ਜਲੰਧਰ : ਕੰਵਲਜੀਤ ਸਿੰਘ ਮੱਕੜ – ਜਲੰਧਰ:ਸ਼ਹਿਰ ‘ਚ ਵਧ ਰਹੀਆਂ ਅਪਰਾਧਕ ਵਾਰਦਾਤਾਂ ‘ਤੇ ਨਕੇਲ ਕੱਸਣ ਲਈ ਪੁਲਿਸ ਵੱਲੋਂ ਅੱਜ ਵੱਡੀ ਕਾਰਵਾਈ ਕੀਤੀ ਗਈ। ਪੁਲਿਸ ਕਮਿਸ਼ਨਰ ਧਨਪਰੀਤ ਕੌਰ ਅਤੇ ਜੁਆਇੰਟ ਸੀ.ਪੀ. ਸੰਦੀਪ ਸ਼ਰਮਾ ਦੀ ਅਗਵਾਈ ਹੇਠ ਜਲੰਧਰ ‘ਚ 30 ਹਾਈਟੈਕ ਨਾਕੇ ਲਗਾਏ ਗਏ। ਇਹ ਨਾਕੇ ਸ਼ਹਿਰ ਦੇ ਪ੍ਰਮੁੱਖ ਐਂਟਰੀ ਪੁਆਇੰਟ ਜਿਵੇਂ ਅੰਬੇਡਕਰ ਚੌਕ, ਸੰਵਿਧਾਨ ਚੌਕ, ਮਾਡਲ ਟਾਊਨ, ਬੀਐਸਐਫ ਚੌਕ ਆਦਿ ‘ਤੇ ਲਗਾਏ ਗਏ।
ਇਸ ਦੌਰਾਨ ਟਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ ਵਾਲੇ ਵਾਹਨ ਚਲਾਕਾਂ ਖ਼ਿਲਾਫ਼ ਠੋਸ ਕਾਰਵਾਈ ਕੀਤੀ ਗਈ। ਅੰਬੇਡਕਰ ਚੌਕ ‘ਤੇ ਬਲੈਕ ਫਿਲਮ, ਹੂਟਰ, ਵੱਡੇ ਸਪੀਕਰ ਵਾਲੀਆਂ ਗੱਡੀਆਂ ਅਤੇ ਬਿਨਾਂ ਹੈਲਮੈਟ ਦੋਪਹੀਆ ਚਲਾਕਾਂ ਦੇ ਚਲਾਨ ਕਟੇ ਗਏ। ਕੁਝ ਚਲਾਕਾਂ ਨੂੰ ਮੁੰਹ ਢੱਕ ਕੇ ਦੋਪਹੀਆ ਚਲਾਉਣ ਕਾਰਨ ਚੇਤਾਵਨੀ ਦੇ ਕੇ ਛੱਡਿਆ ਗਿਆ।
ਇਸ ਦੌਰਾਨ ਇੱਕ ਵਾਹਨ ਚਲਾਕ ਨਾਕੇ ਤੋਂ ਭੱਜਣ ਦੀ ਕੋਸ਼ਿਸ਼ ਕਰਦਾ ਹੋਇਆ ਫਰਾਰ ਹੋ ਗਿਆ, ਜਿਸਨੂੰ ਪੁਲਿਸ ਨੇ ਫੁਰਤੀ ਦਿਖਾਉਂਦੇ ਹੋਏ ਪਿੱਛਾ ਕਰਕੇ ਕਾਬੂ ਕਰ ਲਿਆ ਅਤੇ ਥਾਣੇ ਲੈ ਜਾਇਆ ਗਿਆ।
ਸੀ.ਪੀ. ਧਨਪਰੀਤ ਕੌਰ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਹ ਨਾਕੇ ਸਿਰਫ ਦਿਨ ਹੀ ਨਹੀਂ, ਸੱਝ ਸਮੇਂ ਵੀ ਲਗਾਏ ਜਾਣਗੇ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਨਾਕਿਆਂ ‘ਤੇ 16 ਸੀਨੀਅਰ ਅਧਿਕਾਰੀ (ਜੀਓਜ਼) ਨਿਗਰਾਨੀ ਕਰ ਰਹੇ ਹਨ। ਇਹ ਮੁਹਿੰਮ ਸ਼ਾਮ 4:30 ਤੋਂ ਰਾਤ 8:30 ਵਜੇ ਤੱਕ ਚੱਲੇਗੀ। ਇਸ ਦੌਰਾਨ ਕੁਝ ਮੋਬਾਈਲ ਪੈਟ੍ਰੋਲਿੰਗ ਵੀ ਜਾਰੀ ਰਹੇਗੀ।
ਉਨ੍ਹਾਂ ਦੱਸਿਆ ਕਿ ਕੁਝ ਵਾਹਨਾਂ ਤੋਂ ਸ਼ੱਕੀ ਸਮੱਗਰੀ ਵੀ ਬਰਾਮਦ ਹੋਈ ਹੈ ਜਿਸ ਦੀ ਜਾਣਕਾਰੀ ਜਲਦ ਹੀ ਪ੍ਰੈਸ ਵਾਰਤਾ ਰਾਹੀਂ ਦਿੱਤੀ ਜਾਵੇਗੀ। ਸੀ.ਪੀ. ਨੇ ਲੋਕਾਂ ਨੂੰ ਵੀ ਅਪੀਲ ਕੀਤੀ ਕਿ ਇਸ ਵਿਸ਼ੇਸ਼ ਮੁਹਿੰਮ ਵਿੱਚ ਪੁਲਿਸ ਦਾ ਸਾਥ ਦੇਣ।
