ਵੱਡੀ ਖਬਰ: ਸੋਸ਼ਲ ਮੀਡੀਆ ਇੰਫਲੁਐਂਸਰ ਮੈਡ ਸੰਧੂ ਦਾ ਗੋਲੀਆਂ ਮਾਰ ਕੇ ਕਤਲ
ਜਲੰਧਰ, (ਕੰਵਲਜੀਤ ਸਿੰਘ ਮੱਕੜ) – ਜਲੰਧਰ ਸ਼ਹਿਰ ਦੇ ਮਸ਼ਹੂਰ “ਕੁੱਲੜ ਪੀਜ਼ਾ” ਜੋੜੇ ਵਿਰੁੱਧ ਪੁਲਿਸ ਵੱਲੋਂ ਆਖਿਰਕਾਰ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਇਹ ਮਾਮਲਾ 18 ਜੂਨ 2025 ਨੂੰ ਮਾਡਲ ਟਾਊਨ ਥਾਣੇ ‘ਚ ਦਰਜ ਕੀਤਾ ਗਿਆ। ਜੋੜੇ ਵੱਲੋਂ ਹਥਾਂ ਵਿੱਚ ਰਾਈਫਲਾਂ ਫੜ੍ਹ ਕੇ ਇੱਕ ਪੰਜਾਬੀ ਗੀਤ ‘ਤੇ ਬਣਾਈ ਗਈ ਰੀਲ ਨੂੰ ਸੋਸ਼ਲ ਮੀਡੀਆ ‘ਤੇ ਪੋਸਟ ਕੀਤਾ ਗਿਆ ਸੀ, ਜਿਸ ਤੋਂ ਬਾਅਦ ਇਹ ਵੀਡੀਓ ਵਾਇਰਲ ਹੋ ਗਈ।
ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਵੀਡੀਓ ਵਿੱਚ ਦਿਖ ਰਹੇ ਹਥਿਆਰ ਲਾਇਸੈਂਸੀ ਹਨ ਜਾਂ ਨਹੀਂ, ਇਸਦੀ ਜਾਂਚ ਕੀਤੀ ਜਾ ਰਹੀ ਹੈ। ਇਸ ਦੇ ਨਾਲ ਹੀ ਆਰਮਜ਼ ਐਕਟ ਅਤੇ ਆਈ.ਟੀ. ਐਕਟ ਦੇ ਤਹਿਤ ਜੋੜੇ ਖਿਲਾਫ ਮੁਕੱਦਮਾ ਦਰਜ ਕੀਤਾ ਗਿਆ ਹੈ। ਪੁਲਿਸ ਨੇ ਕਿਹਾ ਕਿ ਜਨਤਕ ਥਾਂ ਤੇ ਹਥਿਆਰਾਂ ਨਾਲ ਅਜਿਹੀ ਵੀਡੀਓ ਬਣਾਉਣ ਨਾਲ ਲੋਕਾਂ ਵਿਚ ਡਰ ਦਾ ਮਾਹੌਲ ਬਣਦਾ ਹੈ ਅਤੇ ਇਹ ਕਾਨੂੰਨੀ ਤੌਰ ‘ਤੇ ਗਲਤ ਹੈ।
ਕੀ ਸੀ ਮਾਮਲੇ ਦੀ ਪੂਰੀ ਘਟਨਾ?
ਕੁੱਲੜ ਪੀਜ਼ਾ ਜੋੜਾ, ਜੋ ਕਿ ਖਾਣ-ਪੀਣ ਨਾਲ ਜੁੜੀ ਆਪਣੀ ਵਿਅਪਾਰਕ ਪਹਚਾਣ ਕਰਕੇ ਸੋਸ਼ਲ ਮੀਡੀਆ ਉੱਤੇ ਕਾਫੀ ਮਸ਼ਹੂਰ ਹੈ, ਨੇ ਇੱਕ ਰੀਲ ਬਣਾਈ ਸੀ ਜਿਸ ਵਿੱਚ ਦੋਹਾਂ ਨੇ ਹਥਾਂ ਵਿੱਚ ਰਾਈਫਲਾਂ ਫੜ੍ਹੀਆਂ ਹੋਈਆਂ ਸਨ ਅਤੇ ਬੈਕਗਰਾਊਂਡ ‘ਚ ਇੱਕ ਪੰਜਾਬੀ ਗੀਤ ਚੱਲ ਰਿਹਾ ਸੀ। ਇਹ ਰੀਲ ਇੰਸਟਾਗ੍ਰਾਮ, ਫੇਸਬੁੱਕ ਅਤੇ ਯੂਟਿਊਬ ਵਰਗੇ ਪਲੇਟਫਾਰਮਾਂ ‘ਤੇ ਵੀਰਲ ਹੋ ਗਈ।
ਪੁਲਿਸ ਵੱਲੋਂ ਕੀ ਕਾਰਵਾਈ ਕੀਤੀ ਗਈ?
ਮਾਡਲ ਟਾਊਨ ਥਾਣਾ ਇੰਚਾਰਜ ਨੇ ਪੁਸ਼ਟੀ ਕੀਤੀ ਕਿ ਐਫਆਈਆਰ ਨੰਬਰ 221/2025 ਤਹਿਤ ਇਹ ਕੇਸ 18 ਜੂਨ ਨੂੰ ਦਰਜ ਹੋਇਆ ਹੈ। ਹੁਣ ਜਾਂਚ ਜਾਰੀ ਹੈ ਅਤੇ ਜੇਕਰ ਇਹ ਸਾਬਤ ਹੋਇਆ ਕਿ ਹਥਿਆਰ ਬਿਨਾਂ ਲਾਇਸੈਂਸ ਦੇ ਸਨ ਜਾਂ ਉਨ੍ਹਾਂ ਦੀ ਵਰਤੋਂ ਗੈਰਕਾਨੂੰਨੀ ਸੀ, ਤਾਂ ਹੋਰ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।
