ਲਾਂਬੜਾ ਕੋਲ ਨਸ਼ਾ ਮੁਕਤੀ ਕੇਂਦਰ ‘ਚ ਫੜੀ ਬਿਜਲੀ ਚੋਰੀ-6 ਲੱਖ 85000ਜੁਰਮਾਨਾ

ਜਲੰਧਰ, 27 ਅਪ੍ਰੈਲ -ਪਾਵਰਕਾਮ ਦੇ ਇਨਫੋਰਸਮੈਂਟ ਵਿੰਗ ਦੀਆਂ ਟੀਮਾਂ ਨੇ ਲਾਂਬੜਾ ਦੇ ਕੋਲ ਇਕ ਨਸ਼ਾ ਮੁਕਤੀ ਕੇਂਦਰ ‘ਚ ਟਰਾਂਸਫ਼ਾਰਮਰ ਨਾਲ ਸਿੱਧੀ ਕੁੰਡੀ ਲਗਾ ਕੇ ਬਿਜਲੀ ਚੋਰੀ ਦੇ ਮਾਮਲੇ ਦਾ ਖ਼ੁਲਾਸਾ ਕੀਤਾ ਹੈ  ਸਿੱਧੀ ਕੁੰਡੀ ਲਗਾ ਕੇ ਕੇਂਦਰ ਦੇ 8 ਏ. ਸੀ. ਚਲਾਏ ਜਾ ਰਹੇ ਸਨ  ਇਨਫੋਰਸਮੈਂਟ ਨੇ ਇਸ ਕੇਂਦਰ ਨੂੰ 7 ਲੱਖ ਰੁਪਏ ਜੁਰਮਾਨਾ ਲਗਾਇਆ ਹੈ  ਇਨਫੋਰਸਮੈਂਟ ਵਿੰਗ ਦੇ ਵਧੀਕ ਐਸ. ਈ. 1 ਵਲੋਂ ਇਸ ਕੇਂਦਰ ‘ਚ ਟੀਮ ਮੈਂਬਰਾਂ ਨਾਲ ਛਾਪਾ ਮਾਰਿਆ ਗਿਆ  ਕੇਂਦਰ ਦੇ ਨਾਲ ਹੀ ਲੱਗੇ ਟਰਾਂਸਫ਼ਾਰਮਰ ਤੋਂ ਸਿੱਧੀ ਕੁੰਡੀ ਲਗਾ ਕੇ ਬਿਜਲੀ ਚੋਰੀ ਕਰਨ ਦਾ ਟੀਮ ਨੇ ਮੌਕੇ ‘ਤੇ ਹੀ ਮਾਮਲਾ ਫੜ ਲਿਆ  ਇਸ ਕੇਂਦਰ ‘ਚ 8 ਏ. ਸੀ. ਲਗਾਏ ਗਏ ਸਨ | ਕੇਂਦਰ ‘ਚ ਵਪਾਰਕ ਵਰਗ ਦਾ 20 ਕਿੱਲੋਵਾਟ ਮਨਜ਼ੂਰ ਲੋਡ ਸੀ  ਪਾਵਰਕਾਮ ਦੇ ਇਨਫੋਰਸਮੈਂਟ ਵਿੰਗ ਦੇ ਉਪ ਮੁੱਖ ਇੰਜੀ. ਰਜਤ ਸ਼ਰਮਾ ਨੇ ਦੱਸਿਆ ਕਿ ਬਿਜਲੀ ਚੋਰੀ ਕਰਨ ਦੇ ਮਾਮਲੇ ‘ਚ ਖਪਤਕਾਰ ਖ਼ਿਲਾਫ਼ ਬਿਜਲੀ ਐਕਟ ਦੇ ਤਹਿਤ ਕੇਸ ਦਰਜ ਕਰਵਾਇਆ ਜਾ ਰਿਹਾ ਹੈ  ਇੰਜੀ. ਸ਼ਰਮਾ ਨੇ ਦੱਸਿਆ ਕਿ ਪਾਵਰਕਾਮ ਦੇ ਸੀ. ਐਮ. ਡੀ. ਸ੍ਰੀ ਏ. ਵੇਣੂਪ੍ਰਸਾਦ ਦੀਆਂ ਹਦਾਇਤਾਂ ‘ਤੇ ਬਿਜਲੀ ਚੋਰੀ ਕਰਨ ਵਾਲਿਆਂ ਖ਼ਿਲਾਫ਼ ਲਗਾਤਾਰ ਕਾਰਵਾਈ ਜਾਰੀ ਰਹੇਗੀ |