ਜਲੰਧਰ ਦੇ ਚਾਵਲਾ ਮੋਬਾਈਲ ਸ਼ੋਰੂਮ ‘ਤੇ ਦਿਨ-ਦਿਹਾੜੇ ਫਾਇਰਿੰਗ, ਇੱਕ ਨੌਜਵਾਨ ਲੋਕਾਂ ਨੇ ਹਥਿਆਰ ਸਮੇਤ ਕਾਬੂ ਕੀਤਾ
ਜਲੰਧਰ : ਜੇ ਐਸ ਸੰਧੂ ਤੇ ਕੰਵਲਜੀਤ ਸਿੰਘ ਮੱਕੜ- ਜ਼ਲੰਧਰ ਸਿਵਲ ਨਿਰਮਾਣ ਵਿਭਾਗ ਵਿੱਚ ਉਭਰੇ ਭ੍ਰਿਸ਼ਟਾਚਾਰ ਮਾਮਲੇ ਵਿੱਚ ਗੰਭੀਰ ਪੱਧਰ ‘ਤੇ ਚਲ ਰਹੀ ਜਾਂਚ ਦੌਰਾਨ ਨਾਭਾ ਕੇਂਦਰੀ ਜੇਲ ਵਿੱਚ ਬੰਦ ਵਿਧਾਇਕ ਰਮਣ ਅਰੋੜਾ, ATP ਸੁਖਦੇਵ ਵਸ਼ਿਸ਼ਠ, ਹਰਪ੍ਰੀਤ ਕੌਰ ਅਤੇ ਮਹੇਸ਼ ਮਖੀਜਾ ਨੂੰ ਲੈ ਕੇ ਸੈਸ਼ਨ ਕੋਰਟ ਜਲੰਧਰ ਵਿੱਚ ਮਹੱਤਵਪੂਰਨ ਸੁਣਵਾਈ ਹੋਈ।
ਸੈਸ਼ਨ ਜੱਜ ਜਸਵਿੰਦਰ ਸਿੰਘ ਦੀ ਅਦਾਲਤ ‘ਚ ਰਮਣ ਅਰੋੜਾ ਅਤੇ ਹਰਪ੍ਰੀਤ ਕੌਰ ਨੂੰ ਵੀਡੀਓ ਕਾਨਫਰੰਸ ਰਾਹੀਂ ਪੇਸ਼ ਕੀਤਾ ਗਿਆ, ਜਦਕਿ ATP ਸੁਖਦੇਵ ਵਸ਼ਿਸ਼ਠ ਅਤੇ ਰਮਣ ਅਰੋੜਾ ਦੇ ਨਜ਼ਦੀਕੀ ਮੰਨੇ ਜਾਂਦੇ ਮਹੇਸ਼ ਮਖੀਜਾ ਨਿੱਜੀ ਤੌਰ ‘ਤੇ ਅਦਾਲਤ ਵਿੱਚ ਹਾਜ਼ਰ ਹੋਏ।
ਮਖੀਜਾ ਦੀ ਜਮਾਨਤ ਯਾਚਿਕਾ ‘ਤੇ ਸੁਣਵਾਈ ਕਰਦਿਆਂ ਅਦਾਲਤ ਨੇ 31 ਜੁਲਾਈ 2025 ਨੂੰ ਅਗਲੀ ਮਿਤੀ ਦੇ ਦਿੱਤੀ ਹੈ। ਸੁਣਵਾਈ ਦੌਰਾਨ ਮਹੇਸ਼ ਮਖੀਜਾ ਨੇ ਦੱਸਿਆ ਕਿ ਉਸ ਦੀ ਅਮ੍ਰਿਤਸਰ ਮੈਡੀਕਲ ਕਾਲਜ ਤੋਂ ਜਾਂਚ ਹੋ ਚੁੱਕੀ ਹੈ, ਪਰ ਨਾਭਾ ਜੇਲ ਵਿੱਚ ਉਸਨੂੰ ਕੋਈ ਵੀ ਦਵਾਈ ਨਹੀਂ ਦਿੱਤੀ ਗਈ। ਉਸਨੇ ਅਦਾਲਤ ਤੋਂ ਇਲਾਜ ਸੰਬੰਧੀ ਦਵਾਈ ਮੁਹੱਈਆ ਕਰਵਾਉਣ ਦੀ ਅਪੀਲ ਕੀਤੀ।
ਇਸੇ ਮਾਮਲੇ ਵਿੱਚ ਅੱਜ ਸਾਰੇ ਮੁਲਜ਼ਮਾਂ ਨੂੰ ਚਾਲਾਨ ਦੀਆਂ ਨਕਲਾਂ ਦਿੱਤੀਆਂ ਗਈਆਂ, ਜੋ ਪਹਿਲਾਂ ਉਨ੍ਹਾਂ ਕੋਲ ਨਹੀਂ ਸਨ। ਮੁੱਖ ਮਾਮਲੇ ਦੀ ਅਗਲੀ ਸੁਣਵਾਈ 7 ਅਗਸਤ ਨੂੰ ਨਿਰਧਾਰਤ ਕੀਤੀ ਗਈ ਹੈ।
ਦੱਸਣਯੋਗ ਹੈ ਕਿ ਵਿਧਾਇਕ ਰਮਣ ਅਰੋੜਾ ਨੇ ਰੈਗੂਲਰ ਜਮਾਨਤ ਲਈ ਯਾਚਿਕਾ ਦਾਇਰ ਕੀਤੀ ਹੋਈ ਹੈ, ਜਿਸ ਉੱਤੇ ਸੁਣਵਾਈ ਚੱਲ ਰਹੀ ਹੈ। ਰਮਣ ਅਰੋੜਾ ਦੇ ਖਿਲਾਫ ਵੋਇਸ ਰਿਕਾਰਡਿੰਗ ਮਾਮਲੇ ਸੰਬੰਧੀ ਵਿਜੀਲੈਂਸ ਵਿਭਾਗ ਵੱਲੋਂ ਵੱਖਰਾ ਕੇਸ ਵੀ ਅਦਾਲਤ ਵਿੱਚ ਚੱਲ ਰਿਹਾ ਹੈ।
ਵਿਧਾਇਕ ਦੇ ਪੁੱਤਰ ਰਾਜਨ ਅਰੋੜਾ ਨੂੰ ਹਾਲ ਹੀ ਵਿੱਚ ਅਦਾਲਤ ਵੱਲੋਂ ਸਤੰਬਰ ਤੱਕ ਸ਼ਰਤਾਂ ਦੇ ਅਧੀਨ ਜਮਾਨਤ ਮਿਲੀ ਸੀ, ਜਿਸ ਤਹਿਤ ਰਾਜਨ ਨੂੰ ਵਿਜੀਲੈਂਸ ਜਾਂਚ ਵਿੱਚ ਸਹਿਯੋਗ ਦੇਣ ਦੇ ਹੁਕਮ ਦਿੱਤੇ ਗਏ ਹਨ।
ਇਸਦੇ ਇਲਾਵਾ, ਰਮਣ ਅਰੋੜਾ ਦੇ ਸਮਧੀ ਨਾਲ ਜੁੜੇ ਕੇਸ ਦੀ ਸੁਣਵਾਈ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਵਿੱਚ ਹੋਈ, ਜਿਸ ਵਿੱਚ ਅਗਲੀ ਮਿਤੀ 5 ਅਗਸਤ 2025 ਨੂੰ ਨਿਰਧਾਰਤ ਕੀਤੀ ਗਈ ਹੈ।
ਇਹ ਮਾਮਲਾ ਜਲੰਧਰ ਸਿੱਧੇ ਤੌਰ ‘ਤੇ ਰਾਜਨੀਤੀ, ਪ੍ਰਸ਼ਾਸਨ ਅਤੇ ਨਿਰਮਾਣ ਵਿਭਾਗ ਦੀ ਸਾਫ਼-ਸੁਥਰੀ ਕਾਰਗੁਜ਼ਾਰੀ ਉੱਤੇ ਸਵਾਲ ਖੜ੍ਹੇ ਕਰ ਰਿਹਾ ਹੈ। ਅਗਲੀ ਸੁਣਵਾਈਆਂ ‘ਚ ਹੋ ਸਕਦਾ ਹੈ ਹੋਰ ਵੱਡੇ ਖੁਲਾਸੇ ਸਾਹਮਣੇ ਆਉਣ।
