ਨਵੀਂ ਦਿੱਲੀ, ਜੇਐੱਨਐੱਨ : ਸੰਸਦ ਦੇ ਮੌਸੂਨ ਸੈਸ਼ਨ ਦੀ ਸ਼ੁਰੂਆਤ ਹੀ ਹੰਗਾਮੇ ਨਾਲ ਹੋਈ ਤੇ ਉਸ ਤੋਂ ਬਾਅਦ ਕਾਰਵਾਈ ਮੁਲਤਵੀ ਹੀ ਰਹੀ ਹੈ। ਇਸ ਦੇ ਮੱਦੇਨਜ਼ਰ ਸੋਮਵਾਰ ਨੂੰ ਹੋਣ ਵਾਲੀ ਕਾਰਵਾਈ ’ਤੇ ਸਭ ਦੀਆਂ ਨਜ਼ਰਾਂ ਹਨ। ਦਰਅਸਲ ਪਿਛਲੇ ਹਫ਼ਤੇ ਪੈਗਾਸਸ ਜਾਸੂਸੀ ਕਾਂਡ ਤੇ ਖੇਤੀ ਕਾਨੂੰਨਾਂ ਦੇ ਵਿਰੋਧੀ ਅੰਦੋਲਨ ਸਮੇਤ ਹੋਰ ਮੁੱਦਿਆਂ ਨੂੰ ਲੈ ਕੇ ਵਿਰੋਧੀਆਂ ਦੇ ਹੰਗਾਮੇ ਕਾਰਨ ਸੰਸਦ ਚੱਲ ਨਹੀਂ ਸਕੀ। ਸਿਰਫ਼ ਰਾਜਸਭਾ ’ਚ ਸਿਰਫ਼ ਇਕ ਦਿਨ ਕੁਝ ਘੰਟਿਆਂ ਲਈ ਬਹਿਸ ਹੋਈ। ਦੱਸਣਯੋਗ ਹੈ ਕਿ ਸੰਸਦ ਦਾ ਮੌਨਸੂਨ ਸੈਸ਼ਨ 19 ਜੁਲਾਈ ਤੋਂ ਸ਼ੁਰੂ ਹੋਇਆ ਹੈ ਤੇ 13 ਅਗਸਤ ਨੂੰ ਸਮਾਪਤ ਹੋਵੇਗਾ।
ਜਾਣੋ ਪਲ-ਪਲ ਦੇ ਅਪਡੇਟਜ਼
– ਖੇਤੀ ਕਾਨੂੰਨਾਂ ਨੂੰ ਲੈ ਕੇ ਵਿਰੋਧ ਜਤਾਉਂਦੇ ਹੋਏ ਆਗੂ ਰਾਹੁਲ ਗਾਂਧੀ ਟਰੈਕਟਰ ਚੱਲਾ ਕੇ ਸੰਸਦ ਭਵਨ ’ਚ ਪਹੁੰਚੇ। ਉਨ੍ਹਾਂ ਨੇ ਕਿਹਾ, ਕੇਂਦਰ ਸਰਕਾਰ ਨੂੰ ਨਵੇਂ ਖੇਤੀ ਕਾਨੂੰਨਾਂ ਨੂੰ ਵਾਪਸ ਲੈਣਾ ਪਵੇਗਾ। ਇਹ ਕਾਨੂੰਨ 2-3 ਵੱਡੇ ਉਦਯੋਗਪਤੀਆਂ ਲਈ ਹਨ। ਇਹ ਕਾਲੇ ਕਾਨੂੰਨ ਹਨ। ਮੈਂ ਕਿਸਾਨਾਂ ਦੇ ਸੰਦੇਸ਼ ਨੂੰ ਸੰਸਦ ਤਕ ਲੈ ਕੇ ਆਇਆ ਹਾਂ।
Delhi: Congress leader Rahul Gandhi drives a tractor to reach Parliament, in protest against the three farm laws pic.twitter.com/JJHbX5uS5L
— ANI (@ANI) July 26, 2021
ਡੀਐੱਮਕੇ ਸੰਸਦ ਮੈਂਬਰ Tiruchi Siva ਨੇ ਪੈਗਾਸਸ ਜਾਸੂਸੀ ਮਾਮਲੇ ’ਤੇ ਚਰਚਾ ਦੀ ਮੰਗ ਦੇ ਨਾਲ ਕਾਰਵਾਈ ਰੱਦ ਕਰਨ ਦੇ ਪ੍ਰਸਤਾਵ ਦਾ ਨੋਟਿਸ ਦਿੱਤਾ ਹੈ।
– ਰਾਜਸਭਾ ’ਚ ਵਿਰੋਧੀ ਦਲਾਂ ਦੇ ਆਗੂਆਂ ਨੇ ਸਦਨ ’ਚ ਵਿਰੋਧੀ ਆਗੂ ਮੱਲੀਕਾਰਜੁਨ ਖੜਗੇ ਦੇ ਸੰਸਦ ਸਥਿਤ ਦਫ਼ਤਰ ’ਚ ਬੈਠਕ ਕੀਤੀ ਬੈਠਕ ’ਚ ਸਦਨ ’ਚ ਚੁੱਕੇ ਗਏ ਮੁੱਦਿਆਂ ਦੀ ਸਿਆਸਤ ’ਤੇ ਚਰਚਾ ਕੀਤੀ ਗਈ।
– ਕਾਂਗਰਸ ਸੰਸਦ ਮੈਂਬਰ ਮਨੀਸ਼ ਤਿਵਾਰੀ ਤੇ ਮਨੀਕਮ ਟੈਗੋਰ (Manickam Tagore) ਨੇ ਕਥਿਤ ਸਰਕਾਰ ਦੁਆਰਾ ਪੈਗਾਸਸ ਸਪਾਈਵੇਅਰ ਦੇ ਇਸਤੇਮਾਲ ਦੇ ਮੁੱਦੇ ’ਤੇ ਚਰਚਾ ਲਈ ਲੋਕਸਭਾ ’ਚ ਮੁਲਤਵੀ ਪ੍ਰਸਤਾਵ ਦਾ ਨੋਟਿਸ ਦਿੱਤਾ ਹੈ।
ਸੰਸਦ ਦੀ ਕਾਰਜਵਾਈ ’ਚ 14 ਦਿਨਾਂ ’ਚ ਕਈ ਮੁੱਦਿਆਂ ’ਤੇ ਚਰਚਾ ਦਾ ਟੀਚਾ ਹੈ। ਇਸ ਹਫ਼ਤੇ ਫੈਕਟਰਿੰਗ ਰੈਗੂੁਲੇਸ਼ਨ ਬਿਲ (factoring regulation bill) ਤੇ ਨੈਸ਼ਨਲ ਇੰਸਟੀਚਿਊਟ ਆਫ ਫੂਡ ਟੈਕਨੋਲੋਜੀ (Institute of Food Technology), Entrepreneurship and Management Bills ’ਤੇ ਲੋਕਸਭਾ ਦੀ ਮਨਜ਼ੂਰੀ ਦੀ ਜ਼ਰੂਰਤ ਹੈ ਜੋ ਪਿਛਲੇ ਹਫ਼ਤੇ ਪੈਗਾਸਸ ਜਾਸੂਸੀ ਪ੍ਰਕਰਣ, ਬਾਲਣ ਭਾਵ ਤੇਲ ਦੀਆਂ ਕੀਮਤਾਂ ’ਚ ਵਧਾ ਤੇ ਖੇਤੀ ਕਾਨੂੰਨਾਂ ’ਤੇ ਹੰਗਾਮੇ ਦੇ ਕਾਰਨ ਪਾਸ ਨਹੀਂ ਹੋ ਸਕੇ।
