ਜਲੰਧਰ ਦੇ ਚਾਵਲਾ ਮੋਬਾਈਲ ਸ਼ੋਰੂਮ ‘ਤੇ ਦਿਨ-ਦਿਹਾੜੇ ਫਾਇਰਿੰਗ, ਇੱਕ ਨੌਜਵਾਨ ਲੋਕਾਂ ਨੇ ਹਥਿਆਰ ਸਮੇਤ ਕਾਬੂ ਕੀਤਾ
ਅੰਮ੍ਰਿਤਸਰ : ਕਸਟਮਜ਼ ਪ੍ਰੀਵੈਂਟਿਵ ਕਮਿਸ਼ਨਰੇਟ ਅੰਮ੍ਰਿਤਸਰ ਨੇ ਇਕ ਵਿਅਕਤੀ ਕੋਲੋਂ ਅੰਮ੍ਰਿਤਸਰ ਹਵਾਈ ਅੱਡੇ ‘ਤੇ ਸੋਨਾ ਬਰਾਮਦ ਕੀਤਾ ਹੈ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਕਸਟਮ ਅਧਿਕਾਰੀਆਂ ਨੇ ਦੱਸਿਆ ਕਿ ਬੀਤੀ ਦਿਨੀਂ ਦੁਬਈ ਤੋਂ ਅੰਮ੍ਰਿਤਸਰ ਸ੍ਰੀ ਗੁਰੂ ਰਾਮਦਾਸ ਅੰਤਰਰਾਸ਼ਟਰੀ ਹਵਾਈ ਅੱਡੇ ਪਹੁੰਚੀ ਫਲਾਈਟ ਨੰਬਰ 6E48 ਰਾਹੀਂ ਅੰਮ੍ਰਿਤਸਰ ਪਹੁੰਚੇ ਵਿਅਕਤੀ ਕੋਲੋਂ ਅੰਦਾਜ਼ਨ 200 ਗ੍ਰਾਮ ਸੋਨਾ ਮਿਲਿਆ ਹਵਾਈ ਅੱਡੇ ਤੇ ਮੌਜੂਦ ਕਸਟਮਜ਼ ਪ੍ਰੀਵੈਂਟਿਵ ਕਮਿਸ਼ਨਰੇਟ ਤੋਂ ਪ੍ਰਾਪਤ ਜਾਣਕਾਰੀ ‘ਤੇ ਕਾਰਵਾਈ ਕਰਦਿਆਂ ਵਿਅਕਤੀ ਦੀ ਬਾਰੀਕੀ ਨਾਲ ਜਾਂਚ ਕੀਤੀ ਗਈ ਉਸਨੇ ਆਪਣੇ ਗੁਪਤ ਅੰਗ ਵਿਚ ਪੇਸਟ ਦੀ ਫਾਰਮ ਵਿਚ ਸੋਨਾ ਲੁਕਾ ਕੇ ਰੱਖਿਆ ਹੋਇਆ ਸੀ ਕਸਟਮ ਵਿਭਾਗ ਨੇ ਦੱਸਿਆ ਕਿ ਉਕਤ ਵਿਅਕਤੀ ਸੋਨਾ ਦੁਬਈ ਤੋ ਅੰਮ੍ਰਿਤਸਰ ਲਿਆ ਕੇ ਤਸਕਰੀ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਇਸ ਤੋਂ ਇਲਾਵਾ ਉਹਨਾਂ ਦੱਸਿਆ ਕਿ ਪੇਸਟ ਦੇ ਰੂਪ ਵਿਚ ਸੋਨੇ ਦਾ ਕੁੱਲ ਭਾਰ 216.16 ਗ੍ਰਾਮ ਸੀ ਅਤੇ ਸ਼ੁੱਧਤਾ / ਪਿਘਲਣ ਤੋਂ ਬਾਅਦ, ਕੁੱਲ ਭਾਰ 193.56 ਗ੍ਰਾਮ ਜਿਸ ਦੀ ਅੰਤਰਾਸ਼ਟਰੀ ਬਾਜ਼ਾਰ ਵਿੱਚ ਕੀਮਤ ਲਗਭਗ 10 ਲੱਖ ਰੁਪਏ ਹੈ
ਕਸਟਮ ਵਿਭਾਗ ਨੇ ਦੱਸਿਆ ਕਿ ਉਕਤ ਵਿਅਕਤੀ ਨੂੰ ਗ੍ਰਿਫਤਾਰ ਕਰਕੇ ਅਗਲੇਰੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਜਿਸ ਤੋਂ ਪਤਾ ਲਗੇਗਾ ਕਿ ਇਹ ਸੋਨਾ ਕਿੱਥੋਂ ਲਿਆ ਕੇ ਵੇਚਦਾ ਸੀ ਜਾਂ ਕਿਸ ਦੇ ਕਹੇ ਤੇ ਸੋਨਾ ਤਸਕਰੀ ਲਈ ਲਿਆਉਂਦਾ ਸੀ ਜ਼ਿਕਰਯੋਗ ਹੈ ਕਿ ਕਸਟਮ ਵਿਭਾਗ ਨੇ ਪਿਛਲੇ ਮਹੀਨੇ ਵੀ ਸੋਨੇ ਦੀ ਤਸਕਰੀ ਕਰਨ ਵਾਲਿਆਂ ਦੇ ਦੰਦ ਖੱਟੇ ਕੀਤੇ ਸਨ ਤੇ ਉਹਨਾਂ ਕੋਲੋਂ ਕਰੀਬ 8 ਵਾਰ ਨਜਾਇਜ਼ ਸੋਨਾ ਬਰਾਮਦ ਕੀਤਾ ਸੀ ਜਿਸਦੀ ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਅੰਦਾਜ਼ਨ ਕੀਮਤ 2 ਕਰੋੜ ਰੁਪਏ ਸੀ
