ਗੈਂਗਸਟਰ ਦੀ ਪਤਨੀ ਤੇ ਸਾਥੀਆਂ ਤੋਂ ਭਾਰੀ ਮਾਤਰਾ ‘ਚ ਅਸਲਾ ਬਰਾਮਦ

ਜਗਰਾਓਂ : ਜਗਰਾਓਂ ਥਾਣਾ ਸਿਟੀ ਦੀ ਪੁਲਿਸ ਨੇ ਥਾਣੇਦਾਰਾਂ ਦਾ ਕਤਲ ਕਰਨ ਵਾਲੇ ਨਾਮੀ ਗੈਂਗਸਟਰ ਜੈਪਾਲ ਤੇ ਸਾਥੀਆਂ ‘ਚੋਂ ਇਕ ਦੀ ਪਤਨੀ ਸਮੇਤ ਗਿ੍ਫ਼ਤਾਰ ਕੀਤੇ 6 ਵਿਅਕਤੀਆਂ ਤੋਂ ਭਾਰੀ ਗਿਣਤੀ ‘ਚ ਅਸਲਾ ਬਰਾਮਦ ਕੀਤਾ ਹੈ। ਸ਼ੁੱਕਰਵਾਰ ਨੂੰ ਭਾਰੀ ਸੁਰੱਖਿਆ ਪ੍ਰਬੰਧਾਂ ਵਿਚ ਦੋ ਔਰਤਾਂ ਸਮੇਤ ਛੇ ਵਿਅਕਤੀਆਂ ਨੂੰ ਪੁਲਿਸ ਨੇ ਅਦਾਲਤ ਵਿਚ ਪੇਸ਼ ਕਰ ਕੇ ਪੰਜ ਦਿਨ ਦਾ ਪੁਲਿਸ ਰਿਮਾਂਡ ਹਾਸਲ ਕਰ ਲਿਆ। ਐੱਸਐੱਸਪੀ ਚਰਨਜੀਤ ਸਿੰਘ ਸੋਹਲ ਵੱਲੋਂ ਜਾਰੀ ਪ੍ਰੈੱਸ ਨੋਟ ਅਨੁਸਾਰ ਥਾਣੇਦਾਰਾਂ ਨੂੰ ਕਤਲ ਕਰਨ ਵਾਲੇ ਗੈਂਗਸਟਰ ਜੈਪਾਲ ਸਿੰਘ, ਬਲਜਿੰਦਰ ਸਿੰਘ ਉਰਫ਼ ਬੱਬੀ, ਜਸਪ੍ਰੀਤ ਸਿੰਘ ਉਰਫ਼ ਜੱਸੀ ਤੇ ਦਰਸ਼ਨ ਸਿੰਘ ਖ਼ਿਲਾਫ਼ ਦਰਜ ਕੀਤੇ ਮੁਕੱਦਮੇ ਦੀ ਜਾਂਚ ਤੇ ਉਨ੍ਹਾਂ ਦੀ ਗਿ੍ਫ਼ਤਾਰੀ ਲਈ ਕੰਮ ਕਰ ਰਹੀਆਂ ਟੀਮਾਂ ‘ਚੋਂ ਥਾਣਾ ਸਿਟੀ ਦੇ ਮੁਖੀ ਇੰਸਪੈਕਟਰ ਸਿਮਰਜੀਤ ਸਿੰਘ ਦੀ ਅਗਵਾਈ ‘ਚ ਪੁਲਿਸ ਪਾਰਟੀ ਨੇ ਗੈਂਗਸਟਰ ਦਰਸ਼ਨ ਸਿੰਘ ਦੀ ਪਤਨੀ ਸਤਪਾਲ ਕੌਰ ਉਰਫ਼ ਨੋਨੀ, ਗੁਰਪ੍ਰੀਤ ਸਿੰਘ ਉਰਫ਼ ਲੱਕੀ ਪੁੱਤਰ ਹਰਦਿਆਲ ਸਿੰਘ ਅਤੇ ਉਸ ਦੀ ਪਤਨੀ ਰਮਨਪ੍ਰੀਤ ਕੌਰ ਉਰਫ਼ ਰਮਨ ਵਾਸੀ ਧੱਲੇਕੇ (ਮੋਗਾ), ਗਗਨਦੀਪ ਸਿੰਘ ਉਰਫ਼ ਨੰਨਾ ਪੁੱਤਰ ਗੁਰਦੇਵ ਸਿੰਘ ਵਾਸੀ ਸਹੋਲੀ, ਜਸਪ੍ਰੀਤ ਸਿੰਘ ਪੁੱਤਰ ਬਲਜਿੰਦਰ ਸਿੰਘ ਵਾਸੀ ਆਤਮ ਨਗਰ ਜਗਰਾਓਂ ਤੇ ਨਾਨਕ ਚੰਦ ਉਰਫ਼ ਨਾਨਕ ਉਰਫ਼ ਢੋਲੂ ਪੁੱਤਰ ਬਲਵੰਤ ਸਿੰਘ ਵਾਸੀ ਸਹੌਲੀ ਨੂੰ ਵੱਖ-ਵੱਖ ਥਾਵਾਂ ਤੋਂ ਗਿ੍ਫ਼ਤਾਰ ਕਰਨ ਵਿਚ ਸਫਲਤਾ ਹਾਸਲ ਕੀਤੀ। ਉਨ੍ਹਾਂ ਦੱਸਿਆ ਕਿ ਉਕਤ ਸਾਰੇ ਮਿਲ ਕੇ ਗੈਂਗਸਟਰਾਂ ਵੱਲੋਂ ਲਗਾਈ ਗਈ ਡਿਊਟੀ ਨੂੰ ਨਿਭਾਉਂਦੇ ਸਨ, ਜਿਨ੍ਹਾਂ ਵਿਚ ਉਨ੍ਹਾਂ ਦਾ ਅਸਲਾ ਸਾਂਭਣ ਤੇ ਵਾਰਦਾਤ ਤੋਂ ਬਾਅਦ ਅਸਲਾ ਸਾਫ਼ ਕਰਨ, ਗੈਂਗਸਟਰਾਂ ਨੂੰ ਠਹਿਰਾਉਣ ਲਈ ਥਾਵਾਂ ਦਾ ਪ੍ਰਬੰਧ ਕਰਨ, ਲੋੜ ਪੈਣ ‘ਤੇ ਉਨ੍ਹਾਂ ਨੂੰ ਰੁਪਇਆ ਦੇਣ ਅਤੇ ਉਨ੍ਹਾਂ ਦੇ ਰੁਪਏ ਨੂੰ ਸਾਂਭਣ ਸਮੇਤ ਹੋਰ ਕੰਮ ਸ਼ਾਮਲ ਹਨ।

ਇਨ੍ਹਾਂ ਤੋਂ ਬਰਾਮਦ ਹੋਇਆ ਅਸਲਾ 

1. ਸਤਪਾਲ ਕੌਰ ਜੋ ਕਿ ਫ਼ਰਾਰ ਗੈਂਗਸਟਰ ਦਰਸ਼ਨ ਸਿੰਘ ਦੀ ਪਤਨੀ ਹੈ, ਕੋਲੋਂ ਪੁਲਿਸ ਨੇ 20 ਰੌਂਦ ਅਸਲਾ, 60 .12 ਬੋੋਰ ਰੌਂਦ, .32 ਬੋਰ ਪਿਸਟਲ, 20 ਰੌਂਦ, .30 ਬੋਰ ਸਪਰਿੰਗ ਫੀਲਡ 04 ਮੈਗਜੀਨ, 1 ਟੈਲੀਸਕਾਪ, 2 ਮੋਬਾਈਲ ਫੋਨ, ਹੋਸਟੈੱਸ, ਬੈਲਟ ਤੇ ਪੁਲਥਰੂ ਬਰਾਮਦ ਹੋਇਆ।

2. ਜਸਪ੍ਰੀਤ ਸਿੰਘ ਤੋਂ 20 ਰੌਂਦ .32 ਬੋਰ।