ਜਲੰਧਰ ਦੇ ਚਾਵਲਾ ਮੋਬਾਈਲ ਸ਼ੋਰੂਮ ‘ਤੇ ਦਿਨ-ਦਿਹਾੜੇ ਫਾਇਰਿੰਗ, ਇੱਕ ਨੌਜਵਾਨ ਲੋਕਾਂ ਨੇ ਹਥਿਆਰ ਸਮੇਤ ਕਾਬੂ ਕੀਤਾ
ਜਲੰਧਰ : ਜੇ ਐਸ ਸੰਧੂ ਤੇ ਕੰਵਲਜੀਤ ਸਿੰਘ ਮੱਕੜ – ਜਲੰਧਰ/ਲੋਹੀਆਂ ਪੁਲਿਸ ਵੱਲੋਂ ਮਹਿਲਾ ਹਰਜੀਤ ਕੌਰ ਦੇ ਅੰਨੇ ਕਤਲ ਦੀ ਗੁੱਥੀ ਆਧੁਨਿਕ ਢੰਗ ਤਰੀਕਿਆਂ ਨਾਲ ਸੁਲਝਾ ਲਈ ਗਈ ਹੈ। ਇਸ ਮਾਮਲੇ ਵਿੱਚ ਪੁਲਿਸ ਨੇ ਇੱਕ ਦੋਸ਼ੀ ਨੂੰ ਗ੍ਰਿਫਤਾਰ ਕਰਕੇ ਉਸਦੀ ਕਾਰ ਤੇ ਮੋਬਾਇਲ ਫੋਨ ਵੀ ਬਰਾਮਦ ਕੀਤਾ ਹੈ।
ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਸ੍ਰੀ ਉਕਾਰ ਸਿੰਘ ਬਰਾੜ, ਪੀ.ਪੀ.ਐਸ, ਉਪ ਪੁਲਿਸ ਕਪਤਾਨ ਸਬ ਡਵੀਜਨ ਸ਼ਾਹਕੋਟ, ਨੇ ਦੱਸਿਆ ਕਿ ਇਹ ਕਾਰਵਾਈ ਸੀਨੀਅਰ ਪੁਲਿਸ ਕਪਤਾਨ ਜਲੰਧਰ ਦਿਹਾਤੀ ਸ੍ਰੀ ਹਰਵਿੰਦਰ ਸਿੰਘ ਵਿਰਕ, ਪੀ.ਪੀ.ਐਸ. ਦੇ ਦਿਸ਼ਾ-ਨਿਰਦੇਸ਼ ਅਤੇ ਪੁਲਿਸ ਕਪਤਾਨ ਇਨਵੈਸਟੀਗੇਸ਼ਨ ਸ੍ਰੀ ਸਰਬਜੀਤ ਰਾਏ, ਪੀ.ਪੀ.ਐਸ. ਦੀ ਹਦਾਇਤ ਅਧੀਨ ਕੀਤੀ ਗਈ।
ਮਾਮਲੇ ਦੀ ਪਿਛੋਕੜ, ਮ੍ਰਿਤਕ ਹਰਜੀਤ ਕੌਰ, ਵਾਸੀ ਗੁਰੂ ਨਾਨਕ ਕਲੋਨੀ ਲੋਹੀਆਂ, 14 ਜੁਲਾਈ 2025 ਨੂੰ ਆਪਣੇ ਕੱਪੜੇ ਸੀਤੇ ਹੋਏ ਲੈਣ ਲਈ ਸਕੂਟੀ (ਨੰਬਰ PB-67-D-9729) ‘ਤੇ ਘਰੋਂ ਨਿਕਲੀ ਸੀ ਪਰ ਵਾਪਸ ਨਾ ਆਈ। ਪਰਿਵਾਰ ਨੇ ਖੋਜ ਦੌਰਾਨ ਉਸਦੀ ਲਾਸ਼ ਲੋਹੀਆਂ–ਮੱਖੂ ਜੀ.ਟੀ. ਰੋਡ ਦੇ ਖਤਾਨਾ ਨੇੜੇ ਖੂਨ ਨਾਲ ਲਥਪਥ ਮਿਲੀ ਸੀ। ਗਲ੍ਹ ‘ਤੇ ਤੇਜ਼ਧਾਰ ਹਥਿਆਰ ਨਾਲ ਡੂੰਘੇ ਜਖਮ ਸਨ ਅਤੇ ਸਕੂਟੀ ਵੀ ਨੇੜੇ ਪਈ ਮਿਲੀ ਸੀ।
ਤਫਤੀਸ਼ ਵਿੱਚ ਖੁਲਾਸੇ, ਜਾਂਚ ਦੌਰਾਨ ਸਾਹਮਣੇ ਆਇਆ ਕਿ ਹਰਜੀਤ ਕੌਰ ਤਲਾਕਸ਼ੁਦਾ ਸੀ ਅਤੇ ਉਸਦੀ ਦੂਸਰੀ ਸ਼ਾਦੀ ਫਿਰੋਜ਼ਪੁਰ ਦੇ ਰਹਿਣ ਵਾਲੇ ਕੁਲਵਿੰਦਰ ਸਿੰਘ ਨਾਲ ਹੋਈ ਸੀ, ਜੋ ਇਸ ਸਮੇਂ ਇਟਲੀ ਵਿੱਚ ਮਜਦੂਰੀ ਕਰਦਾ ਹੈ। ਉਸਦੀ ਗੈਰਹਾਜ਼ਰੀ ਵਿੱਚ ਹਰਜੀਤ ਕੌਰ ਦਾ ਕਤਲ ਹੋ ਗਿਆ ਸੀ।
ਜਾਂਚ ਦੌਰਾਨ ਪੁਲਿਸ ਨੇ ਖੁਲਾਸਾ ਕੀਤਾ ਕਿ ਵਿਆਹ ਤੋਂ ਪਹਿਲਾਂ ਪਰਿਵਾਰ ਨੇ ਹਰਜੀਤ ਕੌਰ ਲਈ ਦਲਬੀਰ ਸਿੰਘ ਉਰਫ ਸੋਨੂੰ ਨੂੰ ਵੀ ਵੇਖਿਆ ਸੀ, ਪਰ ਵਿਆਹ ਨਹੀਂ ਹੋ ਸਕਿਆ। ਇਸ ਦੇ ਬਾਵਜੂਦ ਦੋਵਾਂ ਵਿਚਕਾਰ ਸੰਪਰਕ ਬਣਿਆ ਰਿਹਾ। ਮ੍ਰਿਤਕ ਵੱਲੋਂ ਦਲਬੀਰ ਸਿੰਘ ਨਾਲ ਵਿਆਹ ਲਈ ਦਬਾਅ ਪਾਇਆ ਜਾ ਰਿਹਾ ਸੀ। ਸਬੰਧ ਬਾਹਰ ਆਉਣ ਦੇ ਡਰ ਨਾਲ ਦਲਬੀਰ ਸਿੰਘ ਨੇ 14 ਜੁਲਾਈ ਨੂੰ ਆਪਣੀ ਬਰੀਜ਼ਾ ਕਾਰ ‘ਚ ਮੌਕਾ-ਏ-ਵਾਰਦਾਤ ‘ਤੇ ਪਹੁੰਚ ਕੇ ਹਰਜੀਤ ਕੌਰ ਦਾ ਤੇਜ਼ਧਾਰ ਹਥਿਆਰ ਨਾਲ ਕਤਲ ਕਰ ਦਿੱਤਾ ਅਤੇ ਲਾਸ਼ ਖਤਾਨਾ ਨੇੜੇ ਸੁੱਟ ਕੇ ਫਰਾਰ ਹੋ ਗਿਆ ਸੀ।
ਗ੍ਰਿਫਤਾਰੀ ਅਤੇ ਬਰਾਮਦਗੀ, ਪੁਲਿਸ ਨੇ ਕੇਸ ਦੀ ਸੁਚੱਜੀ ਜਾਂਚ ਕਰਦੇ ਹੋਏ ਦੋਸ਼ੀ ਨੂੰ 23 ਅਗਸਤ 2025 ਨੂੰ ਗ੍ਰਿਫਤਾਰ ਕਰ ਲਿਆ। ਗ੍ਰਿਫਤਾਰ ਦੋਸ਼ੀ ਦੀ ਪਹਿਚਾਣ ਇਸ ਤਰ੍ਹਾਂ ਹੈ :
ਦਲਬੀਰ ਸਿੰਘ ਉਰਫ ਸੋਨੂੰ ਪੁੱਤਰ ਨਿਰਵੈਰ ਸਿੰਘ ਵਾਸੀ ਦਬੁਲੀਆਂ, ਥਾਣਾ ਫੱਤੂਢੀਗਾ, ਜਿਲ੍ਹਾ ਕਪੂਰਥਲਾ, ਪੁਲਿਸ ਵੱਲੋਂ ਬਰਾਮਦ ਕੀਤੇ ਸਮਾਨ ਵਿੱਚ ਸ਼ਾਮਲ ਹਨ :
1. ਮਾਰੂਤੀ ਸੁਜ਼ੁਕੀ ਬਰੀਜ਼ਾ ਕਾਰ ਨੰਬਰ PB-09-AM-5884
2. ਦੋਸ਼ੀ ਦਾ ਮੋਬਾਇਲ ਫੋਨ (ਮਾਰਕਾ Vivo)
ਅਦਾਲਤ ਵਿੱਚ ਪੇਸ਼ੀ, ਪੁਲਿਸ ਨੇ ਦੋਸ਼ੀ ਖ਼ਿਲਾਫ਼ ਭੁ. ਹੈ: 94 ਮਿਤੀ 15.07.2025 ਜੁਰਮ 103, 3(5) BNS ਥਾਣਾ ਲੋਹੀਆਂ ਅਧੀਨ ਮੁਕੱਦਮਾ ਦਰਜ ਕਰਕੇ ਉਸਨੂੰ ਮਾਨਯੋਗ ਅਦਾਲਤ ਵਿੱਚ ਪੇਸ਼ ਕੀਤਾ ਹੈ ਅਤੇ ਰਿਮਾਂਡ ਹਾਸਲ ਕੀਤਾ ਜਾਵੇਗਾ।
