ਅਦਮਪੁਰ ਤੋਂ ਐਮਸਟਰਡਮ ਤੇ ਮੈਨਚੈਸਟਰ ਲਈ ਉਡਾਣਾਂ ਸ਼ੁਰੂ, ਦੋਆਬਾ ਦੇ ਲੋਕਾਂ ਲਈ ਵੱਡੀ ਖ਼ੁਸ਼ਖਬਰੀ

ਜਲੰਧਰ : ਕੰਵਲਜੀਤ ਸਿੰਘ ਮੱਕੜ – ਜਲੰਧਰ,ਅਦਮਪੁਰ ਸਿਵਲ ਹਵਾਈ ਅੱਡੇ ਤੋਂ ਵਿਦੇਸ਼ਾਂ ਦੀ ਯਾਤਰਾ ਕਰਨ ਵਾਲਿਆਂ ਲਈ ਵੱਡੀ ਖ਼ੁਸ਼ਖਬਰੀ ਹੈ। ਇੰਡੀਗੋ ਏਅਰਲਾਈਨ ਨੇ ਅਦਮਪੁਰ ਤੋਂ ਮੁੰਬਈ ਰਾਹੀਂ ਐਮਸਟਰਡਮ (ਨੀਦਰਲੈਂਡ) ਅਤੇ ਮੈਨਚੈਸਟਰ (ਯੂ.ਕੇ.) ਲਈ ਕਨੈਕਟਿੰਗ ਉਡਾਣਾਂ ਸ਼ੁਰੂ ਕਰ ਦਿੱਤੀਆਂ ਹਨ। ਇਹ ਉਡਾਣਾਂ ਹਫ਼ਤੇ ਵਿੱਚ ਤਿੰਨ ਵਾਰੀ ਚੱਲਣਗੀਆਂ ਅਤੇ ਯਾਤਰੀਆਂ ਨੂੰ ਇੱਕੋ ਟਿਕਟ ‘ਤੇ ਆਸਾਨੀ ਨਾਲ ਆਪਣੇ ਮੰਜ਼ਿਲ ਤੱਕ ਲਿਜਾਇਆ ਜਾਵੇਗਾ

ਇਹ ਫਲਾਈਟ (AMS) ਅਦਮਪੁਰ → ਮੁੰਬਈ → ਐਮਸਟਰਡਮ ਹਫ਼ਤੇ ਵਿੱਚ 3 ਵਾਰੀ 22 ਘੰਟੇ 40 ਮਿੰਟ
ਮੈਨਚੈਸਟਰ (MAN) ਅਦਮਪੁਰ → ਮੁੰਬਈ → ਮੈਨਚੈਸਟਰ ਹਫ਼ਤੇ ਵਿੱਚ 3 ਵਾਰੀ 22 ਘੰਟੇ 45 ਮਿੰਟ

ਯਾਤਰੀਆਂ ਨੂੰ ਮੁੰਬਈ ‘ਚ ਜਹਾਜ ਨੂੰ ਬਦਲਣਾ ਪਵੇਗਾ, ਪਰ ਟਿਕਟ, ਬੋਰਡਿੰਗ ਪਾਸ ਅਤੇ ਲੱਗੇਜ ਸਾਰਾ ਇੱਕੋ ਬਾਰ ਮਿਲੇਗਾ। ਇਸ ਨਾਲ ਮੁੰਬਈ ‘ਚ ਕਿਸੇ ਤਕਲੀਫ ਦਾ ਸਾਹਮਣਾ ਨਹੀਂ ਕਰਨਾ ਪਵੇਗਾ
ਉਡਾਣਾਂ ਦੀ ਸ਼ੁਰੂਆਤ

2 ਜੁਲਾਈ 2025 ਨੂੰ ਇੰਡੀਗੋ ਨੇ ਅਦਮਪੁਰ–ਮੁੰਬਈ ਦੀ ਡਾਇਰੈਕਟ ਉਡਾਣ ਸ਼ੁਰੂ ਕੀਤੀ ਸੀ।
ਪਰ ਹੁਣ ਉਸੇ ਰਾਹੀਂ ਵਿਦੇਸ਼ੀ ਕਨੈਕਸ਼ਨ ਸਹੂਲਤ ਵੀ ਸ਼ੁਰੂ ਹੋ ਗਈ ਹੈ।

ਲਾਭਪਾਤਰੀ ਖੇਤਰ, ਇਹ ਨਵੀਂ ਸਹੂਲਤ ਦੋਆਬਾ, ਲੁਧਿਆਣਾ, ਫਿਰੋਜ਼ਪੁਰ, ਗੁਰਦਾਸਪੁਰ, ਪਠਾਨਕੋਟ ਅਤੇ ਆਸ-ਪਾਸ ਦੇ ਇਲਾਕਿਆਂ ਲਈ ਵੱਡਾ ਲਾਭਦਾਇਕ ਸਾਬਤ ਹੋਵੇਗੀ। ਵਿਦੇਸ਼ ਜਾਣ ਵਾਲੇ ਲੋਕਾਂ ਨੂੰ ਹੁਣ ਚੰਡੀਗੜ੍ਹ ਜਾਂ ਦਿੱਲੀ ਜਾਣ ਦੀ ਲੋੜ ਨਹੀਂ ਰਹੇਗੀ।
ਐਅਰਪੋਰਟ ਡਾਇਰੈਕਟਰ ਦਾ ਬਿਆਨ

ਪੁਸ਼ਪਿੰਦਰ ਨਿਰਾਲਾ, ਅਦਮਪੁਰ ਏਅਰਪੋਰਟ ਡਾਇਰੈਕਟਰ ਨੇ ਦੱਸਿਆ ਕਿ ਇਹ ਇੰਟਰਨੈਸ਼ਨਲ ਕਨੈਕਟਿੰਗ ਫਲਾਈਟ ਲੋਕਾਂ ਲਈ ਇੱਕ ਨਵਾਂ ਅਨੁਭਵ ਹੋਵੇਗਾ। ਇਹ ਸੇਵਾ ਆਮ ਯਾਤਰੀਆਂ ਲਈ ਆਸਾਨ, ਤੇਜ਼ ਅਤੇ ਆਰਾਮਦਾਇਕ ਯਾਤਰਾ ਮੁਹੱਈਆ ਕਰਾਏਗੀ ਤੇ ਬੁਕਿੰਗ ਸਬੰਧੀ ਜਾਣਕਾਰੀ ਦਿੰਦਿਆਂ ਦੱਸਿਆ ਇਨ੍ਹਾਂ ਉਡਾਣਾਂ ਦੀ ਬੁਕਿੰਗ ਇੰਡੀਗੋ ਦੀ ਅਧਿਕਾਰਿਕ ਵੈਬਸਾਈਟ ਅਤੇ ਐਪ ਰਾਹੀਂ ਸ਼ੁਰੂ ਹੋ ਚੁੱਕੀ ਹੈ ਤੇ ਯਾਤਰੀ ਇੱਕੋ ਟਿਕਟ ਤੇ ਦੋਨੋਂ ਉਡਾਣਾਂ ਦੀ ਯਾਤਰਾਂ ਕਰ ਸਕਣਗੇ ਅਤੇ ਲੱਗੇਜ ਆਟੋਮੈਟਿਕ ਟਰਾਂਸਫਰ ਹੋਵੇਗਾ।