ਐੱਸਏਐੱਸ ਨਗਰ : ਸੀਆਈਏ ਸਟਾਫ ਮੁਹਾਲੀ ਦੀ ਟੀਮ ਵੱਲੋਂ ਵਾਹਨ ਚੋਰੀ ਕਰਨ ਵਾਲੇ ਅੰਤਰਰਾਜੀ ਗਿਰੋਹ ਦੇ ਚਾਰ ਮੈਬਰਾਂ ਰਾਮਜੀਤ ਸਿੰਘ ਉਰਫ ਰਾਮ, ਚੰਨਪ੍ਰੀਤ ਸਿੰਘ ਉਰਫ ਚੰਨੀ, ਗਿਰੀਸ ਬੈਂਬੀ ਉਰਫ ਗੈਰੀ ਅਤੇ ਮਨਿੰਦਰ ਸਿੰਘ ਨੂੰ ਗ੍ਰਿਫਤਾਰ ਕਰਕੇ 21 ਲਗਜ਼ਰੀ ਚੋਰੀ ਕੀਤੀਆਂ ਗੱਡੀਆਂ ਬਰਾਮਦ ਕੀਤੀਆਂ ਹਨ।
ਸੀਨੀਅਰ ਜ਼ਿਲ੍ਹਾ ਪੁਲਿਸ ਕਪਤਾਨ ਸਤਿੰਦਰ ਸਿੰਘ ਆਈਪੀਐੱਸ ਦੱਸਿਆ ਕਿ ਦੱਸਿਆ ਕਿ ਮਿਤੀ 10-06-2021 ਨੂੰ ਸੀ.ਆਈ.ਏ ਸਟਾਫ ਮੋਹਾਲੀ ਦੀ ਪੁਲਿਸ ਪਾਰਟੀ ਨੂੰ ਖੁਫੀਆ ਇਤਲਾਹ ਮਿਲੀ ਕਿ ਮੋਹਾਲੀ ਸ਼ਹਿਰ ਵਿੱਚ ਵਾਹਨ ਚੋਰੀਆਂ ਕਰਨ ਵਾਲੇ ਗਿਰੋਹ ਦੇ ਮੈਂਬਰ ਗੱਡੀਆਂ ਚੋਰੀ ਕਰਨ ਦੀ ਭਾਲ ਵਿੱਚ ਘੁੰਮ ਰਹੇ ਹਨ। ਇਸ ਸਬੰਧੀ ਮੁਕੱਦਮਾ ਨੰਬਰ 84 ਮਿਤੀ 10-06-2021 ਅ/ਧ 379,411,420,465,467,468,473,120 ਥਾਣਾ ਬਲੌਂਗੀ ਮੋਹਾਲੀ ਦਰਜ ਰਜਿਸਟਰ ਕਰਵਾਇਆ ਸੀ, ਜਿਸ ‘ਤੇ ਕਰਵਾਈ ਕਰਦੇ ਹੋਏ ਇੰਸ: ਗੁਰਮੇਲ ਸਿੰਘ ਅਤੇ ਇੰਸ:ਸਤਵੰਤ ਸਿੰਘ ਇੰਚਾਰਜ ਸਾਈਬਰ ਓਪਰੇਸ਼ਨ ਸੈੱਲ ਸਮੇਤ ਗਠਿਤ ਕੀਤੀ ਗਈ ਟੀਮ ਵੱਲੋਂ 1.ਰਾਮਜੀਤ ਸਿੰਘ ਉਰਫ ਰਾਮ ਪੁੱਤਰ ਮਨਪ੍ਰੀਤ ਸਿੰਘ ਵਾਸੀ H2-83 FIRST FLOOR VIKAS PURI NEW DELHI 2. ਗਰੀ ਬੈਮਬੀ ਉਰਫ ਗੈਰੀ ਪੁੱਤਰ ਉਪਕਾਰਦੀਪ ਸਿੰਘ ਵਾਸੀ ਵਾਰਡ ਨੰਬਰ 03 ਸੋਂਧੀ ਮੁਹੱਲਾ ਭਿੱਖੀਵਿੰਡ ਥਾਣਾ ਭਿੱਖੀਵਿੰਡ ਜਿਲ਼ਾ ਤਰਨਤਾਰਨ,3. ਮਨਿੰਦਰ ਸਿੰਘ ਪੁੱਤਰ ਸੁਖਦੇਵ ਸਿੰਘ ਵਾਸੀ ਪਿੰਡ ਕਲਸ ਥਾਣਾ ਸਰਾਏ ਅਮਾਨਤ ਖਾਂ ਜਿਲ੍ਹਾ ਤਰਨਤਾਰਨ ਹਾਲ ਵਾਸੀ ਹਰਗੋਬਿੰਦ ਐਵੀਨਿਊਂ ਅੰਮ੍ਰਿਤਸਰ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ ਅਤੇ ਦੋਸੀ 4.ਚੰਨਪ੍ਰੀਤ ਸਿੰਘ ਉਰਫ ਚੰਨੀ ਪੁੱਤਰ ਹਰਵਿੰਦਰ ਪਾਲ ਸਿੰਘ ਵਾਸੀ H.No A1 E-B CHANDAR VIHAR NILOTHI EXT NANGLOI NEW DELHI ਨੂੰ ਦੌਰਾਨੇ ਨਾਕਾਬੰਦੀ ਗ੍ਰਿਫਤਾਰ ਕਰਕੇ ਉਸ ਪਾਸੋਂ ਇੱਕ ਚੋਰੀ ਵਾਲੀ ਗੱਡੀ ਨੰਬਰ DL 10DF 6383 ਮਾਰਕਾ ਬਰੀਜਾ ਵਿੱਚੋਂ ਤਲਾਸੀ ਦੌਰਾਨ 32 ਨਸ਼ੀਲੇ ਟੀਕੇ ਬ੍ਰਾਮਦ ਕਰਕੇ ਵੱਖਰਾ ਮੁਕੱਦਮਾ ਨੰਬਰ 228 ਮਿਤੀ 17/06/2021 ਅ/ਧ 22-61-85 ਐੱਨਡੀਪੀਐੱਸ ਐਕਟ ਥਾਣਾ ਸਿਟੀ ਖਰੜ ਦਰਜ ਰਜਿਸਟਰ ਕਰਵਾਇਆ ਗਿਆ ਸੀ।
ਤਫਤੀਸ਼ ‘ਚ ਇਹ ਗੱਲ ਸਾਹਮਣੇ ਆਈ ਕਿ ਦੋਸ਼ੀ ਰਾਮਜੀਤ ਸਿੰਘ ਉਰਫ ਰਾਮ ਨੇ ਬਾਰਵੀਂ ਤੱਕ ਦੀ ਪੜ੍ਹਾਈ ਕੀਤੀ ਹੈ, ਜੋ ਗਿਰੋਹ ਦਾ ਸਰਗਨਾ ਹੈ, ਜਿਸ ਪਰ ਪਹਿਲਾਂ ਵੀ ਵਾਹਨ ਚੋਰੀ ਦੇ ਵੱਖ-ਵੱਖ ਰਾਜਾ ਵਿੱਚ ਕਰੀਬ 70-80 ਮੁਕੱਦਮੇ ਦਰਜ ਹਨ ਜਿਹਨਾਂ ਵਿੱਚ ਇਹ ਸਾਲ 2012 ਤੋਂ ਭਗੌੜਾ ਚੱਲ ਰਿਹਾ ਹੈ ਅਤੇ ਚੰਨਪ੍ਰੀਤ ਸਿੰਘ ਉਰਫ ਚੰਨੀ ਪਰ ਵੀ ਕਰੀਬ 25-30 ਮੁਕੱਦਮੇ ਦਰਜ ਹਨ ਜਿਹਨਾ ਵਿੱਚ ਜਮਾਨਤ ਕਰਵਾਉਣ ਤੋਂ ਬਾਅਦ ਭਗੌੜਾ ਚੱਲ ਰਿਹਾ ਹੈ।
ਪੁੱਛਗਿੱਛ ਦੌਰਾਨ ਇਹ ਗੱਲ ਸਾਹਮਣੇ ਆਈ ਹੈ ਕਿ ਉੱਚ ਤਕਨੀਕੀ ਯੰਤਰਾਂ ਦਾ ਇਸਤੇਮਾਲ ਕਰਕੇ ਪੰਜਾਬ, ਦਿੱਲੀ, ਚੰਡੀਗੜ,ਹਰਿਆਣਾ ਅਤੇ ਯੂ.ਪੀ. ਦੇ ਵੱਖ-ਵੱਖ ਸਹਿਰਾਂ ਤੋਂ ਵਾਹਨ ਚੋਰੀ ਕਰਦੇ ਸਨ।ਇਹ ਸਕੇਲ ਨਾਲ ਕਾਰ ਖੋਲਦੇ ਸਨ ਜਾਂ ਪਿਛਲੀ ਖਿੜਕੀ ਦਾ ਸ਼ੀਸ਼ਾ ਤੋੜ ਕੇ ਗੱਡੀ ਖੋਲਦੇ ਸੀ।ਗੱਡੀਆਂ ਖੋਲਣ ਤੋਂ ਬਾਅਦ ਜੀਰੋ ਕੀਤਾ ਈ.ਸੀ.ਐਮ(ENGINE CONTROL MODULE) ਵਰਤ ਕੇ ਗੱਡੀ ਦੇ ਈ.ਸੀ.ਐਮ ਨੂੰ ਬਾਈਪਾਸ ਕਰਕੇ ਗੱਡੀ ਸਟਾਰਟ ਕਰਕੇ ਲੈ ਜਾਂਦੇ ਸਨ,ਅਤੇ ਚੋਰੀ ਕੀਤੀ ਗੱਡੀ ਦਾ ਈ.ਸੀ.ਐਮ ਡੀ-ਕੋਡ ਕਰਕੇ ਅਗਲੀ ਗੱਡੀ ਚੋਰੀ ਕਰਨ ਲਈ ਵਰਤਦੇ ਸਨ।
