ਜਲੰਧਰ ਵਿੱਚ ਖਾਲੀ ਪਲਾਟਾਂ ‘ਚ ਪਿਆ ਕੁੱਬਾ ਹਟਾਉਣ ਲਈ ਪ੍ਰਸ਼ਾਸਨ ਸਖ਼ਤ – ਡਿਪਟੀ ਕਮਿਸ਼ਨਰ ਡਾ. ਹਿਮਾਂਸ਼ੂ ਅਗਰਵਾਲ ਵੱਲੋਂ ਵੱਡੀ ਕਾਰਵਾਈ

ਜਲੰਧਰ, : ਜੁਲਾਈ ਕੰਵਲਜੀਤ ਸਿੰਘ ਮੱਕੜ- ਜਲੰਧਰ ਵਿੱਚ ਖਾਲੀ ਪਲਾਟਾਂ ਵਿੱਚ ਪਏ ਕੂੜੇ ਅਤੇ ਗੰਦਗੀ ਨੂੰ ਲੈ ਕੇ ਜ਼ਿਲਾ ਪ੍ਰਸ਼ਾਸਨ ਨੇ ਸਖ਼ਤ ਰਵੱਈਆ ਅਖਤਿਆਰ ਕਰ ਲਿਆ ਹੈ। ਡਿਪਟੀ ਕਮਿਸ਼ਨਰ ਡਾ. ਹਿਮਾਂਸ਼ੂ ਅਗਰਵਾਲ ਨੇ ਦੱਸਿਆ ਕਿ ਜਿਲ੍ਹੇ ਭਰ ਦੇ ਪਲਾਟ ਮਾਲਕਾਂ ਨੂੰ 10 ਜੁਲਾਈ 2025 ਤੱਕ ਆਪਣੇ ਪਲਾਟਾਂ ਦੀ ਸਫਾਈ ਕਰਨ ਦੇ ਆਦੇਸ਼ ਜਾਰੀ ਕੀਤੇ ਗਏ ਸਨ। ਇਸ ਦੀ ਉਲੰਘਣਾ ਕਰਨ ਵਾਲਿਆਂ ਵਿਰੁੱਧ ਸਖ਼ਤ ਕਾਰਵਾਈ ਕੀਤੀ ਜਾ ਰਹੀ ਹੈ।

ਡਾ. ਅਗਰਵਾਲ ਮੁਤਾਬਕ, ਹੁਣ ਤੱਕ 289 ਪਲਾਟ ਮਾਲਕਾਂ ਨੂੰ ਨੋਟਿਸ ਜਾਰੀ ਕੀਤੇ ਗਏ ਹਨ, ਜਦਕਿ ਨਗਰ ਨਿਗਮ ਵੱਲੋਂ 1200 ਤੋਂ ਵੱਧ ਚਾਲਾਨ ਕਰਕੇ ਜੁਰਮਾਨੇ ਲਾਏ ਗਏ ਹਨ। ਉਨ੍ਹਾਂ ਕਿਹਾ ਕਿ ਜੇ ਕੋਈ ਪਲਾਟ ਮਾਲਕ ਆਪਣੇ ਪਲਾਟ ਦੀ ਸਫਾਈ ਨਹੀਂ ਕਰਵਾਉਂਦਾ, ਤਾਂ ਨਗਰ ਨਿਗਮ ਵੱਲੋਂ ਸਫਾਈ ਕਰਵਾਈ ਜਾਵੇਗੀ ਅਤੇ ਉਸਦਾ ਖਰਚਾ ਪਲਾਟ ਮਾਲਕ ਤੋਂ ਜੁਰਮਾਨੇ ਦੇ ਤੌਰ ‘ਤੇ ਵਸੂਲਿਆ ਜਾਵੇਗਾ।

ਵਾਟਸਐਪ ‘ਤੇ ਸੰਪਰਕ ਲਈ ਨੰਬਰ ਜਾਰੀ
ਡਾ. ਅਗਰਵਾਲ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਜੇ ਕੋਈ ਪਲਾਟ ਮਾਲਕ ਆਪਣੇ ਪਲਾਟ ਦੀ ਸਫਾਈ ਕਰਵਾਉਣਾ ਚਾਹੁੰਦਾ ਹੈ ਤਾਂ ਉਹ ਨੰਬਰ 9646222555 ‘ਤੇ ਵਾਟਸਐਪ ਮੈਸੇਜ ਕਰਕੇ ਨਗਰ ਨਿਗਮ ਦੀ ਟੀਮ ਨੂੰ ਜਾਣਕਾਰੀ ਦੇ ਸਕਦਾ ਹੈ। ਟੀਮ ਉਨ੍ਹਾਂ ਨਾਲ ਸੰਪਰਕ ਕਰਕੇ ਸਹਿਯੋਗ ਦੇਵੇਗੀ।

ਜੁਰਮਾਨੇ ਅਤੇ ਕਾਨੂੰਨੀ ਕਾਰਵਾਈ ਦੀ ਚੇਤਾਵਨੀ
ਡੀਸੀ ਨੇ ਦੱਸਿਆ ਕਿ ਹਾਲ ਹੀ ਵਿੱਚ ਇਕ ਪਲਾਟ ਮਾਲਕ ‘ਤੇ 25,000 ਰੁਪਏ ਦਾ ਜੁਰਮਾਨਾ ਲਾਇਆ ਗਿਆ ਹੈ। ਇਨ੍ਹਾਂ ਨੋਟਿਸਾਂ ਵਿੱਚ ਪਲਾਟ ਮਾਲਕਾਂ ਨੂੰ ਨੋਟਿਸ ਦੀ ਤਾਰੀਖ ਤੋਂ 2 ਦਿਨਾਂ ਵਿੱਚ ਪਲਾਟ ਦੀ ਸਫਾਈ ਅਤੇ ਚਾਰਦਿਵਾਰੀ ਬਣਵਾਉਣ ਦੇ ਹੁਕਮ ਦਿੱਤੇ ਗਏ ਹਨ।

ਕਾਨੂੰਨੀ ਧਾਰਾਵਾਂ ਅਧੀਨ ਹੋ ਸਕਦੀ ਹੈ ਕਾਰਵਾਈ
ਉਨ੍ਹਾਂ ਚੇਤਾਵਨੀ ਦਿੱਤੀ ਕਿ ਜੇ ਕੋਈ ਮਾਲਕ ਨਾ ਸਿਰਫ਼ ਸਫਾਈ ਨਹੀਂ ਕਰਦਾ, ਸਗੋਂ ਖਰਚ ਵੀ ਨਹੀਂ ਭਰਦਾ ਤਾਂ ਨਕਸ਼ੇ ਅਤੇ ਰੇਵਨਿਊ ਰਿਕਾਰਡ ਵਿੱਚ “ਰੇਡ ਐਂਟਰੀ” ਕੀਤੀ ਜਾਵੇਗੀ। ਨਾਲ ਹੀ ਭਾਰਤੀ ਨਾਗਰਿਕ ਸੁਰੱਖਿਆ ਸੰਹਿਤਾ-2023 ਦੀ ਧਾਰਾ 163, ਪਰਿਆਵਰਨ (ਸੁਰੱਖਿਆ) ਐਕਟ, 1986, ਪੰਜਾਬ ਨਗਰ ਨਿਗਮ ਐਕਟ, 1976 ਅਤੇ ਠੋਸ ਅਪਸ਼ਿਸਟ ਪ੍ਰਬੰਧਨ ਨਿਯਮ, 2016 ਦੇ ਤਹਿਤ ਪੁਲਿਸ ਵੱਲੋਂ ਕਾਨੂੰਨੀ ਕਾਰਵਾਈ ਵੀ ਹੋ ਸਕਦੀ ਹੈ।

ਨਗਰ ਕੌਂਸਲ ਅਤੇ ਪੰਚਾਇਤਾਂ ਵੱਲੋਂ ਵੀ ਨੋਟਿਸ ਜਾਰੀ
ਡਿਪਟੀ ਕਮਿਸ਼ਨਰ ਨੇ ਇਹ ਵੀ ਦੱਸਿਆ ਕਿ ਨਗਰ ਕੌਂਸਲ ਨੂਰਮਹਿਲ ਵੱਲੋਂ 5 ਅਤੇ ਨਗਰ ਪੰਚਾਇਤ ਸ਼ਾਹਕੋਟ ਵੱਲੋਂ 27 ਨੋਟਿਸ ਜਾਰੀ ਕੀਤੇ ਗਏ ਹਨ।

ਸਫਾਈ ਅਭਿਆਨ ‘ਚ ਸਹਿਯੋਗ ਦੀ ਅਪੀਲ
ਅਖੀਰ ‘ਚ ਡੀਸੀ ਨੇ ਜਲੰਧਰ ਦੇ ਵਾਸੀਆਂ ਨੂੰ ਅਪੀਲ ਕੀਤੀ ਕਿ ਉਹ ਆਪਣਾ ਯੋਗਦਾਨ ਪਾ ਕੇ ਸ਼ਹਿਰ ਨੂੰ ਸਾਫ਼-ਸੁਥਰਾ ਬਣਾਉਣ ‘ਚ ਪ੍ਰਸ਼ਾਸਨ ਦਾ ਸਾਥ ਦੇਣ ਲਈ ਵਾਟਸਐਪ
ਨੰਬਰ: 9646222555