ਵੱਡੀ ਖਬਰ: ਸੋਸ਼ਲ ਮੀਡੀਆ ਇੰਫਲੁਐਂਸਰ ਮੈਡ ਸੰਧੂ ਦਾ ਗੋਲੀਆਂ ਮਾਰ ਕੇ ਕਤਲ
ਮਨੀਮਾਜਰਾ – ਦੂਸਰਿਆਂ ਨੂੰ ਨਸੀਹਤ, ਖ਼ੁਦ ਮੀਆਂ ਫਜ਼ੀਹਤ। ਇਸ ਕਹਾਵਤ ਦਾ ਮਤਲਬ ਤਾਂ ਤੁਸੀਂ ਸਮਝ ਹੀ ਗਏ ਹੋਵੋਗੇ। ਇਹ ਕਹਾਵਤ ਚੰਡੀਗੜ੍ਹ ਦੇ ਸੈਕਟਰ 13 ਯਾਨੀ ਮਨੀਮਾਜਰਾ ਦੇ ਪੁਲਿਸ ਵਿਭਾਗ ਦੇ ਮੁਲਾਜ਼ਮਾਂ ‘ਤੇ ਬਿਲਕੁਲ ਸਟੀਕ ਬੈਠਦੀ ਹੈ ਕਿਉਂਕਿ ਜਿਹੜੀ ਇਹ ਤਸਵੀਰ ਤੁਸੀਂ ਦੇਖ ਰਹੇ ਹੋ, ਇਹ ਪੁਲਿਸ ਵਿਭਾਗ ਦੇ ਹੋਮਗਾਰਡ ਦੀ ਹੈ। ਜਿਸ ਨੇ ਮਾਸਕ ਤਾਂ ਪਾਇਆ ਹੋਇਆ ਹੈ ਪਰ ਸਿਰਫ਼ ਨਾਮ ਲਈ। ਉਂਝ ਤਾਂ ਪੁਲਿਸ ਜਵਾਨ ਕੋਰੋਨਾ ਨਿਯਮਾਂ ਦੀ ਅਣਦੇਖੀ ਕਰਨ ਵਾਲਿਆਂ ਖਿਲਾਫ਼ ਸਖ਼ਤੀ ਵਰਤ ਰਹੇ ਹਨ, ਪਰ ਜਨਾਬ ਖਿਲਾਫ਼ ਕੋਈ ਐਕਸ਼ਨ ਲੈਣ ਵਾਲਾ ਨਹੀਂ।
ਕੋਰੋਨਾ ਨਿਯਮਾਂ ਨੂੰ ਤੋੜਨ ਵਾਲਿਆਂ ‘ਚ ਪੁਲਿਸ ਮੁਲਾਜ਼ਮ ਵੀ ਸ਼ਾਮਲ ਹਨ। ਹੁਣ ਸਵਾਲ ਇਹ ਹੈ ਕਿ ਜੇਕਰ ਨਿਯਮਾਂ ਦੀ ਪਾਲਣਾ ਕਰਵਾਉਣ ਵਾਲੇ ਹੀ ਨਿਯਮ ਤੋੜਨਗੇ ਤਾਂ ਆਮ ਜਨਤਾ ਨੂੰ ਕੀ ਸਿੱਖਿਆ ਦੇਣਗੇ।
ਅਜਿਹਾ ਹੀ ਇਕ ਨਜ਼ਾਰਾ ਸ਼ੁੱਕਰਵਾਰ ਨੂੰ ਮਨੀਮਾਜਰਾ ਦੇ ਮਾੜੀਵਾਲਾ ਟਾਊਨ ਸਥਿਤ ਪੁਲਿਸ ਬੀਟ ‘ਤੇ ਦੇਖਣ ਨੂੰ ਮਿਲਿਆ। ਜਿੱਥੇ ਇਕ ਹੋਮਗਾਰਡ ਵਲੰਟੀਅਰ ਜਤਿੰਦਰ ਨੇ ਖ਼ੁਦ ਹੀ ਮਾਸਕ ਨੂੰ ਸਹੀ ਤਰੀਕੇ ਨਾਲ ਨਹੀਂ ਪਾਇਆ ਹੋਇਆ ਸੀ ਇਹ ਜਵਾਨ ਬੀਟ ਦੇ ਬਾਹਰ ਬੈਠਾ ਹੋਇਆ ਸੀ। ਜਦੋਂ ਸਥਾਨਕ ਲੋਕਾਂ ਨੇ ਇਤਰਾਜ਼ ਪ੍ਰਗਟਾਇਆ ਤਾਂ ਹੋਮ ਗਾਰਡ ਜਤਿੰਦਰ ਉਨ੍ਹਾਂ ਨਾਲ ਕੁੱਟਮਾਰ ‘ਤੇ ਉਤਰ ਆਇਆ। ਇਹੀ ਨਹੀਂ ਜਦੋਂ ਵਲੰਟੀਅਰ ਜਤਿੰਦਰ ਲੋਕਾਂ ਨਾਲ ਕੁੱਟਮਾਰ ਕਰ ਰਿਹਾ ਸੀ ਤਾਂ ਉਸ ਵੇਲੇ ਪੁਲਿਸ ਬੀਟ ‘ਤੇ ਬੀਟ ਇੰਚਾਰਜ ਏਐੱਸਆਈ ਪਰਮਜੀਤ ਸਿੰਘ ਸਮੇਤ ਹੋਰ ਪੁਲਿਸ ਮੁਲਾਜ਼ਮ ਵੀ ਮੌਜੂਦ ਸਨ। ਇਸ ਦੇ ਬਾਵਜੂਦ ਕਿਸੇ ਵੀ ਪੁਲਿਸ ਮੁਲਾਜ਼ਮ ਨੇ ਨਾ ਤਾਂ ਵਲੰਟੀਅਰ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਤੇ ਨਾ ਹੀ ਵਲੰਟੀਅਰ ਨੂੰ ਮਾਸਕ ਠੀਕ ਢੰਗ ਨਾਲ ਪਾਉਣ ਲਈ ਕਿਹਾ।
