ਜਲੰਧਰ (ਕੰਵਲਜੀਤ ਸਿੰਘ ਮੱਕੜ) – ਮਾਡਲ ਟਾਊਨ ਦੀ ਮੁੱਖ ਮਾਰਕੀਟ ਵਿੱਚ TVISVA JEWELS ਸ਼ੋਰੂਮ ਦਾ ਸ਼ਾਨਦਾਰ ਉਦਘਾਟਨ ਕੀਤਾ ਗਿਆ। ਇਸ ਮੌਕੇ ‘ਤੇ ਡਿਪਟੀ ਕਮਿਸ਼ਨਰ ਹਿਮਾਂਸ਼ੂ ਅਗਰਵਾਲ ਨੇ ਰਿਬਨ ਕੱਟ ਕੇ ਸ਼ੋਰੂਮ ਨੂੰ ਲੋਕਾਂ ਲਈ ਖੋਲ੍ਹਿਆ। ਉਦਘਾਟਨ ਸਮਾਰੋਹ ਵਿੱਚ ਪੰਜਾਬੀ ਫਿਲਮ ਇੰਡਸਟਰੀ ਦੇ ਪ੍ਰਸਿੱਧ ਅਦਾਕਾਰ ਬਿੰਨੂ ਢਿੱਲੋਂ ਤੇ ਦੇਵ ਖਹਿਰੋਡ ਖ਼ਾਸ ਤੌਰ ‘ਤੇ ਪਹੁੰਚੇ।
ਸਮਾਰੋਹ ਵਿੱਚ ਗਲੈਮਰ ਦਾ ਰੰਗ ਭਰਨ ਲਈ ਟੀਵਿਸਵਾ ਜੁਐਲਜ਼ ਦੀ ਬ੍ਰਾਂਡ ਐਂਬੈਸਡਰ ਜੈਸਮੀਨ ਬਾਜਵਾ, ਅਦਾਕਾਰ ਕਰਮਜੀਤ ਅਨਮੋਲ, ਐਮੀ ਵਿਰਕ ਸਮੇਤ ਪੰਜਾਬੀ ਮਨੋਰੰਜਨ ਜਗਤ ਦੇ ਕਈ ਹੋਰ ਮਸ਼ਹੂਰ ਚਿਹਰੇ ਵੀ ਮੌਜੂਦ ਰਹੇ। ਹਾਲਾਂਕਿ, ਸਿਤਾਰਿਆਂ ਨੇ ਇਸ ਦੌਰਾਨ ਮੀਡੀਆ ਨਾਲ ਵੱਡੀ ਗੱਲਬਾਤ ਨਹੀਂ ਕੀਤੀ।
ਅਦਾਕਾਰ ਬਿੰਨੂ ਢਿੱਲੋਂ ਨੇ ਇਸ ਮੌਕੇ ਦੱਸਿਆ ਕਿ ਲੋਕਾਂ ਦੇ ਮਨ ਵਿੱਚ ਅਕਸਰ ਹੀਰਿਆਂ ਨੂੰ ਲੈ ਕੇ ਇਹ ਸੋਚ ਹੁੰਦੀ ਹੈ ਕਿ ਇਹ ਬਹੁਤ ਮਹਿੰਗੇ ਹੁੰਦੇ ਹਨ, ਪਰ Tvisva Jewels ਨੇ ਲੋਕਾਂ ਲਈ ਵਾਜਬ ਕੀਮਤਾਂ ਵਿੱਚ ਹੀਰਿਆਂ ਦੀ ਖ਼ਰੀਦ ਸੰਭਵ ਬਣਾਈ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਸ ਸ਼ੋਰੂਮ ਦੀ ਸ਼ੁਰੂਆਤ ਜਲੰਧਰ ਤੋਂ ਕੀਤੀ ਗਈ ਹੈ ਅਤੇ ਇਹ ਉਨ੍ਹਾਂ ਦਾ ਸਭ ਤੋਂ ਪਹਿਲਾ ਸ਼ੋਰੂਮ ਹੈ। ਮਾਡਲ ਟਾਊਨ ਦੀ ਚੋਣ ਇਸ ਲਈ ਕੀਤੀ ਗਈ ਹੈ ਕਿਉਂਕਿ ਇਹਥੇ ਭਾਰੀ ਗਿਣਤੀ ਵਿੱਚ ਲੋਕ ਖ਼ਰੀਦਦਾਰੀ ਕਰਨ ਲਈ ਆਉਂਦੇ ਹਨ।
ਜਵੈਲਰੀ ਦੀ ਕੀਮਤਾਂ ਬਾਰੇ ਜਾਣਕਾਰੀ ਦਿੰਦਿਆਂ ਢਿੱਲੋਂ ਨੇ ਕਿਹਾ ਕਿ ਸਿਲਵਰ ਜਵੈਲਰੀ 2 ਹਜ਼ਾਰ ਤੋਂ 20 ਲੱਖ ਰੁਪਏ ਤੱਕ ਇੱਥੇ ਉਪਲਬਧ ਹੈ। ਇਸੇ ਤਰ੍ਹਾਂ ਗੋਲਡ ਜਵੈਲਰੀ ਵੀ ਬਹੁਤ ਵੱਡੇ ਡਿਸਕਾਊਂਟ ‘ਤੇ ਇੱਥੇ ਮਿਲੇਗੀ। ਉਦਾਹਰਨ ਵਜੋਂ, ਉਨ੍ਹਾਂ ਕਿਹਾ ਕਿ 20 ਲੱਖ ਰੁਪਏ ਦੀ ਜਵੈਲਰੀ 2 ਲੱਖ ਰੁਪਏ ਵਿੱਚ ਮਿਲ ਸਕਦੀ ਹੈ, ਜਿਸ ਨਾਲ ਖ਼ਰੀਦਦਾਰਾਂ ਨੂੰ 18 ਲੱਖ ਰੁਪਏ ਤੱਕ ਦੀ ਬਚਤ ਹੋਵੇਗੀ।
ਉਨ੍ਹਾਂ ਨੇ ਇਹ ਵੀ ਦੱਸਿਆ ਕਿ ਸ਼ੋਰੂਮ ਵਿੱਚ ਮਿਲਣ ਵਾਲੀ ਸਾਰੀ ਜਵੈਲਰੀ ਨਿਕਲ-ਫ੍ਰੀ ਹੈ, ਜਿਸ ਕਾਰਨ ਚਮੜੀ ਦੀ ਕਿਸੇ ਵੀ ਤਰ੍ਹਾਂ ਦੀ ਸਮੱਸਿਆ ਜਾਂ ਐਲਰਜੀ ਦਾ ਖ਼ਤਰਾ ਨਹੀਂ ਰਹੇਗਾ।
ਅੰਤ ਵਿੱਚ, ਬਿੰਨੂ ਢਿੱਲੋਂ ਨੇ ਲੋਕਾਂ ਅਤੇ ਮੀਡੀਆ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਉਨ੍ਹਾਂ ਦਾ ਉਦੇਸ਼ ਆਮ ਲੋਕਾਂ ਲਈ ਵੀ ਹੀਰੇ ਅਤੇ ਸੋਨੇ ਦੀ ਖ਼ਰੀਦ ਆਸਾਨ ਤੇ ਸੁਰੱਖਿਅਤ ਬਣਾਉਣਾ ਹੈ।
