AIIMS ਦੀ ਪ੍ਰੀਖਿਆ ‘ਚ ਬਠਿੰਡਾ ਦੇ ਸ਼ਿਵਾਂਸ਼ ਨੇ ਕੀਤਾ 40ਵਾਂ ਰੈਂਕ ਹਾਸਿਲ

ਆਪਣੀ ਇਸ ਕਾਮਯਾਬੀ ਬਾਰੇ ਗੱਲ ਕਰਦਿਆਂ ਸ਼ਿਵਾਂਸ਼ ਨੇ ਦੱਸਿਆ ਕਿ ਆਪਣੀ ਪ੍ਰੀਖਿਆ ਦੀ ਤਿਆਰੀ ਲਈ ਸੋਸ਼ਲ ਮੀਡੀਆ ਤੋਂ ਸ਼ੁਰੂ ਤੋਂ ਹੀ ਦੂਰ ਰਿਹਾ ਹੈ ਅਤੇ ਦਿਨ ਵਿੱਚ 7 ਤੋਂ 8 ਘੰਟੇ ਪੜ੍ਹਾਈ ਕਰਦਾ ਸੀ । ਉਸ ਨੇ ਦੱਸਿਆ ਕਿ ਉਸ ਦੀ ਇਸ ਕਾਮਯਾਬੀ ਪਿੱਛੇ ਉਸ ਦੇ ਮਾਤਾ-ਪਿਤਾ ਅਤੇ ਅਧਿਅਪਕਾਂ ਦਾ ਹੱਥ ਹੈ । ਸ਼ਿਵਾਂਸ਼ ਨੇ ਆਪਣੀ ਕਾਮਯਾਬੀ ਤੋਂ ਬਾਅਦ ਇਸ ਤਰ੍ਹਾਂ ਦੇ ਪੇਪਰਾਂ ਦੀ ਤਿਆਰੀ ਕਰ ਰਹੇ ਨੌਜਵਾਨਾਂ ਨੂੰ ਸਖਤ ਮਿਹਨਤ ਕਰਨ ਅਤੇ ਸੋਸ਼ਲ ਮੀਡੀਆ ਦੂਰ ਰਹਿਣ ਦੀ ਸਲਾਹ ਦਿੱਤੀ ਹੈ । ਸ਼ਿਵਾਂਸ਼ ਦੇ ਪਿਤਾ ਡਾਕਟਰ ਸਤੀਸ਼ ਜਿੰਦਲ ਨੇ ਕਿਹਾ ਉਨ੍ਹਾਂ ਨੂੰ ਆਪਣੇ ਬੇਟੇ ਦੀ ਇਸ ਕਾਮਯਾਬੀ ‘ਤੇ ਬਹੁਤ ਖੁਸ਼ੀ ਹੈ । ‘All India Institute of Medical Sciences’ ਨੇ ਆਪਣੇ ਨਤੀਜੇ ਐਲਾਨ ਦਿੱਤੇ ਹਨ । ਜਿਸ ਵਿੱਚ ਇਸ ਸਾਲ ਬਠਿੰਡਾ ਦੇ ਰਹਿਣ ਵਾਲੇ ਸ਼ਿਵਾਂਸ਼ਜਿੰਦਲ ਨੇ ਇਸ ਪ੍ਰੀਖਿਆ ਵਿਚੋਂ 40ਵਾਂ ਰੈਂਕ ਹਾਸਿਲ ਕਰਕੇ ਆਪਣੇ ਮਾਤਾ-ਪਿਤਾ ਦਾ ਨਾਂ ਰੋਸ਼ਨ ਕੀਤਾ ਹੈ । ਸ਼ਿਵਾਂਸ਼ ਵੱਲੋਂ ਇਹ ਰੈਂਕ ਹਾਸਿਲ ਕਰਨ ਤੋਂ ਬਾਅਦ ਪਰਿਵਾਰ ਵਿੱਚ ਖੁਸ਼ੀ ਦਾ ਮਹੁੱਲ ਬਣਿਆ ਹੋਇਆ ਹੈ । ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ NEET 2019 ਦੇ ਨਤੀਜੇ ਐਲਾਨੇ ਗਏ ਸਨ । ਇਸ ਸਾਲ ਰਾਜਸਥਾਨ ਦੇ ਨਲਿਨ ਖੰਡੇਲਵਾਲ ਨੇ ਟਾਪ ਕੀਤਾ ਹੈ । ਉਨ੍ਹਾਂ ਨੇ ਕੁੱਲ 720 ਅੰਕਾਂ ‘ਚੋਂ 701 ਅੰਕ ਹਾਸਲ ਕੀਤੇ ਹਨ ਜਦਕਿ ਦੂਸਰੇ ਸਥਾਨ ‘ਤੇ ਦਿੱਲੀ ਦੇ ਭਾਵਿਕ ਬਾਂਸਲ ਆਏ ਹਨ। ਉਨ੍ਹਾਂ ਨੇ 700 ਅੰਕ ਹਾਸਿਲ ਕੀਤੇ ਹਨ । ਉੱਥੇ ਉੱਤਰ ਪ੍ਰਦਸ਼ ਦੇ ਅਕਸ਼ਤ ਕੌਸ਼ਿਕ 700 ਅੰਕਾਂ ਨਾਲ ਤੀਸਰੇ ਨੰਬਰ ‘ਤੇ ਹਨ ।  ਲੜਕੀਆਂ ‘ਚ ਤੇਲੰਗਾਨਾ ਦੀ ਮਾਧੁਰੀ ਰੈੱਡੀ ਨੇ ਪਹਿਲਾ ਰੈਂਕ ਹਾਸਲ ਕੀਤਾ ਹੈ ਚੰਡੀਗੜ੍ਹ ਦੇ 73.24 ਫ਼ੀਸਦੀ ਵਿਦਿਆਰਥੀਆਂ ਨੇ NEET 2019 ‘ਚ ਕੁਆਲੀਫਾਈ ਕੀਤਾ ਹੈ ।