ਜਲੰਧਰ ਦੇ ਚਾਵਲਾ ਮੋਬਾਈਲ ਸ਼ੋਰੂਮ ‘ਤੇ ਦਿਨ-ਦਿਹਾੜੇ ਫਾਇਰਿੰਗ, ਇੱਕ ਨੌਜਵਾਨ ਲੋਕਾਂ ਨੇ ਹਥਿਆਰ ਸਮੇਤ ਕਾਬੂ ਕੀਤਾ
ਲੁਧਿਆਣਾ : ਲਾਕਡਾਊਨ ਦੌਰਾਨ ਕੰਮ ਨਾ ਹੋਣ ਦੀ ਮਜਬੂਰੀ ਦੱਸ ਕੇ ਇਕ ਔਰਤ ਨੇ ਕਾਰੋਬਾਰੀ ਨੂੰ ਮਦਦ ਲਈ ਆਪਣੇ ਘਰ ਬੁਲਾਇਆ। ਸਾਜਿਸ਼ ਤਹਿਤ ਉਸ ਨੇ ਕਾਰੋਬਾਰੀ ਨੂੰ ਬੰਧਕ ਬਣਾ ਲਿਆ । ਡਰਾ ਕੇ ਔਰਤ ਨੇ ਕਾਰੋਬਾਰੀ ਤੇ ਇਕ ਹੋਰ ਔਰਤ ਦੇ ਕੱਪੜੇ ਉਤਰਵਾ ਲਏ ਅਤੇ ਵੀਡੀਓ ਬਣਾ ਕੇ ਵਾਇਰਲ ਕਰ ਦੇਣ ਦੀ ਧਮਕੀ ਦਿੱਤੀ । ਔਰਤ ਨੇ ਕਾਰੋਬਾਰੀ ਕੋਲੋਂ ਸੋਨਾ ਲੁੱਟਣ ਤੋਂ ਬਾਅਦ ਉਸ ਕੋਲੋਂ ਇਕ ਕਾਗਜ਼ ਦੇ ਸਾਈਨ ਕਰਵਾਏ ।ਕਾਰੋਬਾਰੀ ਦੀ ਪੋਲੋ ਕਾਰ ਆਪਣੇ ਕੋਲ ਰੱਖਣ ਤੋਂ ਬਾਅਦ ਔਰਤ ਅਤੇ ਉਸ ਦੇ ਸਾਥੀ ਪੰਜ ਲੱਖ ਰੁਪਏ ਦੀ ਰਕਮ ਦੀ ਮੰਗ ਕਰ ਰਹੇ ਹਨ । ਇਸ ਸਨਸਨੀਖੇਜ਼ ਮਾਮਲੇ ਵਿਚ ਥਾਣਾ ਦੁੱਗਰੀ ਦੀ ਪੁਲਿਸ ਨੇ ਦਲੇਰ ਨਗਰ ਲੁਧਿਆਣਾ ਦੇ ਵਾਸੀ ਮਨੋਜ ਕੁਮਾਰ ਦੇ ਬਿਆਨਾਂ ਉਪਰ ਦੁੱਗਰੀ ਦੀ ਰਹਿਣ ਵਾਲੀ ਖੁਸ਼ੀ, ਮਨਿੰਦਰ ਸ਼ਰਮਾ ,ਅਵਤਾਰ ਸਿੰਘ, ਸੁੱਖੀ ਅਤੇ ਰੀਤੂ ਦੇ ਖਿਲਾਫ਼ ਮੁਕੱਦਮਾ ਦਰਜ ਕਰਕੇ ਮਾਮਲੇ ਦੀ ਤਫਤੀਸ਼ ਸ਼ੁਰੂ ਕਰ ਦਿੱਤੀ ਹੈ
ਇਸ ਮਾਮਲੇ ਸਬੰਧੀ ਜਾਣਕਾਰੀ ਦਿੰਦਿਆਂ ਥਾਣਾ ਦੁੱਗਰੀ ਦੇ ਅਡੀਸ਼ਨਲ ਐਸਐਚਓ ਜਸਵਿੰਦਰ ਸਿੰਘ ਨੇ ਦੱਸਿਆ ਕਿ ਮਨੋਜ ਘੁਮਾਰ ਮੰਡੀ ਇਲਾਕੇ ਵਿੱਚ ਬਲਾਕੀ ਮੀਟ ਸ਼ਾਪ ਨਾਮ ਦੀ ਦੁਕਾਨ ਚਲਾ ਰਹੇ ਹਨ ।ਮਨੋਜ ਨੇ ਪੁਲਿਸ ਨੂੰ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਤਕਰੀਬਨ ਦੋ ਮਹੀਨੇ ਪਹਿਲਾਂ ਖ਼ੁਸ਼ੀ ਨਾਮ ਦੀ ਔਰਤ ਉਨ੍ਹਾਂ ਦੀ ਦੁਕਾਨ ਤੇ ਆਈ ਸੀ । ਲਾਕਡਾਊਨ ਦੌਰਾਨ ਕੰਮ ਨਾ ਹੋਣ ਦੀ ਮਜਬੂਰੀ ਦੱਸ ਕੇ ਖੁਸ਼ੀ ਨੇ ਕਈ ਵਾਰ ਮਨੋਜ ਕੋਲੋਂ ਪੈਸੇ ਲਏ । 1 ਜੂਨ ਸ਼ਾਮ ਸਾਢੇ ਛੇ ਵਜੇ ਦੇ ਕਰੀਬ ਮਨੋਜ ਨੂੰ ਖੁਸ਼ੀ ਦਾ ਫੋਨ ਆਇਆ ਕਿ ਉਸ ਨੂੰ ਪੈਸਿਆਂ ਦੀ ਸਖ਼ਤ ਜ਼ਰੂਰਤ ਹੈ । ਵਾਰ ਵਾਰ ਕਹਿਣ ਤੇ ਮਨੋਜ ਆਪਣੀ ਪੋਲੋ ਗੱਡੀ ਤੇ ਸਵਾਰ ਹੋ ਕੇ ਫੁੱਲਾਂਵਾਲ ਚੌਕ ਵਿੱਚ ਚਲਾ ਗਿਆ । ਜਿੱਥੋਂ ਖ਼ੁਸ਼ੀ ਉਸ ਨੂੰ ਰੀਤੂ ਨਾਮ ਦੀ ਲੜਕੀ ਦੇ ਘਰ ਐਲਆਈਜੀ ਫਲੈਟਾਂ ਵਿੱਚ ਲੈ ਗਈ
ਸੋਚੀ ਸਮਝੀ ਸਾਜਿਸ਼ ਤਹਿਤ ਕੀਤਾ ਬਲੈਕਮੇਲ
ਮਨੋਜ ਨੇ ਪੁਲਿਸ ਨੂੰ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਰਿਤੂ ਨੇ ਕੋਲ ਬਿਠਾ ਕੇ ਖ਼ੁਸ਼ੀ ਫੋਨ ਤੇ ਗੱਲ ਕਰਦੀ ਹੋਈ ਬਾਹਰ ਚਲੀ ਗਈ । ਖ਼ੁਸ਼ੀ ਦੇ ਨਾਲ ਹੀ ਉਸ ਦੇ ਕੁਝ ਹੋਰ ਸਾਥੀ ਅੰਦਰ ਆ ਗਏ, ਜਿਨ੍ਹਾਂ ਨੇ ਮਨੋਜ ਦੀ ਕੁੱਟਮਾਰ ਸ਼ੁਰੂ ਕਰ ਦਿੱਤੀ ਅਤੇ ਇਹ ਆਖਿਆ ਕਿ ਉਹ ਰੀਤੂ ਨਾਲ ਗਲਤ ਕੰਮ ਕਰਨ ਆਇਆ ਹੈ । ਮੁਲਜ਼ਮਾਂ ਨੇ ਦੋਵਾਂ ਦੇ ਕੱਪੜੇ ਉਤਰਵਾ ਕੇ ਵੀਡੀਓ ਬਣਾ ਲਈ। ਬੁਰੀ ਤਰ੍ਹਾਂ ਡਰਾ ਧਮਕਾ ਕੇ ਉਨ੍ਹਾਂ ਨੇ ਮਨੋਜ ਕੋਲੋਂ ਦੋ ਤੋਲੇ ਸੋਨੇ ਦੀ ਚੇਨ ਖੋਹ ਲਈ ਅਤੇ ਖਾਲੀ ਕਾਗਜ਼ਾਂ ਉਪਰ ਸਾਈਨ ਕਰਵਾ ਕੇ ਇਹ ਆਖਿਆ ਕਿ ਪੰਜ ਲੱਖ ਰੁਪਏ ਦੇ ਕੇ ਆਪਣੀ ਕਾਰ ਲੈ ਜਾਣਾ । ਵੀਡੀਓ ਵਾਇਰਲ ਕਰ ਦੇਣ ਦੀ ਧਮਕੀ ਦਿੰਦੇ ਹੋਏ ਮੁਲਜ਼ਮ ਉਸ ਨੂੰ ਫੁੱਲਾਂਵਾਲ ਚੌਕ ਛੱਡ ਗਏ ।
