ਰਾਜਪੁਰਾ: ਪੁਲਿਸ ਨੇ ਨੌਜਵਾਨ ਨੂੰ ਪਿਸਤੌਲ, ਕਾਰਤੂਸ, ਲੈਪਟਾਪ ਤੇ 35 ਸਿਮ ਸਣੇ ਕੀਤਾ ਕਾਬੂ

ਥਾਣਾ ਸ਼ੰਭੂ ਦੀ ਪੁਲਿਸ ਨੇ ਇਕ ਨੌਜਵਾਨ ਨੂੰ ਪਿਸਤੌਲ 32 ਬੋਰ, 7 ਜਿੰਦਾ ਕਾਰਤੂਸ, ਇਕ ਲੈਪਟਾਪ ਤੇ 35 ਸਿਮ ਸਮੇਤ ਕਾਬੂ ਕੀਤਾ ਹੈ। ਥਾਣਾ ਸ਼ੰਭੂ ਦੇ ਮੁੱਖ ਅਫ਼ਸਰ ਗੁਰਮੀਤ ਸਿੰਘ ਨੇ ਅੰਬਾਲਾ ਨੈਸ਼ਨਲ ਹਾਈਵੇ ਉਤੇ ਨਾਕੇਬੰਦੀ ਦੌਰਾਨ ਇਕ ਕਾਰ ਨੂੰ ਰੋਕਿਆ।

ਪੁਲਿਸ ਵੱਲੋਂ ਜਦੋਂ ਕਾਰ ਦੀ ਤਲਾਸ਼ੀ ਲਈ ਗਈ ਤਾਂ ਉਸ ਵਿਚੋ ਇਕ ਪਿਸਤੌਲ 32 ਬੋਰ, 7 ਜਿੰਦਾ ਕਾਰਤੂਸ, ਇਕ ਲੈਪਟਾਪ , 35 ਨਾਜਾਇਜ ਸਿਮ ਤੇ ਇਕ ਵਾਕੀ ਟੋਕੀ ਬਰਾਮਤ ਕੀਤਾ ਗਿਆ ਹੈ।

ਮੁਲਜ਼ਮ ਨੂੰ ਮਾਣਯੋਗ ਅਦਾਲਤ ਵਿੱਚ ਪੇਸ਼ ਕਰਕੇ ਹੋਰ ਪੁੱਛਗਿੱਛ ਕਰਨ ਲਈ ਚਾਰ ਦਿਨ ਦਾ ਪੁਲਿਸ ਰਿਮਾਂਡ ਹਾਸਲ ਕੀਤਾ ਗਿਆ ਹੈ। ਜਸਵਿੰਦਰ ਸਿੰਘ ਟਿਵਾਣਾ ਉਪ ਪੁਲਿਸ ਕਪਤਾਨ ਘਣੌਰ ਨੇ ਰਾਜਪੁਰ ਦੇ ਮਿੰਨੀ ਸਕੱਤਰੇਤ ਵਿਖੇ ਪ੍ਰੈਸ ਮੀਟਿੰਗ ਦੌਰਾਨ ਦੱਸਿਆ ਕਿ ਪੁਲਿਸ ਨੇ ਨਾਕੇਬੰਦੀ ਦੌਰਾਨ ਇਕ ਕਾਰ ਨੂੰ ਰੋਕਿਆ ਗਿਆ ਤਾਂ ਉਸ ਵਿੱਚੋਂ ਇਕ ਪਿਸਤੌਲ 32 ਬੋਰ, 7 ਜਿੰਦਾ ਕਾਰਤੂਸ, ਇਕ ਲੇਪਟਾਪ, 35 ਸਿਮ ਤੇ ਇਕ ਵਾਕੀ ਟੋਕੀ ਬਰਾਮਦ ਹੋਇਆ ਹੈ।

ਪੁਲਿਸ ਨੇ ਥਾਣਾ ਸ਼ੰਭੂ ਵਿੱਚ ਧਾਰਾ 420 /25/54/59ਆਰਮਜ਼ ਐਕਟ 13/3/67/ਗੇਬਲਿੰਗ ਐਕਟ ਤਹਿਤ ਮੁਕੱਦਮਾ ਦਰਜ ਕਰਕੇ ਮੁਲਜ਼ਮ ਦਾ 4 ਦਿਨ ਦਾ ਪੁਲਿਸ ਰਿਮਾਂਡ ਹਾਸਲ ਕੀਤੀ ਗਈ ਹੈ।