ਜਲੰਧਰ : ਮਹਿੰਗਾਈ ਦੇ ਦੌਰ ‘ਚ ਲੌਕੀ ਖਾ ਕੇ ਗੁਜਾਰਾ ਕਰਦੇ ਹਨ… ਇਹ ਗੱਲ ਹੁਣ ਬੇਮਾਨੀ ਹੋ ਗਈ ਹੈ। ਕਾਰਨ, ਕਦੇ ਸਬਜ਼ੀਆਂ ‘ਚ ਸਭ ਤੋਂ ਸਸਤੀ ਗਿਣੀ ਜਾਂਦੀ ਲੌਕੀ ਦੀਆਂ ਕੀਮਤਾਂ ਇਨ੍ਹਾਂ ਦਿਨਾਂ ਜਲੰਧਰ ‘ਚ 80 ਰੁਪਏ ਪ੍ਰਤੀ ਕਿਲੋ ਤਕ ਪਹੁੰਚ ਗਈਆਂ ਹਨ। ਵਪਾਰੀਆਂ ਦੀ ਮੰਨੀਏ ਤਾਂ ਆਉਣ ਵਾਲੇ ਦਿਨਾਂ ‘ਚ ਲੌਕੀ ਦੀ ਕੀਮਤ ਸੈਂਚੁਰੀ ਵੀ ਮਾਰ ਸਕਦੀਆਂ ਹਨ।
ਦਰਅਸਲ, ਦਾਲਾਂ ਦੀਆਂ ਕੀਮਤਾਂ ਤੇ ਸਬਜ਼ੀਆਂ ਦੀ ਕੀਮਤਾਂ ‘ਚ ਲਗਾਤਾਰ ਇਜਾਫ਼ਾ ਹੁੰਦਾ ਜਾ ਰਿਹਾ ਹੈ। ਅਜੇ ਤਕ ਸਸਤੀ ਸਬਜ਼ੀਆਂ ‘ਚ ਗਿਣੀ ਜਾਂਦੀ ਲੌਕੀ ਦੀ ਕੀਮਤ ਵੀ ਅਸਮਾਨ ਛੂਣ ਲੱਗੇ ਹਨ। ਜੁਲਾਈ ਮਹੀਨੇ ‘ਚ 30 ਰੁਪਏ ਪ੍ਰਤੀ ਕਿੱਲੋ ਤਕ ਵਿਕ ਰਹੀ ਲੌਕੀ ਦੀ ਕੀਮਤ ਵਧ ਕੇ ਇਨ੍ਹਾਂ ਦਿਨਾਂ 80 ਰੁਪਏ ਤਕ ਪਹੁੰਚ ਚੁੱਕੀਆਂ ਹਨ। ਹਾਲਾਂਕਿ ਇਸ ਲਈ ਲੋਕਲ ਮਾਲ ਦੀ ਕੀਮਤ ਘੱਟ ਹੋਣ ਦਾ ਕਾਰਨ ਦੱਸਿਆ ਜਾ ਰਿਹਾ ਹੈ ਪਰ ਮੌਜੂਦਾ ਕੀਮਤਾਂ ਦੇ ਚੱਲਦਿਆਂ ਸਿਰਫ਼ ਹੇਠਲਾ ਹੀ ਨਹੀਂ ਬਲਕਿ ਮੱਧਮ ਵਰਗ ਦੀ ਪਹੁੰਚ ਤੋਂ ਵੀ ਲੌਕੀ ਦੂਰ ਹੋ ਗਈ ਹੈ।
ਤਾਈਵਾਨ ਤੋਂ ਮੰਗਵਾ ਰਹੇ ਵਪਾਰੀ
ਇਸ ਬਾਰੇ ‘ਚ ਮਕਸੂਦਾਂ ਸਥਿਤ ਥੋਕ ਸਬਜ਼ੀ ਮੰਡੀ ਦੇ ਕਾਰੋਬਾਰੀ ਵਿਜੈ ਕੁਮਾਰ ਦੱਸਦੇ ਹਨ ਕਿ ਗਰਮੀ ਦੇ ਸੀਜ਼ਨ ‘ਚ ਲੌਕੀ ਦੀ ਮੰਗ ‘ਚ ਇਜਾਫ਼ਾ ਹੋ ਜਾਂਦਾ ਹੈ। ਲੋਕਲ ਫਸਲ ਇਨ੍ਹਾਂ ਦਿਨੀਂ ਨਹੀਂ ਆ ਰਹੀ। ਅਜਿਹੇ ‘ਚ ਦਿੱਲੀ ਤੇ ਚੰਡੀਗੜ੍ਹ ਦੇ ਵਪਾਰੀ ਤਾਈਵਾਨ ਤੋਂ ਲੌਕੀ ਮੰਗਵਾ ਰਹੇ ਹਨ। ਇਹੀ ਕਾਰਨ ਹੈ ਕਿ ਆਵਾਜਾਈ ਤੇ ਹੋਰ ਖਰਚੇ ਪੈਣ ਤੋਂ ਬਾਅਦ ਕੀਮਤਾਂ ‘ਚ ਕਿੰਨਾ ਇਜਾਫ਼ਾ ਹੋ ਗਿਆ ਹੈ।
ਸੈਂਚੁਰੀ ਤਕ ਪਹੁੰਚ ਸਕਦੀਆਂ ਹਨ ਕੀਮਤਾਂ
ਮੰਡੀ ਦੇ ਥੋਕ ਕਾਰੋਬਾਰੀ ਜਸਪਾਲ ਸਿੰਘ ਮੁਤਾਬਿਕ ਰਿਟੇਲ ‘ਚ 80 ਰੁਪਏ ਪ੍ਰਤੀ ਕਿੱਲੋ ਲੌਕੀ ਵੇਚਣ ਤੋਂ ਬਾਅਦ ਵੀ ਖਾਸਾ ਮਾਰਜਿਨ ਨਹੀਂ ਹੁੰਦਾ। ਕਾਰਨ ਗਰਮੀ ਦੇ ਸੀਜ਼ਨ ‘ਚ ਲੌਕੀ ਦੀ ਕਵਾਲਟੀ ਜ਼ਿਆਦਾ ਦਿਨ ਤਕ ਨਹੀਂ ਬਣੀ ਰਹਿ ਸਕਦੀ। ਜਿਸ ਦੇ ਚੱਲ਼ਦਿਆਂ 2 ਦਿਨ ਬਾਅਦ ਇਹ ਖਰਾਬ ਹੋਣੀ ਸ਼ੁਰੂ ਹੋ ਜਾਂਦੀ ਹੈ। ਜਿਸ ਦਾ ਨੁਕਸਾਨ ਵੀ ਵਪਾਰੀਆਂ ਨੂੰ ਝੇਲਣਾ ਪੈਂਦਾ ਹੈ। ਉਨ੍ਹਾਂ ਕਿਹਾ ਕਿ ਜੇ ਦਿੱਲੀ ਤੇ ਚੰਡੀਗੜ੍ਹ ਤੋਂ ਆ ਰਹੀ ਲੌਕੀ ਦੀਆਂ ਕੀਮਤਾਂ ‘ਚ ਗਿਰਾਵਟ ਨਾ ਹੋਈ ਤਾਂ ਆਉਣ ਵਾਲੇ ਦਿਨਾਂ ‘ਚ ਇਸ ਦੀਆਂ ਕੀਮਤਾਂ 100 ਰੁਪਏ ਪ੍ਰਤੀ ਕਿੱਲੋ ਤਕ ਪਹੁੰਚਣੀਆਂ ਤੈਅ ਹੈ।
