ਜਲੰਧਰ (ਕੰਵਲਜੀਤ ਸਿੰਘ ਮੱਕੜ) – ਜਗਾਧਰੀ ਵਿੱਚ ਆਯੋਜਿਤ ਕੀਤੀ ਗਈ ਉੱਤਰੀ ਰੇਲਵੇ ਵਜ਼ਨ ਉਠਾਉਣ ਚੈਂਪੀਅਨਸ਼ਿਪ 2025-26 ਦਾ ਅੱਜ ਵਿਧੀਵਤ ਸਮਾਪਨ ਹੋ ਗਿਆ। ਚੈਂਪੀਅਨਸ਼ਿਪ ਵਿੱਚ ਵੱਖ-ਵੱਖ ਡਿਵੀਜ਼ਨਾਂ ਦੀਆਂ ਟੀਮਾਂ ਨੇ ਸ਼ਿਰਕਤ ਕੀਤੀ ਅਤੇ ਰੋਮਾਂਚਕ ਮੁਕਾਬਲੇ ਦੇਖਣ ਨੂੰ ਮਿਲੇ।
ਇਸ ਵਾਰ ਫਿਰੋਜ਼ਪੁਰ ਡਿਵੀਜ਼ਨ ਦੀ ਟੀਮ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਚੈਂਪੀਅਨਸ਼ਿਪ ਖਿਤਾਬ ਆਪਣੇ ਨਾਮ ਕੀਤਾ। ਟੀਮ ਨੇ ਕੁੱਲ 3 ਸੋਨੇ ਦੇ ਤਮਗੇ (Gold Medals), 2 ਚਾਂਦੀ ਦੇ ਤਮਗੇ (Silver Medals) ਅਤੇ 3 ਕਾਂਸੇ ਦੇ ਤਮਗੇ (Bronze Medals) ਹਾਸਲ ਕਰਕੇ ਸਭ ਤੋਂ ਉੱਚਾ ਸਥਾਨ ਪ੍ਰਾਪਤ ਕੀਤਾ।
ਫਿਰੋਜ਼ਪੁਰ ਡਿਵੀਜ਼ਨ ਦੇ ਖਿਡਾਰੀ
1. ਜੋਗਾ ਸਿੰਘ 2. ਗੁਰਦੀਪ ਸਿੰਘ 3.ਗੁਰਕਰਨ ਸਿੰਘ 4. ਅਮਜੀਤ ਗੁਰੂ 5.ਵਿਵੇਕ ਨੱਡਾ 6. ਗੁਰਸੇਵਕ ਸਿੰਘ 7.ਰਾਜਵੀਰ ਸਿੰਘ 8. ਤੇਜਪਾਲ ਸੰਧੂ
ਟੀਮ ਦੀ ਰਹਿਨੁਮਾਈ ਕਰਨ ਵਾਲੇ ਕੋਚ:
ਅਮਰਜੀਤ ਸਿੰਘ ਸੰਧੂ (Coach)
ਸੁਖਵਿੰਦਰ ਸਿੰਘ ਦਾਰਾ (Assistant Coach)
ਦੋਵੇਂ ਕੋਚ ਰੇਲਵੇ ਚੈਕਿੰਗ ਸਟਾਫ ਵਿੱਚ ਮੁੱਖ ਟਿਕਟ ਇੰਸਪੈਕਟਰ ਦੇ ਅਹੁਦੇ ‘ਤੇ ਤਾਇਨਾਤ ਹਨ ਅਤੇ ਨਾਲ ਹੀ ਅੰਤਰਰਾਸ਼ਟਰੀ ਪੱਧਰ ਦੇ ਖਿਡਾਰੀ ਵੀ ਰਹਿ ਚੁੱਕੇ ਹਨ। ਉਨ੍ਹਾਂ ਦੇ ਤਜਰਬੇ ਅਤੇ ਸਹੀ ਰਹਿਨੁਮਾਈ ਦਾ ਹੀ ਨਤੀਜਾ ਸੀ ਕਿ ਟੀਮ ਨੇ ਇਸ ਵਾਰ ਵਧੀਆ ਪ੍ਰਦਰਸ਼ਨ ਕਰਦੇ ਹੋਏ ਚੈਂਪੀਅਨਸ਼ਿਪ ਜਿਤੀ। ਫਿਰੋਜ਼ਪੁਰ ਡਿਵੀਜ਼ਨ ਦੇ 203 ਪੁਆਇੰਟ, ਜਗਾਧਰੀ ਵਰਕਸ਼ਾਪ ਦੇ 196 ਪੁਆਇੰਟ ਅਤੇ ਅੰਬਾਲਾ ਡਿਵੀਜ਼ਨ ਦੇ 187 ਪੁਆਇੰਟ ਸਨ
ਸਮਾਪਨ ਸਮਾਰੋਹ ਦੌਰਾਨ ਜੇਤੂ ਖਿਡਾਰੀਆਂ ਨੂੰ ਮਾਨ-ਸਨਮਾਨ ਨਾਲ ਨਵਾਜ਼ਿਆ ਗਿਆ। ਰੇਲਵੇ ਅਧਿਕਾਰੀਆਂ ਨੇ ਟੀਮ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਫਿਰੋਜ਼ਪੁਰ ਡਿਵੀਜ਼ਨ ਨੇ ਹਰ ਵਾਰ ਦੀ ਤਰ੍ਹਾਂ ਇਸ ਵਾਰ ਵੀ ਆਪਣੀ ਮਹਿਨਤ, ਅਨੁਸ਼ਾਸਨ ਅਤੇ ਜਜ਼ਬੇ ਨਾਲ ਰੇਲਵੇ ਦਾ ਮਾਣ ਵਧਾਇਆ ਹੈ।
