ਜਲੰਧਰ : ਕੰਵਲਜੀਤ ਸਿੰਘ ਮੱਕੜ ਤੇ ਜੇ ਐਸ ਸੰਧੂ – ਆਯੂਸ਼ ਸੋਸਾਇਟੀ ਜਲੰਧਰ ਵੱਲੋਂ ਸ਼੍ਰੀ ਗੀਤਾ ਮੰਦਰ ਅਰਬਨ ਐਸਪੇਕਟ ਫੇਅਰ ਸਥਾਨ ‘ਤੇ ਆਯੂਸ਼ ਕੈਂਪ ਲਗਾਇਆ ਗਿਆ। ਕੈਂਪ ਦਾ ਉਦਘਾਟਨ ਸ਼੍ਰੀ ਹੰਸ ਰਾਜ, ਸ਼੍ਰੀ ਸਰਬਜੀਤ ਸਿੰਘ, ਜੀਵਨ ਦਿਗਵਿਜੈ ਅਤੇ ਧਰਮਸੋਤ ਸਿੰਘ ਨੇ ਮਿਲ ਕੇ ਕੀਤਾ। ਮੁੱਖ ਮਹਿਮਾਨ ਵਜੋਂ ਆਏ ਸ਼੍ਰੀ ਰੋਸ਼ਨ ਅਗਰਵਾਲ ਅਤੇ ਸੈਕਟਰੀ ਟੀ.ਐੱਸ.ਯਾਦਵ ਨੇ ਵਿਸ਼ੇਸ਼ ਸ਼ਿਰਕਤ ਕੀਤੀ।
ਕੈਂਪ ਵਿੱਚ ਆਯੂਰਵੈਦਿਕ ਮੈਡੀਕਲ ਅਫਸਰ ਡਾ. ਸ਼ਲੀ ਕੁਮਾਰ, ਡਾ. ਨਵਨਿਸ਼ ਕੋਰ, ਡਾ. ਸੁਮੇਧਾ ਰਾਣਾ, ਸਿਧ ਅਤੇ ਹੋਮਿਓਪੈਥਿਕ ਮੈਡੀਕਲ ਅਫਸਰ ਡਾ. ਰਵੀ ਕੂਮਾਰ, ਡਾ. ਇੰਦੂ ਮਲਹੋਤਰਾ, ਯੂਨਾਨੀ, ਹੋਮਿਓਪੈਥਿਕ, ਨੈਚਰੋਪੈਥੀ ਅਤੇ ਸਿਧ ਵਿਭਾਗ ਦੇ ਵਿਦਵਾਨ ਡਾਕਟਰਾਂ ਨੇ ਆਪਣੀਆਂ ਸੇਵਾਵਾਂ ਦਿੱਤੀਆਂ।
ਡਾ. ਬਿੰਦਰ ਸਿੰਘ ਵੱਲੋਂ ਲਗਭਗ 878 ਮਰੀਜ਼ਾਂ ਦੀ ਹੇਲਥ ਚੈੱਕਅੱਪ ਕੀਤਾ ਗਿਆ ਅਤੇ ਉਨ੍ਹਾਂ ਨੂੰ ਮੁਫਤ ਦਵਾਈਆਂ ਦਿੱਤੀਆਂ ਗਈਆਂ।
ਨਵਨਿਸ਼ ਕੋਰ ਨੇ ਜ਼ਰੂਰਤਮੰਦਾਂ ਨੂੰ ਯੋਗਾਸਨ ਕਰਵਾਏ ਅਤੇ ਸਟਾਫ਼ ਨਰਸ ਅਰਵਿੰਦ ਕੋਰ ਨੇ ਘਰ ਦੀ ਰਸੋਈ ਵਿੱਚ ਵਰਤੇ ਜਾਣ ਵਾਲੀਆਂ ਸਮਗਰੀਆਂ ਦੇ ਲਾਭ ਦੱਸੇ। ਜਿਲ੍ਹਾ ਆਯੂਸ਼ ਅਫਸਰ ਅਤੇ ਪ੍ਰੋਗਰਾਮ ਇੰਚਾਰਜ ਡਾ. ਰੀਨਾ ਢੂੰਡਾ ਨੇ ਵੀ ਕੈਂਪ ਹੋਣ ਬਾਰੇ ਲੋਕਾਂ ਨੂੰ ਆਯੂਸ਼ ਪੱਧਰ ਅਨੁਸਾਰ ਜਾਗਰੂਕ ਕੀਤਾ।
ਇਸ ਮੌਕੇ ਸੁਪਰਡੈਂਟ ਸ਼੍ਰੀ ਜਸਵੀਰ ਕੋਰ, ਸ਼੍ਰੀ ਗੀਤਾ ਮੰਦਰ ਦੇ ਸਮੂਹ ਕਮੇਟੀ ਮੈਂਬਰ ਮੌਜੂਦ ਰਹੇ।
