ਪੰਜਾਬੀ ਆ ਗਏ ਓਏ…! ਪੰਜਾਬ ਅੱਗੇ ਲਖਨਊ ਨੇ ਵੀ ਟੇਕੇ ਗੋਡੇ, ਦਰਜ ਕੀਤੀ ਸੀਰੀਜ਼ ਦੀ 5ਵੀਂ ਜਿੱਤ
ਪੰਜਾਬ ਪ੍ਰਦੇਸ਼ ਕਾਂਗਰਸ ਦੀ ਕਮਾਨ ਸੰਭਾਲਣ ਤੋਂ ਬਾਅਦ ਨਵਜੋਤ ਸਿੰਘ ਸਿੱਧੂ (Navjot Singh Sidhu) ਪਹਿਲੀ ਵਾਰ ਆਪਣੀ ਕਰਮ ਭੂਮੀ ਅੰਮ੍ਰਿਤਸਰ ਪਹੁੰਚ ਰਹੇ ਹਨ। ਸਿੱਧੂ ਫਿਲਹਾਲ ਰਸਤੇ ‘ਚ ਹਨ। ਨਵਾਂਸ਼ਹਿਰ ‘ਚ ਪੰਜਾਬ ਯੂਥ ਕਾਂਗਰਸ ਦੇ ਪ੍ਰਧਾਨ ਬਰਿੰਦਰ ਢਿੱਲੋਂ ਨੇ ਸਿੱਧੂ ਦਾ ਸਵਾਗਤ ਕੀਤਾ। ਉਨ੍ਹਾਂ ਦੇ ਨਾਲ ਵਿਧਾਇਕ ਕੁਲਜੀਤ ਨਾਗਰਾ, ਰਾਜਕੁਮਾਰ ਵੇਰਕਾ, ਸੁਖਪਾਲ ਭੁੱਲਰ, ਇੰਦਰਬੀਰ ਸਿੰਘ ਬੁਲਾਰੀਆ, ਗੁਰਪ੍ਰੀਤ ਜੀਪੀ ਤੇ ਲਾਲੀ ਮਜੀਠੀਆ ਵੀ ਮੌਜੂਦ ਹਨ। ਅੰਮ੍ਰਿਤਸਰ ਜਾਂਦੇ ਹੋਏ ਨਵਜੋਤ ਸਿੰਘ ਨਵਾਂਸ਼ਹਿਰ ‘ਚ ਸ਼ਹੀਦ-ਏ-ਆਜ਼ਮ ਭਗਤ ਸਿੰਘ ਦੇ ਜੱਦੀ ਪਿੰਡ ਖਟਕੜਕਲਾਂ ‘ਚ ਵੀ ਰੁਕੇ। ਇੱਥੇ ਸਿੱਧੂ ਨੇ ਸ਼ਹੀਦਾਂ ਨੂੰ ਨਮਨ ਕੀਤਾ।
ਉੱਥੇ ਹੀ ਸਿੱਧੂ ਦੀ ਟੀਮ ਨੇ ਅੰਮ੍ਰਿਤਸਰ ‘ਚ ਉਨ੍ਹਾਂ ਦੇ ਸਵਾਗਤ ਦੀਆਂ ਵਿਸ਼ੇਸ਼ ਤਿਆਰੀਆਂ ਕੀਤੀਆਂ ਹਨ। ਸਿੱਧੂ ਦੇ ਵਿਧਾਨ ਸਭਾ ਹਲਕੇ ਅੰਮ੍ਰਿਤਸਰ ਪੂਰਬੀ ਹਲਕੇ ‘ਚ ਗੋਲਡਨ ਗੇਟ ‘ਤੇ ਉਨ੍ਹਾਂ ਦਾ ਸ਼ਾਨਦਾਰ ਸਵਾਗਤ ਕੀਤਾ ਜਾਵੇਗਾ। ਸਮਰਥਕਾਂ ਜ਼ਰੀਏ ਸਿੱਧੂ ਇੱਥੇ ਸ਼ਕਤੀ ਪ੍ਰਦਰਸ਼ਨ ਕਰਨਗੇ। ਉਨ੍ਹਾਂ ਦੇ ਸਾਹਮਣੇ ਇਹ ਵੀ ਚੁਣੌਤੀ ਰਹੇਗੀ ਕਿ ਇਸ ਕਾਫ਼ਿਲੇ ‘ਚ ਟਕਸਾਲੀ ਕਾਂਗਰਸੀ ਕਿੰਨੀ ਕਦਮਤਾਲ ਮਿਲਾਉਂਦੇ ਹਨ। ਸਿੱਧੂ ਦੇ ਸਵਾਗਤ ‘ਚ ਪੂਰੇ ਸ਼ਹਿਰ ਨੂੰ ਹੋਰਡਿੰਗਾਂ ਨਾਲ ਭਰ ਦਿੱਤਾ ਗਿਆ ਹੈ। ਇਸ ਦੌਰਾਨ ਢੋਲ, ਨਗਾੜਿਆਂ ਤੇ ਆਤਿਸ਼ਬਾਜ਼ੀ ਦਾ ਵੀ ਇੰਤਜ਼ਾਮ ਕੀਤਾ ਗਿਆ ਹੈ।
ਬੀਤੇ ਦਿਨੀਂ ਨਵਜੋਤ ਸਿੱਧੂ ਦੀ ਪੀਪੀਸੀਏ ਪ੍ਰਧਾਨ ਬਣਾਏ ਜਾਣ ਤੋਂ ਬਾਅਦ ਹੋਲੀ ਸਿਟੀ ਸਥਿਤੀ ਉਨ੍ਹਾਂ ਦੀ ਕੋਠੀ ਤੇ ਜ਼ਿਲ੍ਹਾ ਕਾਂਗਰਸੀ ਕਮੇਟੀ ਕਾਂਗਰਸ ਦੇਹਾਤੀ ਦੇ ਦਫ਼ਤਰ ‘ਚ ਤਾਂ ਜਸ਼ਨ ਦਾ ਮਾਹੌਲ ਰਿਹਾ। ਪੂਰਾ ਦਿਨ ਵਰਕਰਾਂ ਦਾ ਕਾਰਵਾਂ ਸਿੱਧੂ ਸਮਰਥਕਾਂ ਨਾਲ ਖੁਸ਼ੀ ਜ਼ਾਹਿਰ ਕਰਨ ਲਈ ਆਉਂਦਾ ਰਿਹਾ। ਖੂਬ ਲੱਡੂ ਵੰਡੇ ਗਏ ਤੇ ਢੋਲ ਦੀ ਥਾਪ ‘ਤੇ ਭੰਗੜੇ ਪਾਏ। ਦੂਸੇ ਪਾਸੇ ਜ਼ਿਲ੍ਹਾ ਕਾਂਗਰਸ ਕਮੇਟੀ ਸ਼ਹਿਰੀ ਦੇ ਦਫ਼ਤਰ ‘ਚ ਸੰਨਾਟਾ ਛਾਇਆ ਰਿਹਾ। ਦਫ਼ਤਰ ਦੇ ਅੰਦਰ ਤੇ ਬਾਹਰ ਸਿੱਧੂ ਦਾ ਹੋਰਡਿੰਗ ਜਾਂ ਬੋਰਡ ਸ਼ਾਮ ਤਕ ਨਹੀਂ ਲਗਾਏ ਗਏ ਸਨ ਤੇ ਦਫ਼ਤਰ ਦੇ ਜੁੜੇ ਤਮਾਮ ਨੇਤਾ ਵੀ ਦਿਖਾਈ ਨਹੀਂ ਦਿੱਤੇ। ਦੂਸਰੇ ਪਾਸੇ ਸ਼ਹਿਰ ਦੀ ਸਿੱਧੂ ਵਿਰੋਧੀ ਲੋਭੀ ਹਾਲੀ ਵੀ ਵੇਟ ਆਂਡ ਵਾਚ ਦੀ ਥਿਊਰੀ ‘ਤੇ ਹੀ ਕੰਮ ਕਰ ਰਹੀ ਹੈ ਤੇ ਪੂਰੇ ਘਟਨਾਕ੍ਰਮ ਬਾਰੇ ਚੁੱਪੀ ਧਾਰੀ ਬੈਠੀ ਹੈ।
ਵਿਧਾਇਕ ਰਾਜਕੁਮਾਰ ਵੇਰਕਾ ਦਾ ਕਹਿਣਾ ਹੈ ਕਿ ਨਵਜੋਤ ਸਿੱਧੂ ਨੂੰ ਪੀਪੀਸੀਸੀ ਦਾ ਪ੍ਰਧਾਨ ਬਣਾਉਣ ਦਾ ਸਵਾਗਤ ਹੈ। ਇਸ ਨਾਲ ਵਰਕਰਾਂ ‘ਚ ਜਾਨ ਆਈ ਹੈ। ਅਗਲੀਆਂ ਚੋਣਾਂ ‘ਚ ਰਿਕਾਰਡ ਜਿੱਤ ਦਰਜ ਕਰਾਂਗੇ। ਅੰਮ੍ਰਿਤਸਰ ਦੇ ਸਲਈ ਇਹ ਮਾਣ ਵਾਲੀ ਗਈਲ ਹੈ ਕਿ ਪੀਪੀਸੀਸੀ ਚੀਫ ਅੰਮ੍ਰਿਤਸਰ ਤੋਂ ਹਨ।
