ਜਲੰਧਰ ਦੇ ਚਾਵਲਾ ਮੋਬਾਈਲ ਸ਼ੋਰੂਮ ‘ਤੇ ਦਿਨ-ਦਿਹਾੜੇ ਫਾਇਰਿੰਗ, ਇੱਕ ਨੌਜਵਾਨ ਲੋਕਾਂ ਨੇ ਹਥਿਆਰ ਸਮੇਤ ਕਾਬੂ ਕੀਤਾ
ਜਲੰਧਰ : ਆਯੁਰਵੇਦਿਕ ਵਿਭਾਗ ਵਿੱਚ ਲੰਮੇ ਸਮੇਂ ਤੋਂ ਆਪਣੀਆਂ ਬਿਹਤਰੀਨ ਸੇਵਾਵਾਂ ਦੇ ਰਹੇ ਮੈਡੀਕਲ ਅਫਸਰ ਡਾ. ਜੀਵਨ ਜੋਤ ਢਿੱਲੋ ਨੂੰ ਵਿਭਾਗ ਵੱਲੋਂ ਉੱਚੀ ਪਦੋਨਤੀ ਦੇ ਕੇ ਸੀਨੀਅਰ ਆਯੁਰਵੇਦਿਕ ਫਿਜ਼ੀਸ਼ਨ ਵਜੋਂ ਨਿਯੁਕਤ ਕੀਤਾ ਗਿਆ ਹੈ। ਡਾ. ਢਿੱਲੋ ਨੇ ਅੱਜ ਨਵੇਂ ਅਹੁਦੇ ਦਾ ਚਾਰਜ ਸਵਾਸਥ ਕੇਂਦਰ ਜਲੰਧਰ ਵਿੱਚ ਸੰਭਾਲਿਆ।
ਚਾਰਜ ਸੰਭਾਲਣ ਮੌਕੇ ਵਿਭਾਗ ਦੇ ਅਧਿਕਾਰੀਆਂ, ਸਟਾਫ ਮੈਂਬਰਾਂ ਅਤੇ ਪਰਿਵਾਰਕ ਜਣਿਆਂ ਵੱਲੋਂ ਡਾ. ਢਿੱਲੋ ਨੂੰ ਗਰਮਜੋਸ਼ੀ ਨਾਲ ਵਧਾਈਆਂ ਦਿੱਤੀਆਂ ਗਈਆਂ। ਇਸ ਮੌਕੇ ਡੀ.ਏ.ਯੂ.ਓ. ਡਾ. ਵੀਨੂ ਖੰਨਾ, ਡਾ. ਸੁਮੇਸ਼ ਦੂਆ, ਸੁਪਰਡੈਂਟ ਜਸਵੀਰ ਕੌਰ, ਕਲਰਕ ਬਿਕਰਮਜੀਤ, ਸਟੈਨੋ ਮਨਪ੍ਰੀਤ ਕੌਰ, ਡਾ. ਚੇਤਨ ਮਹਿਤਾ (ਐਮ.ਡੀ.), ਡਾ. ਸੁਨੀਲ ਕੁਮਾਰ (ਐਮ.ਐਸ.), ਡਾ. ਰਜਿੰਦਰ ਕੁਮਾਰ (ਸਟੇਟ ਅਵਾਰਡੀ), ਡਾ. ਨਵਜੋਤ ਕੌਰ ਸਮੇਤ ਸਵਾਸਥ ਕੇਂਦਰ ਦਾ ਸਮੂਹ ਸਟਾਫ ਹਾਜ਼ਰ ਰਿਹਾ।
ਵਧਾਈ ਦੇਣ ਵਾਲਿਆਂ ਵਿੱਚ ਵਿਸ਼ੇਸ਼ ਤੌਰ ‘ਤੇ ਡਾ. ਅਮਰਦੀਪ ਢਿੱਲੋ (ਰਿਟਾਇਰ ਡੀ.ਏ.ਯੂ.ਓ. ਫਤਿਹਗੜ੍ਹ ਸਾਹਿਬ) ਵੀ ਮੌਜੂਦ ਸਨ, ਜਿਨ੍ਹਾਂ ਨੇ ਡਾ. ਜੀਵਨ ਜੋਤ ਢਿੱਲੋ ਦੀ ਲੰਬੀ ਸੇਵਾ, ਲਗਨ ਅਤੇ ਮਰੀਜ਼ਾਂ ਪ੍ਰਤੀ ਸਮਰਪਣ ਦੀ ਸਰਾਹਨਾ ਕੀਤੀ।
ਇਸ ਮੌਕੇ ਡਾ. ਜੀਵਨ ਜੋਤ ਢਿੱਲੋ ਨੇ ਵਿਭਾਗ ਵੱਲੋਂ ਦਿੱਤੇ ਸਨਮਾਨ ਅਤੇ ਭਰੋਸੇ ਲਈ ਧੰਨਵਾਦ ਕਰਦਿਆਂ ਕਿਹਾ ਕਿ ਉਹ ਆਯੁਰਵੇਦਿਕ ਇਲਾਜ ਪੱਧਤੀ ਨੂੰ ਹੋਰ ਮਜ਼ਬੂਤ ਕਰਨ ਲਈ ਹਰ ਸੰਭਵ ਯਤਨ ਕਰਨਗੇ। ਉਨ੍ਹਾਂ ਨੇ ਕਿਹਾ ਕਿ ਮਰੀਜ਼ਾਂ ਦੀ ਭਲਾਈ ਲਈ ਵਿਗਿਆਨਕ ਰਿਸਰਚ ਅਤੇ ਆਧੁਨਿਕ ਤਕਨਾਲੋਜੀ ਨਾਲ ਮਿਲਾ ਕੇ ਆਯੁਰਵੇਦਿਕ ਸੇਵਾਵਾਂ ਨੂੰ ਹੋਰ ਪ੍ਰਭਾਵਸ਼ਾਲੀ ਬਣਾਉਣ ਉਨ੍ਹਾਂ ਦੀ ਪ੍ਰਾਥਮਿਕਤਾ ਰਹੇਗੀ।
