ਜਲੰਧਰ: ਕੰਵਲਜੀਤ ਸਿੰਘ ਮੱਕੜ — ਵਿਸਾਖੀ ਦੇ ਪਾਵਨ ਮੌਕੇ ‘ਤੇ ਸਰਦਾਰ ਹਰਜੀਤ ਸਿੰਘ ਢਿੱਲੋ, ਇੰਸਪੈਕਟਰ ਆਫ ਟਿਕਟ (ਬਿਆਸ) ਵੱਲੋਂ ਇਕ ਭਰਵਾਂ ਸਮਾਗਮ Hotel AB Clarks Inn ਵਿਖੇ ਆਯੋਜਿਤ ਕੀਤਾ ਗਿਆ, ਜਿਸ ਵਿੱਚ ਵੱਖ-ਵੱਖ ਖੇਤਰਾਂ ਨਾਲ ਸੰਬੰਧਿਤ ਪ੍ਰਮੁੱਖ ਸ਼ਖਸੀਅਤਾਂ ਨੇ ਸ਼ਿਰਕਤ ਕੀਤੀ।
ਇਸ ਸਮਾਗਮ ਵਿੱਚ ਲੁਧਿਆਣਾ ਤੋਂ ਸਰਦਾਰ ਮਨਦੀਪ ਸਿੰਘ ਰੰਦਾਵਾ (CIT), ਬਲਜਿੰਦਰ ਸਿੰਘ ਬਰਾੜ (CIT, ਅੰਬਾਲਾ ਕੈਂਟ), ਇੰਡਿਅਨ ਐਥਲੈਟਿਕਸ ਦੇ ਚੀਫ ਕੋਚ ਸਰਦਾਰ ਮਹਿੰਦਰ ਸਿੰਘ ਢਿੱਲੋ (ਜੈਵਲਿਨ ਥ੍ਰੋ), ਪਠਾਨਕੋਟ ਤੋਂ ਜਨਰਲ ਸੈਕਟਰੀ ਐਥਲੈਟਿਕ ਐਸੋਸੀਏਸ਼ਨ ਸਰਦਾਰ ਗੁਰਸ਼ਰਨ ਸਿੰਘ, ਐਥਲੈਟਿਕ ਕੋਚ ਸਰਬਜੀਤ ਸਿੰਘ, ਪ੍ਰਮਜੀਤ ਸਿੰਘ ਪੰਮੀ, ਕਬੱਡੀ ਕੋਚ ਤਰਸੇਮ ਸਿੰਘ, ਸਤਨਾਮ ਸਿੰਘ (ਐਕਸ CIT ਜਲੰਧਰ), ਅਵਤਾਰ ਸਿੰਘ (ਐਕਸ CIT ਜਲੰਧਰ) ਸ: ਰਾਜਵਿੰਦਰ ਕਾਲਾ ਅਤੇ ਕੈਨੇਡਾ ਤੋਂ ਸੁਖੀ ਨਿਝਰ ਸਮੇਤ ਕਈ ਹੋਰ ਮਾਣਯੋਗ ਹਸਤੀਆਂ ਹਾਜ਼ਰ ਰਹੀਆਂ।
ਇਸ ਮੌਕੇ ਪੰਜਾਬ ਪੁਲਿਸ ਦੇ ਕਈ ਰਿਟਾਇਰਡ ਅਤੇ ਵਰਕਿੰਗ ਅਫਸਰ ਵੀ ਮੌਜੂਦ ਸਨ, ਜੋ ਖੇਡਾਂ ਨਾਲ ਸੰਬੰਧਿਤ ਰਹੇ ਹਨ। ਸਭ ਨੇ ਇਕੱਠੇ ਹੋ ਕੇ ਵਿਸਾਖੀ ਦੀਆਂ ਖੁਸ਼ੀਆਂ ਸਾਂਝੀਆਂ ਕੀਤੀਆਂ ਅਤੇ ਸਰਦਾਰ ਹਰਜੀਤ ਸਿੰਘ ਢਿੱਲੋ ਨੂੰ ਲੱਖ-ਲੱਖ ਵਧਾਈਆਂ ਦਿੱਤੀਆਂ।
ਆਪਣੇ ਸੰਬੋਧਨ ਵਿੱਚ ਹਰਜੀਤ ਸਿੰਘ ਢਿੱਲੋ ਨੇ ਆਏ ਹੋਏ ਸਾਰੇ ਸੱਜਣਾਂ ਅਤੇ ਮਿੱਤਰਾਂ ਦਾ ਦਿਲੋਂ ਧੰਨਵਾਦ ਕੀਤਾ। ਸਮਾਗਮ ਦੌਰਾਨ ਸਾਰੇ ਹਾਜ਼ਰ ਮਹਿਮਾਨਾਂ ਨੇ ਪੁਰਾਣੀਆਂ ਯਾਦਾਂ ਤਾਜ਼ਾ ਕੀਤੀਆਂ, ਕਿਉਂਕਿ ਬਹੁਤੇ ਸੱਜਣ ਸਕੂਲ ਅਤੇ ਕਾਲਜ ਸਮੇਂ ਦੇ ਸਾਥੀ ਰਹੇ ਹਨ।
ਇਹ ਸਮਾਗਮ ਮਿਲਾਪ, ਭਾਈਚਾਰੇ ਅਤੇ ਖੁਸ਼ੀ ਦਾ ਸੁੰਦਰ ਪ੍ਰਤੀਕ ਬਣਿਆ, ਜਿਸਦਾ ਸਭ ਨੇ ਭਰਪੂਰ ਆਨੰਦ ਮਾਣਿਆ।
