ਵੱਡੀ ਖਬਰ: ਸੋਸ਼ਲ ਮੀਡੀਆ ਇੰਫਲੁਐਂਸਰ ਮੈਡ ਸੰਧੂ ਦਾ ਗੋਲੀਆਂ ਮਾਰ ਕੇ ਕਤਲ
ਜਲੰਧਰ, : ਸ਼ਹਿਰ ਦੇ ਮਾਡਲ ਟਾਊਨ ਇਲਾਕੇ ‘ਚ ਚਲ ਰਹੇ ਸਪਾ ਸੈਂਟਰ ‘ਚ ਨਾਬਾਲਗ ਲੜਕੀ ਨਾਲ ਜਬਰ-ਜਨਾਹ ਦੇ ਮਾਮਲੇ ਦੀ ਜਾਂਚ ‘ਚ ਰੋਜ਼ ਨਵੇਂ ਖੁਲਾਸੇ ਹੋ ਰਹੇ ਹਨ। ਇਸ ਸਪਾ ਸੈਂਟਰ ਦੇ ਤਾਰ ਵਿਦੇਸ਼ੀ ਲੜਕੀਆਂ ਨਾਲ ਜੁੜੇ ਹਨ। ਇਥੋਂ ਕਈ ਵਿਦੇਸ਼ੀ ਲੜਕੀਆਂ ਨੂੰ ਆਲੀਸ਼ਾਨ ਕੋਠੀਆਂ ‘ਚ ਭੇਜਿਆ ਜਾਂਦਾ ਸੀ ਜਿੱਥੇ ਉਨ੍ਹਾਂ ਦਾ ਕੰਮ ਵੱਡੇ ਅਫ਼ਸਰਾਂ ਤੇ ਵੱਡੇ ਆਗੂਆਂ ਦੀ ਖਾਤਿਰਦਾਰੀ ਕਰਨਾ ਹੁੰਦੀ ਸੀ। ਸਪਾ ਸੈਂਟਰ ਸੰਚਾਲਕ ਜੋਤੀ ਨੂੰ ਕਈ ਆਗੂਆਂ ਦੀ ਸ਼ਹਿ ਪ੍ਰਾਪਤ ਹੈ ਤੇ ਇਸੇ ਕਾਰਨ ਉਹ ਛਾਪੇਮਾਰੀ ਦੇ ਬਾਵਜੂਦ ਪੁਲਿਸ ਦੀ ਪਹੁੰਚ ਤੋਂ ਹਾਲੇ ਤਕ ਦੂਰ ਹਨ।
ਜਲੰਧਰ ਪੁਲਿਸ ਦੇ ਹੱਥ ਅਹਿਮ ਸੁਰਾਗ ਲੱਗੇ ਹਨ। ਜਿਸ ‘ਚ ਪਤਾ ਚੱਲਿਆ ਹੈ ਕਿ ਸਪਾ ਸੈਂਟਰ ‘ਚ ਕਈ ਵਿਦੇਸ਼ੀ ਲੜਕੀਆਂ ਵੀ ਆਉਂਦੀ ਸੀ ਤੇ ਉਥੋਂ ਉਨ੍ਹਾਂ ਦੀ ਸਪਲਾਈ ਚੇਨ ਅੱਗੇ ਚੱਲਦੀ ਸੀ। ਹਾਲਾਂਕਿ ਹਾਲੇ ਪੁਲਿਸ ਇਸ ਬਾਰੇ ਕੋਈ ਪੁਸ਼ਟੀ ਨਹੀਂ ਕਰ ਰਹੀ। ਪੁਲਿਸ ਮਾਮਲੇ ‘ਚ ਜੋਤੀ ਤੇ ਕਿੰਗਪਿਨ ਆਸ਼ੀਸ਼ ਜਾਂ ਉਸ ਦੇ ਸਾਥੀਆਂ ਨੂੰ ਗ੍ਰਿਫਤਾਰ ਕਰਨ ‘ਚ ਲੱਗੀ ਹੋਈ ਹੈ। ਹਾਲੇ ਤਕ ਪੁਲਿਸ ਸਿਰਫ਼ ਸਾਬਕਾ ਸ਼ਿਵ ਆਗੂ ਸੋਹਿਤ ਦੀ ਗ੍ਰਿਫਤਾਰੀ ਹੀ ਦਿਖਾ ਸਕੀ ਹੈ।
ਕਈ ਪਾਸ਼ ਏਰੀਆ ‘ਚ ਚੱਲ ਰਿਹਾ ਸੀ ਕੰਮ
ਪੁਲਿਸ ਜਾਂਚ ‘ਚ ਸਾਹਮਣੇ ਆਇਆ ਹੈ ਕਿ ਸਪਾ ਸੈਂਟਰ ‘ਤੇ ਚੱਲ ਰਿਹਾ ਕੰਮ ਸ਼ਹਿਰ ਦੇ ਕਈ ਪਾਸ਼ ਏਰੀਆ ‘ਚ ਕਿਰਾਏ ਦੀਆਂ ਕੋਠੀਆਂ ‘ਚ ਵੀ ਚੱਲ ਰਿਹਾ ਸੀ। ਉੱਥੇ ਕਈ ਵੱਡੇ ਅਫ਼ਸਰ ਤੇ ਰਾਜ ਨੇਤਾ ਆਪਣੀਆਂ ਮਹਿੰਗੀਆਂ ਗੱਡੀਆਂ ‘ਚ ਆਉਂਦੇ ਸੀ ਤੇ ਇਨ੍ਹਾਂ ਕੋਠੀਆਂ ‘ਚ ਵਿਦੇਸ਼ੀ ਲੜਕੀਆਂ ਨੂੰ ਰੱਖਿਆ ਜਾਂਦਾ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਇਨ੍ਹਾਂ ਕੋਠੀਆਂ ‘ਚ ਸ਼ਹਿਰ ਹੀ ਨਹੀਂ ਬਾਹਰ ਤੋਂ ਵੀ ਕਈ ਪੁਲਿਸ ਅਫ਼ਸਰ ਆਉਂਦੇ ਸੀ ਤੇ ਉਨ੍ਹਾਂ ਦੀ ਚੰਗੀ ਖਾਤਿਰਦਾਰੀ ਹੁੰਦੀ ਸੀ।
