋ ਚੁੱਕੇ ਹਨ।
ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਜਾਰੀ ਹੈ ਤੇ ਮੌਤ ਦੇ ਕਾਰਨਾਂ ਦੀ ਪੋਸਟਮਾਰਟਮ ਰਿਪੋਰਟ ਤੋਂ ਬਾਅਦ ਹੀ ਪੁਸ਼ਟੀ ਹੋਵੇਗੀ।
