ਅੰਮ੍ਰਿਤਸਰ ਕੇਂਦਰੀ ਜੇਲ੍ਹ ’ਚ ਖੂਨੀ ਝੜਪ,ਕੈਦੀ ਦੀ ਕੁੱਟ-ਕੁੱਟ ਕੇ ਕੀਤੀ ਹੱਤਿਆ, 4 ਕੈਦੀਆਂ ਖਿਲਾਫ਼ ਕੇਸ ਦਰਜ

ਅੰਮ੍ਰਿਤਸਰ : ਅੰਮ੍ਰਿਤਸਰ ਦੀ ਫਤਾਹਪੁਰ ਜੇਲ੍ਹ ਵਿਚ ਐਤਵਾਰ ਦੀ ਰਾਤ ਮਾਮੂਲੀ ਗੱਲੋਂ ਦੋ ਧਡ਼ਿਆਂ ਵਿਚ ਖੂਨੀ ਝਡ਼ਪ ਹੋ ਗਈ। ਦੋਸ਼ੀਆਂ ਨੇ ਹੱਤਿਆ ਦੇ ਮਾਮਲੇ ਵਿਚ ਵਿਚਾਰਧੀਨ ਕੈਦੀ ਲਖਵਿੰਦਰ ਸਿੰਘ ’ਤੇ ਏਨੀ ਬੁਰੀ ਤਰ੍ਹਾਂ ਚਮਚਨੁਮਾ ਹਥਿਆਰ ਨਾਲ ਕਈ ਵਾਰ ਕੀਤੇ, ਜਿਸ ਨਾਲ ਉਹ ਗੰਭੀਰ ਰੂਪ ਵਿਚ ਜ਼ਖ਼ਮੀ ਹੋ ਗਿਆ। ਗੁਰੂ ਨਾਨਕ ਦੇਖ ਹਸਪਤਾਲ ਵਿਚ ਇਲਾਜ ਦੌਰਾਨ ਉਸ ਦੀ ਮੌਤ ਹੋ ਗਈ। ਅਸਿਸਟੈਟ ਜੇਲ੍ਹ ਸੁਪਰਡੈਂਟ ਭਗਵੰਤ ਸਿੰਘ ਦੇ ਬਿਆਨ ’ਤੇ ਇਸਲਾਮਾਬਾਦ ਥਾਣੇ ਦੀ ਪੁਲਿਸ ਨੇ ਝੀਤੇ ਖੁਰਦ ਪਿੰਡ ਦੇ ਵਾਸੀ ਅਵਤਾਰ ਸਿੰਘ, ਰਾਜਾਸਾਂਸੀ ਦੇ ਇਸਾਪੁਰ ਵਾਸੀ ਸੁਲਤਾਨ ਸਿੰਘ, ਤਰਨਤਾਰਨ ਦੇ ਖੇਮਕਰਨ ਥਾਣੇ ਅਧੀਨ ਪੈਂਦੇ ਪੁਰ ਮੇਹੰਦੀਪੁਰ ਵਾਸੀ ਗੁਰਜੰਟ ਸਿੰਘ ਅਤੇ ਇੰਦਰਪ੍ਰੀਤ ਸਿੰਘ ਉਰਫ਼ ਹੈਪੀ ਖਿਲਾਫ਼ ਹੱਤਿਆ ਦਾ ਮਾਮਲਾ ਦਰਜ ਕਰ ਲਿਆ ਹੈ

ਜੇਲ੍ਹ ਪ੍ਰਸ਼ਾਸਨ ਮੁਤਾਬਕ ਉਕਤ ਦੋਸ਼ੀ ਬਿਆਸ ਸਥਿਤ ਕਮੋਕੇ ਪਿੰਡ ਵਾਸੀ ਲਖਵਿੰਦਰ ਸਿੰਘ ਉਰਫ ਲੱਖਾ ਬਾਬਾ ਨਾਲ ਪੁਰਾਣੀ ਰੰਜਿਸ਼ ਰੱਖਦਾ ਸੀ। ਉਹ ਪਹਿਲਾਂ ਵੀ ਉਸ ਨਾਲ ਝਗਡ਼ਾ ਕਰ ਚੁੱਕਾ ਸੀ। ਸ਼ਨੀਵਾਰ ਦੀ ਰਾਤ ਸਾਰੇ ਕੈਦੀ ਭੋਜਨ ਖਾਣ ਦੀ ਤਿਆਰੀ ਕਰ ਰਹੇ ਸਨ। ਇਸ ਦੌਰਾਨ ਉਕਤ ਚਾਰੇ ਦੋਸ਼ੀਆਂ ਨੇ ਲਖਵਿੰਦਰ ਸਿੰਘ ’ਤੇ ਹਮਲਾ ਕਰ ਦਿੱਤਾ ਪਰ ਦੋਸ਼ੀਆਂ ਨੇ ਪਹਿਲਾਂ ਤੋਂ ਹੀ ਜ਼ਮੀਨ ’ਤੇ ਰਗਡ਼ ਕੇ ਚਮਚ ਨੂੰ ਤਿੱਖੇ ਹਥਿਆਰ ਵਿਚ ਬਦਲ ਲਿਆ ਸੀ। ਮੌਕਾ ਮਿਲਦੇ ਹੀ ਲਖਵਿੰਦਰ ਸਿੰਘ ’ਤੇ ਉਨ੍ਹਾਂ ਨੇ ਹਮਲਾ ਕਰ ਦਿੱਤਾ ’ਤੇ ਉਸ ਨੂੰ ਗੰਭੀਰ ਰੂਪ ਵਿਚ ਜ਼ਖ਼ਮੀ ਕਰ ਦਿੱਤਾ

ਜੇਲ੍ਹ ਪ੍ਰਸ਼ਾਸਨ ਨੂੰ ਜਦੋਂ ਇਸਬਾਰੇ ਪਤਾ ਲੱਗਾ ਤਾਂ ਉਨ੍ਹਾਂ ਨੇ ਲਖਵਿੰਦਰ ਸਿੰਘ ਨੂੰ ਤੁਰੰਤ ਗੁਰੂ ਨਾਨਕ ਦੇਵ ਹਸਪਤਾਲ ਦਾਖਲ ਕਰਵਾਇਆ ਪਰ ਜ਼ਿਆਦਾ ਖੂਨ ਵਹਿ ਜਾਣ ਕਾਰਨ ਉਸ ਦੀ ਇਲਾਜ ਦੌਰਾਨ ਮੌਤ ਹੋ ਗਈ। ਮਾਮਲੇ ਦੀ ਜਾਂਚ ਕਰ ਰਹੇ ਸਬ ਇੰਸਪੈਕਟਰ ਜਤਿੰਦਰ ਸਿੰਘ ਨੇ ਦੱਸਿਆ ਕਿ ਹਮਲਾ ਕਰਨ ਵਾਲਾ ਅਵਤਾਰ ਸਿੰਘ ਜੇਲ੍ਹ ਵਿਚ ਅਸਲਾ ਐਕਟ, ਸੁਲਤਾਨ ਸਿੰਘ ਲੁੱਟ ਖੋਹ, ਗੁਰਜੰਟ ਸਿੰਘ ਨਸ਼ਾ ਤਸਕਰੀ ਅਤੇ ਹਰਪ੍ਰ੍ਰੀਤ ਸਿੰਘ ਮਾਰ ਕੁੱਟ ਦੇ ਕੇਸ ਵਿਚ ਬੰਦ ਹਨ। ਸਾਰੇ ਦੋਸ਼ੀਆਂ ਖਿਲਾਫ਼ ਅਜੇ ਕੋਰਟ ਵਿਚ ਸੁਣਵਾਈ ਚੱਲ ਰਹੀ ਹੈ।