ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਬਠਿੰਡਾ: ਸਮਝਿਆ ਜਾਂਦਾ ਹੈ ਕਿ ਮੌਤ ਬਹੁਤ ਦੁਖਦਾਈ ਹੁੰਦੀ ਹੈ, ਪਰ ਸੱਚ ਇਹ ਹੈ ਕਿ ਅਸਲ ਦੁੱਖ ਤਾਂ ਜਿੰਦਗੀ ਦਿੰਦੀ ਹੈ। ਇਕ ਗੇਟ ’ਤੇ ਲਿਖਿਆ ਸੀ ਕਿ ‘‘ਇਹ ਘਰ ਵਿਕਾਊ ਹੈ, ਕੈਂਸਰ ਪੀੜਤ ਮਾਤਾ ਦੇ ਇਲਾਜ਼ ਲਈ’’। ਇਹ ਪੜ੍ਹ ਕੇ ਰੌਂਗਟੇ ਖੜ੍ਹੇ ਹੋ ਗਏ ਕਿ ਕਿੰਨਾ ਕੁ ਮਜਬੂਰ ਹੋਵੇਗਾ, ਉਹ ਪਰਿਵਾਰ, ਜਿਸ ਨੂੰ ਇਹ ਸ਼ਬਦ ਆਪਣੇ ਘਰ ਦੇ ਗੇਟ ’ਤੇ ਲਿਖਣਾ ਪਿਆ।
ਜਿਕਰਯੋਗ ਹੈ ਕਿ ਪਿੰਡ ਮਹਿਮਾ ਸਰਜਾ ਦੇ ਗਰੀਬ ਮਿਸਤਰੀ ਨੇ ਬਹੁਤ ਸਾਲ ਪਹਿਲਾਂ ਆਪਣੀ ਧੀ ਮਨਜੀਤ ਕੌਰ ਰਾਮਪੁਰਾ ਫੂਲ ਵਿਖੇ ਵਿਆਹ ਦਿੱਤੀ। ਜਿਸ ਦੇ ਘਰ ਇਕ ਪੁੱਤਰ ਤੇ ਇਕ ਧੀ ਨੇ ਜਨਮ ਲਿਆ। ਪੁੱਤ ਜਵਾਨ ਹੋਇਆ ਤੇ ਫੌਜ ਵਿਚ ਭਰਤੀ ਹੋ ਗਿਆ। ਮਨਜੀਤ ਕੌਰ ਦੇ ਦੁੱਖਾਂ ਦੀ ਸ਼ੁਰੂਆਤ 8 ਸਾਲ ਪਹਿਲਾਂ ਹੋਈ ਜਦੋਂ ਉਸ ਨੂੰ ਕੈਂਸਰ ਹੋ ਗਿਆ
ਉਮੀਦ ਸੀ ਕਿ ਪਤੀ ਉਸ ਦਾ ਇਲਾਜ਼ ਕਰਵਾਏਗਾ। ਪਤੀ ਨੇ ਲੱਖਾਂ ਰੁਪਏ ਖਰਚ ਵੀ ਕੀਤਾ, ਪਰ ਨਾ ਉਸ ਦਾ ਇਲਾਜ਼ ਪੂਰਾ ਹੋ ਸਕਿਆ ਤੇ ਨਾ ਹੀ ਉਹ ਪੂਰੀ ਹੋ ਸਕੀ। ਹਾਰ ਕੇ ਪਤੀ ਨੇ ਉਸ ਨੂੰ ਘਰੋਂ ਕੱਢ ਦਿੱਤਾ ਕਿ ਉਹ ਹੁਣ ਇਲਾਜ਼ ਨਹੀਂ ਕਰਵਾ ਸਕਦਾ। ਤਰਸ ਦੇ ਆਧਾਰ ’ਤੇ ਮਨਜੀਤ ਕੌਰ ਦਾ ਦਿਓਰ ਉਸ ਨੂੰ ਇਲਾਜ਼ ਖਾਤਰ ਬੀਕਾਨੇਰ (ਰਾਜਸਥਾਨ) ਲੈ ਗਿਆ। ਉਮੀਦ ਜਾਗੀ ਕਿ ਸ਼ਾਇਦ ਹੁਣ ਉਸ ਦਾ ਇਲਾਜ਼ ਹੋ ਸਕੇਗਾ।
ਦਿਓਰ ਨੇ ਵੀ ਲੱਖਾਂ ਰੁਪਏ ਖਰਚ ਕਰ ਦਿੱਤੇ, ਪਰ ਇਲਾਜ਼ ਨਹੀਂ ਹੋ ਸਕਿਆ। ਅੰਤ ਦਿਓਰ ਨੇ ਵੀ ਉਸ ਨੂੰ ਆਪਣੇ ਘਰੋਂ ਕੱਢ ਦਿੱਤਾ ਕਿ ਉਹ ਆਪਣੀ ਜ਼ਿੰਦਗੀ ’ਤੇ ‘ਮਨਜੀਤ ਕੌਰ’ ਨਾਂ ਦੇ ਗ੍ਰਹਿਣ ਦੀ ਛਾਂ ਹੋਰ ਨਹੀਂ ਝੱਲ ਸਕਦਾ। ਫਿਰ ਵੀ ਉਸ ਨੂੰ ਉਮੀਦ ਸੀ ਕਿ ਫੌਜ਼ੀ ਪੁੱਤਰ ਉਸ ਦਾ ਇਲਾਜ਼ ਜ਼ਰੂਰ ਕਰਵਾ ਲਵੇਗਾ, ਪਰ ਰੱਬ ਨੇ ਤਾਂ ਉਸ ਦੀ ਕਿਸਮਤ ਵਿਚ ਸਿਰਫ ਦੁੱਖ ਹੀ ਲਿਖੇ ਹਨ। ਫਿਰ ਇਲਾਜ਼ ਕਿਵੇਂ ਸੰਭਵ ਹੈ। ਕਰੀਬ ਡੇਢ ਮਹੀਨਾ ਪਹਿਲਾਂ ਸ਼ਿਆਚਿਨ ਲੱਦਾਖ ’ਚ ਮਨਜੀਤ ਕੌਰ ਦਾ ਫੌਜ਼ੀ ਪੁੱਤ ਸ਼ਹੀਦ ਹੋ ਗਿਆ।
ਹੁਣ ਤਾਂ ਮਨਜੀਤ ਕੌਰ ਲਗਪਗ ਮਰ ਹੀ ਚੁੱਕੀ ਸੀ, ਪਰ ਜਾਨ ਨਹੀਂ ਨਿਕਲ ਰਹੀ ਸੀ। ਮੰਦਭਾਗੀ ਗੱਲ ਇਹ ਕਿ ਸਰਕਾਰ ਵਲੋਂ ਐਲਾਨ ਕੀਤਾ ਗਿਆ ਸੀ ਕਿ ਸ਼ਹੀਦ ਫੌਜ਼ੀ ਦੇ ਪਰਿਵਾਰ ਨੂੰ 50 ਲੱਖ ਰੁਪਏ ਅਤੇ ਇਕ ਪਰਿਵਾਰਕ ਮੈਂਬਰ ਨੂੰ ਸਰਕਾਰੀ ਨੌਕਰੀ ਮਿਲੇਗੀ। ਉਹ ਟੁੱਟ ਹਾਰ ਕੇ ਆਪਣੇ ਪੇਕੇ ਪਿੰਡ ਮਹਿਰਾਜ ਆ ਗਈ।
ਪੇਕੇ ਪਰਿਵਾਰ ਨੇ ਮਨਜੀਤ ਕੌਰ ਨੂੰ ਅਪਣਾ ਤਾਂ ਲਿਆ, ਪਰ ਇਲਾਜ਼ ਖਾਤਰ ਪੈਸੇ ਨਹੀਂ ਹਨ। ਇਸ ਲਈ ਪੇਕੇ ਪਰਿਵਾਰ ਨੇ ਆਪਣੇ ਗੇਟ ’ਤੇ ਲਿਖ ਦਿੱਤਾ ਹੈ ਕਿ ‘‘ ਇਹ ਘਰ ਵਿਕਾਊ ਹੈ, ਕੈਂਸਰ ਪੀੜਤ ਮਾਤਾ ਦੇ ਇਲਾਜ਼ ਲਈ’’। ਮਨਜੀਤ ਕੌਰ ਨੇ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਜੇ ਕੁਝ ਹੋਰ ਨਹੀਂ ਕਰ ਸਕਦੇ ਤਾਂ ਉਸ ਨੂੰ ਉਸਦੇ ਪੁੱਤਰ ਕੋਲ ਹੀ ਭੇਜ ਦਿਓ, ਸ਼ਾਇਦ ਅਗਲੇ ਜਨਮ ਵਿਚ ਉਹ ਹੀ ਉਸ ਦਾ ਇਲਾਜ਼ ਕਰਵਾ ਦੇਵੇ।
