ਕੈਲੇਫੋਰਨੀਆ ਦੇ ਸੈਨ ਜੋਸ ਗੋਲ਼ੀਬਾਰੀ ‘ਚ ਮਾਰੇ ਗਏ ਤਪਤੇਜਦੀਪ ਸਿੰਘ ਨੇ ਕਿਵੇਂ ਬਚਾਈ ਅਨੇਕਾਂ ਲੋਕਾਂ ਦੀ ਜਾਨ, ਪੜ੍ਹੋ ਬਹਾਦਰੀ ਭਰਿਆ ਕਾਰਨਾਮਾ

ਆਪਣੇ ਆਖਰੀ ਪਲਾਂ ਵਿਚ ਵੀ ਤਪਤੇਜਦੀਪ ਸਿੱਖੀ ਦੀਆਂ ਕਦਰਾਂ ਕੀਮਤਾਂ ਨੂੰ ਨਿਭਾਅ ਰਿਹਾ ਸੀ। ਉਹ ਦੂਜਿਆਂ ਦੀ ਸੇਵਾ ਲਈ ਆਪਣੀ ਜ਼ਿੰਦਗੀ ਲੇਖੇੇ ਲਾ ਦਿੱਤੀ।

ਸੁਖਵੀਰ ਸਿੰਘ ਜੋ ਕਿ ….ਦਾ ਮੁਲਾਜ਼ਮ ਹੈ, ਨੇ ਬੀਤੇ ਦਿਨ ਇਸ ਬਿਆਨ ਜਾਰੀ ਕੀਤਾ। ਉਸ ਨੇ ਕਿਹਾ ਕਿ ਮੈਨੂੰ ਤਪਤੇਜਦੀਪ ਵੱਲੋਂ ਇਕ ਫੋਨ ਕਾਲ ਆਈ ਅਤੇ ਉਸ ਨੇ ਮੈਨੂੰ ਸ਼ੂਟਰ ਸਬੰਧੀ ਅਗਾਂਹ ਕੀਤਾ। ਉਸ ਨੇ ਕਿਹਾ ਕਿ ਸ਼ੂਟਰ ਬਿਲਡਿੰਗ ਬੀ ਵਿਚ ਹੈ ਅਤੇ ਤੁਸੀਂ ਲੁਕ ਜਾਓ ਜਾਂ ਫੌਰਨ ਬਾਹਰ ਨਿਕਲ ਜਾਓ। ਉਸ ਨੇ ਦੱਸਿਆ ਕਿ ਮੈਂ ਪਾਲ ਨਾਲ ਹਾਂ,ਜੋ ਇਸ ਗੋਲੀਬਾਰੀ ਦੌਰਾਨ ਮਾਰਿਆ ਗਿਆ, ਨੇ ਕਿਹਾ ਕਿ ਅਸੀਂ ਆਪਣੀ ਇਥੇ ਘਿਰੇ ਹੋਏ ਹਾਂ ਅਤੇ ਆਪਣੀ ਜ਼ਿੰਦਗੀ ਦੇ ਆਖਰੀ ਪਲ ਇਸ ਕੋਸ਼ਿਸ਼ ਵਿਚ ਬਤੀਤ ਕਰ ਰਹੇ ਕਿ ਵਧੋ ਵੱਧ ਲੋਕਾਂ ਨੂੰ ਬਚਾਇਆ ਜਾ ਸਕੇ। ਉਸ ਨੇ ਭਾਵੁਕ ਹੁੰਦੇ ਹੋਏ ਕਿਹਾ ਕਿ ਤਪਤੇਜਦੀਪ ਦੇ ਕਾਰਨ ਹੀ ਅੱਜ ਬਹੁਤ ਸਾਰੇ ਲੋਕ ਆਪਣੇ ਪਰਿਵਾਰਾਂ ਨਾਲ ਹੱਸ ਖੇਡ ਰਹੇ ਹਨ। ਅਸੀਂ ਉਸ ਨੂੰ ਕਦੇ ਵੀ ਨਹੀਂ ਭੁਲਾ ਸਕਦੇ ਕਿ ਉਸ ਨੇ ਕਿਸ ਤਰ੍ਹਾਂ ਸਿੱਖੀ ਦੇ ਸਿਧਾਂਤਾਂ ’ਤੇ ਖਰੇ ਉਤਰਦਿਆਂ ਮੁਸ਼ਕਲ ਦੀ ਘਡ਼ੀ ਵਿਚ ਸਾਡਾ ਸਾਥ ਦਿੱਤਾ। ਮੇਰੀ ਦੁਆ ਤੇ ਹਮਦਰਦੀ ਉਸ ਦੇ ਪਰਿਵਾਰ ਅਤੇ ਹਰ ਉਸ ਵਿਅਕਤੀ ਦੇ ਪਰਿਵਾਰ ਨਾਲ ਹੈ, ਜਿਨ੍ਹਾਂ ਨੇ ਇਸ ਖਤਰਨਾਕ ਮੰਜ਼ਰ ਵਿਚ ਆਪਣੇ ਪਿਆਰਿਆਂ ਨੂੰ ਸਦਾ ਲਈ ਗਵਾ ਦਿੱਤਾ ਹੈ।

ਜ਼ਿਕਰਯੋਗ ਹੈ ਕਿ 36 ਸਾਲਾਂ ਤਪਤੇਜਦੀਪ ਸਿਘ VTA ਵਿਚ ਹਲਕੇ ਰੇਲ ਆਪਰੇਟਰ ਵੱਜੋਂ ਪਿਛਲੇ 8 ਸਾਲਾਂ ਤੋਂ ਕੰਮ ਕਰ ਰਿਹਾ ਸੀ। ਤਰਨਤਾਰਨ ਪੰਜਾਬ ਦੀ ਧਰਤੀ ਦਾ ਜੰਮਪਲ ਤਪਤੇਜਦੀਪ ਆਪਣੇ ਮਾਪਿਆਂ ਨਾਲ 17 ਸਾਲ ਪਹਿਲਾਂ ਕੈਲੀਫੋਰਨੀਆ ਦੀ ਧਰਤੀ ’ਤੇ ਆਇਆ ਸੀ। ਉਸ ਦੇ ਜਾਣ ਨਾਲ ਉਸ ਦਾ ਪਰਿਵਾਰ ਜਿਸ ਵਿਚ ਮਾਂ-ਬਾਪ, ਪਤਨੀ ਤੇ ਦੋ ਬੱਚੇ ਹਨ, ਜੋ ਗਹਿਰੇ ਸਦਮੇ ਵਿਚ ਹਨ।