ਜਦੋਂ ਭੂਤਰੇ ਢੱਠੇ ਨੇ ਸ਼ਹਿਰ ‘ਚ ਪਾਇਆ ਭੜਥੂ,ਔਰਤ ਸਮੇਤ ਦੋ ਜ਼ਖ਼ਮੀ

ਤਪਾ ਮੰਡੀ,24 ਮਈ- ਸ਼ਹਿਰ ‘ਚ ਉਸ ਸਮੇਂ ਲੋਕਾਂ ‘ਚ ਸਹਿਮ ਦਾ ਮਾਹੌਲ ਦੇਖਣ ਨੂੰ ਮਿਲਿਆ,ਜਦੋਂ ਇਕ ਭੂਤਰੇ ਢੱਠੇ ਨੇ ਭੜਥੂ ਪਾ ਕੇ ਰੱਖ ਦਿੱਤਾ। ਜਿਸ ਦੀ ਲਪੇਟ ‘ਚ ਇਕ ਔਰਤ ਅਤੇ ਇਕ ਵਿਅਕਤੀ ਦੇ ਆ ਜਾਣ ਕਾਰਨ ਜ਼ਖਮੀ ਹੋ ਗਏ। ਜਿਨ੍ਹਾਂ ਨੂੰ ਲੋਕਾਂ ਨੇ ਬੜੀ ਮਸ਼ੱਕਤ ਨਾਲ ਢੱਠੇ ਤੋਂ ਬਚਾ ਕੇ ਵੱਖ ਵੱਖ ਹਸਪਤਾਲਾਂ ‘ਚ ਦਾਖ਼ਲ ਕਰਵਾਇਆ। ਘਟਨਾ ਦਾ ਪਤਾ ਲੱਗਦੇ ਹੀ ਡੀ.ਐੱਸ.ਪੀ. ਤਪਾ ਬਲਜੀਤ ਸਿੰਘ ਬਰਾੜ, ਥਾਣਾ ਮੁਖੀ ਜਗਜੀਤ ਸਿੰਘ ਘੁਮਾਣ, ਸਹਾਇਕ ਥਾਣੇਦਾਰ ਸਰਬਜੀਤ ਸਿੰਘ ਪੁਲਿਸ ਪਾਰਟੀ ਸਮੇਤ ਮੌਕੇ ‘ਤੇ ਪੁੱਜੇ,ਜਿਨ੍ਹਾਂ ਇਕੱਠੀ ਹੋਈ ਭੀੜ ਨੂੰ ਪਿਛਾਂਹ ਖਦੇੜ ਕੇ ਸਮਾਜ ਸੇਵੀਆਂ ਅਤੇ ਵੈਟਰਨਰੀ ਡਾਕਟਰਾਂ ਦੀ ਸਹਾਇਤਾ ਨਾਲ ਕਾਬੂ ਕਰਨ ‘ਚ ਲੱਗੇ। ਖ਼ਬਰ ਲਿਖੇ ਜਾਣ ਤੱਕ ਪੁਲਿਸ ਪ੍ਰਸ਼ਾਸਨ ਅਤੇ ਵੱਡੀ ਗਿਣਤੀ ‘ਚ ਲੋਕ ਢੱਠੇ ਨੂੰ ਕਾਬੂ ਕਰਨ ‘ਚ ਲੱਗੇ ਹੋਏ ਸਨ।