ਜਲੰਧਰ ’ਚ ਬੇਬਸ ਪਿਤਾ ਦੇ ਮੋਢੇ ’ਤੇ ਬੇਟੀ ਦੀ ਲਾਸ਼, ‘ਜਾਗਰਣ ਸਮੂਹ’ ਦੀ ਖ਼ਬਰ ਤੋਂ ਬਾਅਦ ਟੁੱਟੀ ਨੀਂਦ, ਸੁਖਬੀਰ ਬਾਦਲ ਨੇ ਵੀ ਉਠਾਏ ਸਵਾਲ

ਜਲੰਧਰ : ਜਲੰਧਰ ਦੇ ਰਾਮਨਗਰ ਇਲਾਕੇ ’ਚ ਇਕ ਭਿਆਨਕ ਤਸਵੀਰ ਸਾਹਮਣੇ ਆਈ, ਜਿਸ ’ਚ ਇਕ ਬੇਬਸ ਪਿਤਾ ਮਾਸੂਮ ਬੇਟੀ ਦੀ ਲਾਸ਼ ਮੋਢੇ ’ਤੇ ਰੱਖ ਕੇ ਲਿਜਾ ਜਾ ਰਿਹਾ ਸੀ ਇਸ ਦਾ ਵੀਡੀਓ ਵਾਇਰਲ ਹੋਇਆ ‘ਜਾਗਰਣ ਸਮੂਹ’ ਨੇ ਇਸ ਨੂੰ ਪ੍ਰਮੁੱਖਤਾ ਨਾਲ ਪ੍ਰਕਾਸ਼ਿਤ ਕੀਤਾ ਤੇ ਵਿਵਸਥਾ ’ਤੇ ਸਵਾਲ ਉਠਾਇਆ। ਖ਼ਬਰ ਦਾ ਹੀ ਅਸਰ ਰਿਹਾ ਕਿ ਸਰਕਾਰ, ਪ੍ਰਸ਼ਾਸਨ ਨੀਂਦ ਤੋਂ ਜਾਗਿਆ

ਹੁਣ ‘ਜਾਗਰਣ ਸਮੂਹ’ ’ਚ ਪ੍ਰਕਾਸ਼ਿਤ ਖ਼ਬਰ ਦੀ ਕਟਿੰਗ ਨੂੰ ਟਵੀਟ ਕਰਦੇ ਹੋਏ ਸ਼੍ਰੋਮਣੀ ਅਕਾਲੀ ਦਲ ਪ੍ਰਧਾਨ ਤੇ ਸਾਬਕਾ ਉਪ ਮੁੱਖ ਮੰਤਰੀ ਸੁਖਬੀਰ ਬਾਦਲ ਨੇ ਲਿਖਿਆ, ‘ਇਹ ਹੈਰਾਨ ਕਰਨ ਵਾਲਾ ਹੈ ਕਿ ਲੋਕਾਂ ਨੂੰ ਪੰਜਾਬ ’ਚ ਕੋਰੋਨਾ ਸੰਕ੍ਰਮਣ ਕਾਰਨ ਮਿ੍ਰਤਕ ਪਰਿਵਾਰ ਦੇ ਮੈਂਬਰਾਂ ਦਾ ਇਸ ਤਰ੍ਹਾਂ ਨਾਲ ਅੰਤਿਮ ਸਸਕਾਰ ਕਰਨ ਲਈ ਮਜਬੂਰ ਕੀਤਾ ਜਾ ਰਿਹਾ ਹੈ ਤੇ ਸੀਐੱਮ ਕੈਪਟਨ ਅਮਰਿੰਦਰ ਸਿੰਘ ਆਪਣੇ ਫਾਰਮ ਹਾਊਸ ’ਚ ਸੌ ਰਿਹਾ ਹੈ ਕ੍ਰਿਪਾ ਜਾਗੋ ਤੇ ਕੋਵਿਡ ਪ੍ਰੋਟੋਕਾਲ ਦਾ ਪਾਲਣ ਨਾ ਕਰਨ ਲਈ ਜਲੰਧਰ ਪ੍ਰਸ਼ਾਸਨ ਖ਼ਿਲਾਫ਼ ਕਾਰਵਾਈ ਕਰੋ। ਜ਼ਿਲ੍ਹਿਆਂ ਦਾ ਦੌਰਾ ਕਰੋ ਤੇ ਲੋਕਾਂ ਦੀਆਂ ਸਮੱਮਿਆਵਾਂ ਦਾ ਹੱਲ ਕਰੋ

ਦੱਸ ਦਈਏ ਕਿ ਪਿਤਾ ਆਪਣੀ ਬਿਮਾਰ ਬੇਟੀ ਨੂੰ ਲੈ ਕੇ ਤਿੰਨ ਦਿਨ ਜਲੰਧਰ ਤੇ ਅੰਮ੍ਰਿਤਸਰ ਦੇ ਵੱਡੇ ਸਰਕਾਰੀ ਹਸਪਤਾਲਾਂ ਦੇ ਚੱਕਰ ਕੱਟਦਾ ਰਿਹਾ। ਕਿਸੇ ਹਸਪਤਾਲ ਨੇ ਡਾਕਟਰਾਂ ਦੀ ਘਾਟ ਦਾ ਬਹਾਨਾ ਬਣਾਇਆ ਤਾਂ ਕਿਤੇ 11 ਸਾਲ ਦੀ ਮਾਸੂਮ ਦੀ ਮੌਤ ਤੋਂ ਬਾਅਦ ਨਾ ਤਾਂ ਉਸ ਦੀ ਲਾਸ਼ ਪੈਕ ਕੀਤੀ ਗਈ ਤੇ ਨਾ ਹੀ ਲਾਸ਼ ਲੈ ਕੇ ਜਾਣ ਲਈ ਐਂਬੂਲੈਂਸ ਉਪਲੱਬਧ ਕਰਵਾਈ, ਉਹ ਗਰੀਬ ਸੀ ਫਿਰ ਵੀ ਉਸ ਨੇ ਐਂਬੂਲੈਂਸ ਦੀ ਵਿਵਸਥਾ ਕੀਤੀ।