ਜਲੰਧਰ ਦੇ ਚਾਵਲਾ ਮੋਬਾਈਲ ਸ਼ੋਰੂਮ ‘ਤੇ ਦਿਨ-ਦਿਹਾੜੇ ਫਾਇਰਿੰਗ, ਇੱਕ ਨੌਜਵਾਨ ਲੋਕਾਂ ਨੇ ਹਥਿਆਰ ਸਮੇਤ ਕਾਬੂ ਕੀਤਾ
ਜਲੰਧਰ : ਕੰਵਲਜੀਤ ਸਿੰਘ ਮੱਕੜ – ਮੰਗਲਵਾਰ, ਵਡਾਲਾ ਚੌਕ ਬੰਬੇ ਨਗਰ, ਵਿਖੇ ਲੇਨ ਨੰਬਰ 1 ‘ਚ ਤਿੰਨ ਨਵੇਂ ਘਰਾਂ ਦੀ ਚਲ ਰਹੀ ਉਸਾਰੀ ਨੇ ਇਲਾਕੇ ਦੀ ਆਮ ਜਨਤਾ ਲਈ ਮੁਸੀਬਤ ਖੜੀ ਕਰ ਦਿੱਤੀ ਹੈ। ਇਨ੍ਹਾਂ ਕੋਠੀਆਂ ਦੀ ਨਿਰਮਾਣ ਕਾਰਵਾਈ ਦੌਰਾਨ ਸੜਕ ਦੀ ਬੇਲੋੜੀ ਖੁਦਾਈ ਕੀਤੀ ਗਈ, ਪਰ ਸੌਖੀ ਸਹੂਲਤ ਲਈ ਉਖਾੜੀਆਂ ਗਈਆਂ ਸੜਕਾਂ ਦੀ ਮੁਰੰਮਤ ਨਹੀਂ ਕੀਤੀ ਗਈ – ਜਿਸ ਕਰਕੇ ਸੜਕਾਂ ਉੱਤੇ ਖਤਰਨਾਕ ਖੱਡੇ ਬਣੇ ਹੋਏ ਹਨ।
ਅੱਜ ਸਵੇਰੇ ਇਕ ਸਕੂਲ ਬੱਸ ਇਨ੍ਹਾਂ ਵਿਚੋਂ ਇਕ ਖੱਡੇ ‘ਚ ਡਿੱਗ ਗਈ। ਖੁਸ਼ਕਿਸਮਤੀ ਨਾਲ ਕਿਸੇ ਵੀ ਵਿਦਿਆਰਥੀ ਨੂੰ ਗੰਭੀਰ ਚੋਟ ਨਹੀਂ ਲੱਗੀ, ਪਰ ਘਟਨਾ ਨੇ ਇਲਾਕੇ ‘ਚ ਸੁਰੱਖਿਆ ਸੰਬੰਧੀ ਵੱਡਾ ਸਵਾਲ ਖੜਾ ਕਰ ਦਿੱਤਾ ਹੈ।
ਇਲਾਕਾ ਨਿਵਾਸੀਆਂ ਦਾ ਕਹਿਣਾ ਹੈ ਕਿ
“ਆਪਣੀਆਂ ਕੋਠੀਆਂ ਦੀ ਸੁੰਦਰਤਾ ਲਈ ਤਾਂ ਲੱਖਾਂ ਰੁਪਏ ਖਰਚ ਕਰ ਦਿੰਦੇ ਹਨ, ਪਰ ਜਦੋਂ ਗੱਲ ਆਉਂਦੀ ਹੈ ਸੜਕਾਂ ਦੀ ਮੁਰੰਮਤ ਦੀ, ਤਾਂ ਕੋਈ ਵੀ ਜ਼ਿੰਮੇਵਾਰੀ ਨਹੀਂ ਲੈਂਦਾ।” ਜਦ ਕਿ ਇਹ ਤਾਂ ਜਿੰਮੇਵਾਰੀ ਕੋਠੀ ਬਣਾਉਣ ਵਾਲਿਆਂ ਦੀ ਹੈ ਕਿ ਆਲਾ ਦੁਆਲਾ ਦੀ ਕੋਠੀ ਬਣਨ ਤੋਂ ਬਾਅਦ ਸਾਫ ਸੁਥਰਾ ਹੋਣਾ ਚਾਹੀਦਾ ਹੈ।
ਸੜਕ ਦੇ ਅਧੂਰੇ ਕੰਮ, ਖੱਡਿਆਂ ਅਤੇ ਢਹਿ ਗਈ ਮਿੱਟੀ ਨੇ ਪੈਦਲ ਚੱਲਣ ਵਾਲਿਆਂ ਅਤੇ ਵਾਹਨ ਚਲਾਉਣ ਵਾਲਿਆਂ ਲਈ ਭਾਰੀ ਮੁਸ਼ਕਲਾਂ ਖੜੀਆਂ ਕਰ ਦਿੱਤੀਆਂ ਹਨ। ਬੱਚਿਆਂ ਤੋਂ ਲੈ ਕੇ ਵੱਡਿਆਂ ਤੱਕ ਹਰ ਕੋਈ ਦਿਲ ਵਿੱਚ ਡਰ ਲੈ ਕੇ ਇਲਾਕਾ ਪਾਰ ਕਰਦਾ ਹੈ।
ਪੁਕਾਰ ਸਰਕਾਰ ਅਤੇ ਸਥਾਨਕ ਨਿਗਮ ਕੋਲ
ਨਿਵਾਸੀਆਂ ਨੇ ਮੰਗ ਕੀਤੀ ਹੈ ਕਿ ਜਾਂ ਤਾਂ ਨਵੇਂ ਘਰ ਬਣਾਉਣ ਵਾਲਿਆਂ ਨੂੰ ਜ਼ਿੰਮੇਵਾਰੀ ਲਾਈ ਜਾਵੇ ਕਿ ਉਹ ਕੰਮ ਪੂਰਾ ਹੋਣ ‘ਤੇ ਤੁਰੰਤ ਸੜਕ ਦੀ ਮੁਰੰਮਤ ਕਰਵਾਉਣ, ਜਾਂ ਫਿਰ ਨਿਗਮ ਵਲੋਂ ਤੁਰੰਤ ਕਾਰਵਾਈ ਕੀਤੀ ਜਾਵੇ ਤਾਂ ਜੋ ਆਉਣ ਵਾਲੇ ਸਮੇਂ ਵਿੱਚ ਕਿਸੇ ਵੱਡੀ ਹਾਦਸੇ ਤੋਂ ਬਚਿਆਂ ਜਾ ਸਕੇ।
