ਨੂਰਮਹਿਲ/ਜੰਡਿਆਲਾ ਮੰਜਕੀ, 11 ਜੁਲਾਈ – ਥਾਣਾ ਨੂਰਮਹਿਲ ਦੀ ਪੁਲਿਸ ਵਲੋਂ ਪੈਟਰੋਲ ਪੰਪ ਲੁੱਟਣ ਦੀ ਯੋਜਨਾ ਬਣਾ ਰਹੇ ਛੇ ਜਣਿਆਂ ਨੂੰ ਦੋ ਪਿਸਟਲ 32-ਬੋਰ, ਛੇ ਰੌਂਦ ਅਤੇ ਤਿੰਨ ਪਿਸਟਲ 315-ਬੋਰ, ਪੰਜ ਰੌਂਦ, ਇਕ ਖੰਡਾ, ਇਕ ਟੋਕੇ ਸਮੇਤ ਕਾਬੂ ਕੀਤਾ ਗਿਆ ਹੈ। ਥਾਣਾ ਮੁਖੀ ਗੁਰਿੰਦਰਜੀਤ ਸਿੰਘ ਨਾਗਰਾ ਨੇ ਸੰਪਰਕ ਕਰਨ ‘ਤੇ ਦੱਸਿਆ ਕਿ ਕੋਟ ਬਾਦਲ ਖਾਂ ਦੇ ਸ਼ਮਸ਼ਾਨਘਾਟ ਵਿਚ ਨੂਰਮਹਿਲ-ਤਲਵਨ ਰੋਡ ‘ਤੇ ਪੈਟਰੋਲ ਪੰਪ ਲੁੱਟਣ ਦੀ ਯੋਜਨਾ ਬਣਾ ਰਹੇ ਉਕਤ ਛੇ ਜਣਿਆਂ ਨੂੰ ਕਾਬੂ ਕੀਤਾ ਗਿਆ ਹੈ। ਉਨ੍ਹਾਂ ਕੋਲੋਂ ਇਨੋਵਾ ਅਤੇ ਆਈ-ਟਵੰਟੀ ਕਾਰ ਜੋ ਕਿ ਜਾਅਲੀ ਨੰਬਰ ਲਗਾ ਕੇ ਲੁੱਟ ਖੋਹ ਦੀਆਂ ਵਾਰਦਾਤਾਂ ਲਈ ਵਰਤਦੇ ਸਨ, ਨੂੰ ਬਰਾਮਦ ਕੀਤਾ ਗਿਆ ਹੈ। ਥਾਣਾ ਮੁਖੀ ਨੇ ਦੱਸਿਆ ਕਿ ਉਕਤ ਵਿਅਕਤੀਆਂ ਨੂੰ ਸੀ.ਆਈ.ਏ. ਸਟਾਫ਼ ਵਾਲੇ ਰਿਮਾਂਡ ਵਾਸਤੇ ਲੈ ਕੇ ਗਏ ਹਨ।
ਖ਼ਬਰ ਸ਼ੇਅਰ ਕਰੋ
