ਪੰਜਾਬੀ ਆ ਗਏ ਓਏ…! ਪੰਜਾਬ ਅੱਗੇ ਲਖਨਊ ਨੇ ਵੀ ਟੇਕੇ ਗੋਡੇ, ਦਰਜ ਕੀਤੀ ਸੀਰੀਜ਼ ਦੀ 5ਵੀਂ ਜਿੱਤ
ਪਟਿਆਲਾ : ਡਾਕਘਰ ‘ਚ ਪੋਸਟਮੈਨ ਵਜੋਂ ਨੌਕਰੀ ਕੀਤੀ ਤੇ ਜੱਦੀ ਜ਼ਮੀਨ ਵੀ ਸੀ। ਕਰੋੜਾਂ ਰੁਪਏ ਦੀ ਜਾਇਦਾਦ ਤੇ ਰੁਪਏ ਹੋਣ ਕਰਕੇ ਆਪਣਾ ਪਰਿਵਾਰ ਤੇ ਭਤੀਜੇ ਸੇਵਾਮੁਕਤੀ ਤਕ ਸੇਵਾ ਕਰਦੇ ਰਹੇ ਪਰ ਜਿਵੇਂ ਹੀ ਜਾਇਦਾਦ ਉਨ੍ਹਾਂ ਦੇ ਹੱਥ ਆਈ ਤਾਂ ਬਜ਼ੁਰਗ ਨੂੰ ਘਰੋਂ ਬਾਹਰ ਕਰ ਦਿੱਤਾ। 66 ਸਾਲਾ ਰਤਨ ਸਿੰਘ ਕਰੀਬ ਤਿੰਨ ਸਾਲ ਗੁਰੂਦੁਆਰਾ ਸਾਹਿਬ ਤੇ ਸੜਕਾਂ ’ਤੇ ਭਟਕਣ ਤੋਂ ਬਾਅਦ ਬਿਰਧ ਆਸ਼ਰਮ ਪਹੁੰਚ ਗਏ ਪਰ ਇਕੱਲਾਪਣ ਤੇ ਆਪਣਿਆਂ ਤੋਂ ਮਿਲੇ ਧੋਖੇ ਕਾਰਨ ਮਾਨਸਿਕ ਤੌਰ ‘ਤੇ ਪਰੇਸ਼ਾਨ ਰਹਿਣ ਲੱਗੇ ਤੇ ਸੁਸਾਈਡ ਨੋਟ ਲਿਖ ਕੇ 27 ਜੁਲਾਈ ਨੂੰ ਫਾਹਾ ਲੈ ਕੇ ਖੁਦਕੁਸ਼ੀ ਕਰ ਲਈ। ਥਾਣਾ ਤ੍ਰਿਪਤੀ ਪੁਲਿਸ ਨੇ ਮ੍ਰਿਤਕ ਦੇ ਛੋਟੇ ਭਰਾ ਹਰਮੇਸ਼ ਸਿੰਘ ਵਾਸੀ ਪਿੰਡ ਧਰਮਗੜ੍ਹ ਦੀ ਸ਼ਿਕਾਇਤ ’ਤੇ ਮ੍ਰਿਤਕ ਦੇ ਪੁੱਤਰ ਹਰਚਰਨ ਸਿੰਘ, ਨੂੰਹ ਮੰਜੂ ਰਾਣੀ, ਪਤਨੀ ਸੁਰਜੀਤ ਕੌਰ ਵਾਸੀ ਪਿੰਡ ਧਰਮਗੜ੍ਹ, ਭਤੀਜਾ ਦਵਿੰਦਰ ਸਿੰਘ, ਰਵਿੰਦਰ ਸਿੰਘ ਅਤੇ ਰਵਿੰਦਰ ਦੀ ਮਾਤਾ ਸੁਨਹਾਰੀ ਦੇਵੀ ਵਾਸੀ ਲੁਧਿਆਣਾ, ਪ੍ਰਾਪਰਟੀ ਡੀਲਰ ਬਚਿੱਤਰ ਸਿੰਘ ਨਿਵਾਸੀ ਪਿੰਡ ਪੱਤੋ ਜ਼ਿਲ੍ਹਾ ਮੁਹਾਲੀ, ਦਵਿੰਦਰ ਸਿੰਘ ਨਿਵਾਸੀ ਪਿੰਡ ਬਾਲਟਾਨਾ ਜ਼ਿਲ੍ਹਾ ਮੁਹਾਲੀ ਅਤੇ ਜ਼ਮੀਨੀ ਖਰੀਦਦਾਰ ਕਰਤਾਰ ਸਿੰਘ, ਇੰਦਰ ਕੁਮਾਰ ਵਾਸੀ ਜ਼ਿਲ੍ਹਾ ਕੁਰੂਕਸ਼ੇਤਰ ਖ਼ਿਲਾਫ ਮਾਮਲਾ ਦਰਜ ਕੀਤਾ ਹੈ।
