ਦਵਾਈਆਂ ਦੀ ਕਾਲਾਬਾਜ਼ਾਰੀ ਕਰਨ ਵਾਲਿਆਂ ‘ਤੇ ਭੜਕੇ ਪ੍ਰਧਾਨ ਮੰਤਰੀ, ਸੂਬਾ ਸਰਕਾਰਾਂ ਨੂੰ ਦਿੱਤਾ ਸਖ਼ਤ ਕਾਰਵਾਈ ਦਾ ਆਦੇਸ਼

ਦਿੱਲੀ/ਏਐੱਨਆਈ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ (Prime Minister Narendra Modi) ਨੇ ਸ਼ੁੱਕਰਵਾਰ ਨੂੰ ਦੇਸ਼ ‘ਚ ਜਾਰੀ ਕੋਰੋਨਾ ਸੰਕਟ ‘ਤੇ ਚਿੰਤਾ ਵਿਅਕਤ ਕੀਤੀ ਤੇ ਦਵਾਈਆਂ ਤੇ ਜ਼ਰੂਰੀ ਸਾਮਾਨਾਂ ਦੀ ਕਾਲਾਬਾਜ਼ਾਰੀ ਕਰਨ ਵਾਲਿਆਂ ਨੂੰ ਆੜੇ ਹੱਥੀਂ ਲਿਆ। ਪ੍ਰਧਾਨ ਮੰਤਰੀ ਨੇ ਕਿਹਾ, ‘ਇਸ ਸੰਕਟ ਦੇ ਸਮੇਂ ‘ਚ ਦਵਾਈਆਂ ਤੇ ਜ਼ਰੂਰੀ ਵਸਤੂਆਂ ਦੀ ਜਮ੍ਹਾਂਖੋਰੀ ਤੇ ਕਾਲਾਬਾਜ਼ਾਰੀਆਂ ‘ਚ ਵੀ ਕੁਝ ਲੋਕ ਆਪਣੇ ਸਵਾਰਥਾਂ ‘ਚ ਲਗੇ ਹੋਏ ਹਨ। ਮੈਂ ਸੂਬਾ ਸਰਕਾਰ ਤੋਂ ਇਹ ਅਪੀਲ ਕਰਾਂਗਾ ਕਿ ਇਨ੍ਹਾਂ ਖ਼ਿਲਾਫ਼ ਸਖ਼ਤ ਤੋਂ ਸਖ਼ਤ ਕਾਰਵਾਈ ਕੀਤੀ ਜਾਵੇ।’

ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ, ‘100 ਸਾਲ ਤੋਂ ਬਾਅਦ ਆਈ ਇਸ ਤਰ੍ਹਾਂ ਦੀ ਭਿਆਨਕ ਮਹਾਮਾਰੀ ਕਦਮ-ਕਦਮ ‘ਤੇ ਪ੍ਰੀਖਿਆ ਲੈ ਰਹੀ ਹੈ। ਅਸੀਂ ਆਪਣੇ ਕਰੀਬਿਆਂ ਨੂੰ ਖੋਹ ਰਹੇ ਹਾਂ। ਬੀਤੇ ਕੁਝ ਸਮੇਂ ਤੋਂ ਜੋ ਕਸ਼ਟ ਦੇਸ਼ਵਾਸੀਆਂ ਨੇ ਸਹਿਆ ਹੈ, ਕਾਫੀ ਲੋਕ ਜਿਸ ਦਰਦ ਨਾਲ ਲੰਘੇ ਹਨ, ਤਕਲੀਫ਼ ਨਾਲ ਲੰਘੇ ਹਨ ਉਸ ਨੂੰ ਮੈਂ ਵੀ ਓਨਾ ਹੀ ਮਹਿਸੂਸ ਕਰ ਰਿਹਾ ਹਾਂ।’ ਅੱਜ ਪ੍ਰਧਾਨ ਮੰਤਰੀ ਮੋਦੀ ਨੇ PM Kisan Yojana ਦੀ 8ਵੀਂ ਕਿਸ਼ਤ ਜਾਰੀ ਕੀਤੀ ਹੈ ਤੇ ਦੇਸ਼ ਦੇ 9.5 ਕਰੋੜ ਤੋਂ ਜ਼ਿਆਦਾ ਕਿਸਾਨਾਂ ਦੇ ਖਾਤਿਆਂ ‘ਚ 19000 ਕਰੋੜ ਜ਼ਿਆਦਾ ਰਾਸ਼ੀ ਟ੍ਰਾਂਸਫਰ ਕੀਤੀ।