ਸ਼੍ਰੋਮਣੀ ਅਕਾਲੀ ਦਲ ਤੇ ਬਸਪਾ ਵਲੋਂ ਨਾਕਸ ਬਿਜਲੀ ਸਪਲਾਈ ਨੂੰ ਲੈ ਕੇ ਜ਼ਿਲੇ ਵਿਚ ਵੱਖ – ਵੱਖ ਬਿਜਲੀ ਘਰਾਂ ਸਾਮਣੇ ਰੋਸ ਪ੍ਰਦਰਸ਼ਨ

ਅੰਮ੍ਰਿਤਸਰ, 2 ਜੁਲਾਈ  – ਸ਼੍ਰੋਮਣੀ ਅਕਾਲੀ ਦਲ ਅਤੇ ਬਸਪਾ ਵਲੋਂ ਸੂਬੇ ਵਿਚ ਨਾਕਸ ਬਿਜਲੀ ਸਪਲਾਈ ਅਤੇ ਅਣ ਐਲਾਣੇ ਕੱਟਾਂ ਨੂੰ ਲੈ ਕੇ ਅੰਮ੍ਰਿਤਸਰ ਜ਼ਿਲੇ ਵਿਚ ਵੱਖ – ਵੱਖ ਥਾਵਾਂ ‘ਤੇ ਰੋਸ ਪ੍ਰਦਰਸ਼ਨ ਕੀਤੇ ਜਾ ਰਹੇ ਹਨ। ਸੀਨੀਅਰ ਅਕਾਲੀ ਆਗੂ ਤੇ ਸਾਬਕਾ ਮੰਤਰੀ ਬਿਕਰਮ ਸਿੰਘ ਮਜੀਠੀਆ ਵਲੋਂ ਸਾਥੀਆਂ ਸਮੇਤ ਕਸਬਾ ਮਜੀਠਾ ਦੇ ਬਿਜਲੀ ਘਰ ਸਾਮਣੇ ਰੋਸ ਪ੍ਰਦਰਸ਼ਨ ਕੀਤਾ ਗਿਆ। ਇਸ ਦੌਰਾਨ ਚੀਫ਼ ਇੰਜੀਨੀਅਰ ਪਾਵਰਕਾਮ ਦਫਤਰ ਦੇ ਸਾਮਣੇ ਵੀ ਅੰਮ੍ਰਿਤਸਰ ਦੇ ਅਕਾਲੀ ਤੇ ਬਸਪਾ ਆਗੂਆਂ ਵਲੋਂ ਵੀ ਬਿਜਲੀ ਕੱਟਾਂ ਨੂੰ ਲੈ ਕੇ ਰੋਸ ਪ੍ਰਦਰਸ਼ਨ ਕੀਤਾ ਗਿਆ। ਹਲਕਾ ਪੂਰਬੀ ਦੇ ਅਕਾਲੀਆਂ ਵਲੋਂ ਵੀ ਮਜੀਠਾ ਰੋਡ ਬਿਜਲੀ ਘਰ ਸਾਮਣੇ ਰੋਸ ਧਰਨਾ ਦਿੱਤੇ ਜਾਣ ਦੀ ਸੂਚਨਾ ਹੈ।