ਪੰਜਾਬੀ ਆ ਗਏ ਓਏ…! ਪੰਜਾਬ ਅੱਗੇ ਲਖਨਊ ਨੇ ਵੀ ਟੇਕੇ ਗੋਡੇ, ਦਰਜ ਕੀਤੀ ਸੀਰੀਜ਼ ਦੀ 5ਵੀਂ ਜਿੱਤ
ਲੁਧਿਆਣਾ : ਹੈਬੋਵਾਲ ਦੇ ਪਵਿੱਤਰ ਨਗਰ ਇਲਾਕੇ ‘ਚ ਮੰਗਲਵਾਰ ਸਵੇਰੇ ਉਸ ਵੇਲੇ ਗੋਲ਼ੀਆਂ ਚੱਲਣ ਦੀ ਆਵਾਜ਼ ਨਾਲ ਦਹਿਸ਼ਤ ਦਾ ਮਾਹੌਲ ਬਣ ਗਿਆ ਜਦੋਂ ਵਿਅਕਤੀ ਨੇ ਪਰਿਵਾਰਕ ਕਲੇਸ਼ ਕਾਰਨ ਪਹਿਲਾਂ ਆਪਣੀ ਪਤਨੀ ਤੇ ਫਿਰ ਸੱਸ ਨੂੰ ਗੋਲ਼ੀਆਂ ਮਾਰ ਦਿੱਤੀਆਂ। ਵਾਰਦਾਤ ਤੋਂ ਬਾਅਦ ਮੁਲਜ਼ਮ ਮੌਕੇ ਤੋਂ ਫ਼ਰਾਰ ਹੋ ਗਿਆ। ਗੰਭੀਰ ਅਵਸਥਾ ‘ਚ ਇਲਾਜ ਲਈ ਦੋਵਾਂ ਨੂੰ ਡੀਐੱਮਸੀ ਦੇ ਹਸਪਤਾਲ ‘ਚ ਦਾਖ਼ਲ ਕਰਵਾਇਆ ਗਿਆ ਜਿੱਥੇ ਡਾਕਟਰਾਂ ਦੀ ਟੀਮ ਉਨ੍ਹਾਂ ਦੇ ਆਪ੍ਰੇਸ਼ਨ ਕਰਨ ਵਿਚ ਜੁਟੀ ਹੋਈ ਹੈ। ਦੋਵਾਂ ਦੀ ਪਛਾਣ ਸ਼ਿਵਾਨੀ ਤੇ ਉਸ ਦੀ ਮਾਂ ਵੰਦਨਾ ਦੇ ਰੂਪ ‘ਚ ਹੋਈ ਹੈ।
ਮੁਲਜ਼ਮ ਸ਼ਿਵਾਨੀ ਦਾ ਪਤੀ ਜਸਵਿੰਦਰ ਹੈ। ਘਟਨਾ ਦਾ ਪਤਾ ਚੱਲਦੇ ਹੀ ਪੁਲਿਸ ਦੇ ਉੱਚ ਅਧਿਕਾਰੀ ਪੁਲਿਸ ਤੇ ਮਾਹਿਰ ਟੀਮਾਂ ਨੂੰ ਲੈ ਕੇ ਮੌਕੇ ‘ਤੇ ਪਹੁੰਚੇ ਅਤੇ ਖੋਜਬੀਣ ‘ਚ ਜੁਟ ਗਏ। ਮੁਲਜ਼ਮ ਦੀ ਤਲਾਸ਼ ‘ਚ ਉਸ ਦੇ ਟਿਕਾਣਿਆਂ ‘ਤੇ ਪੁਲਿਸ ਵੱਲੋਂ ਛਾਪੇਮਾਰੀ ਜਾਰੀ ਹੈ। ਘਟਨਾ ਮੰਗਲਵਾਰ ਸਵੇਰੇ ਕਰੀਬ 5.30 ਵਜੇ ਦੀ ਹੈ। ਘਰ ਵਿਚ ਹੋਈ ਤਕਰਾਰ ਤੋਂ ਬਾਅਦ ਜਸਵਿੰਦਰ ਨੇ ਪਹਿਲਾਂ ਆਪਣੇ ਪਤਨੀ ਸ਼ਿਵਾਨੀ ਦੇ ਮੂੰਹ ‘ਚ ਗੋਲ਼ੀ ਮਾਰ ਦਿੱਤੀ। ਉਸ ਤੋਂ ਬਾਅਦ ਉਹ ਗੁੱਸੇ ਵਿਚ ਤਿਲਮਿਲਾਉਂਦਾ ਹੋਇਆ ਨੇੜੇ ਹੀ ਬੱਕਰੀ ਦੇ ਸਾਮਾਨ ਦਾ ਖੋਖਾ ਲਗਾਉਣ ਵਾਲੀ ਆਪਣੀ ਸੱਸ ਕੋਲ ਪਹੁੰਚ ਗਿਆ। ਉਸ ਵੇਲੇ ਵੰਦਨਾ ਦੁਕਾਨ ਖੋਲ੍ਹ ਰਹੀ ਸੀ।
ਮੁਲਜ਼ਮ ਨੇ ਪਿੱਛਿਓਂ ਸੱਸ ‘ਤੇ ਗੋਲ਼ੀ ਦਾਗ ਦਿੱਤੀ ਜੋ ਉਸ ਦੀ ਪਿੱਠ ਵਿਚ ਲੱਗੀ। ਦੱਸਿਆ ਜਾ ਰਿਹਾ ਹੈ ਕਿ ਮੁਲਜ਼ਮ ਪਹਿਲਾਂ ਇਕ ਕਾਲਜ ‘ਚ ਲੈਕਚਰਾਰ ਸੀ। ਪਰ ਅੱਜਕਲ੍ਹ ਬੇਕਾਰ ਸੀ। ਪੁਲਿਸ ਘਟਨਾ ਵਾਲੀ ਥਾਂ ‘ਤੇ ਲੱਗੇ ਸੀਸੀਟੀਵੀ ਕੈਮਰਾ ਦੀ ਫੁਟੇਜ ਖੰਗਾਲਣ ਸਮੇਤ ਉਸ ਦੀ ਤਲਾਸ਼ ਵਿਚ ਜੁਟ ਗਈ ਹੈ। ਹਾਲੇ ਇਸ ਗੱਲ ਦਾ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਵਾਰਦਾਤ ‘ਚ ਇਸਤੇਮਾਲ ਕੀਤੀ ਗਈ ਪਿਸਤੌਲ ਲਾਇਸੈਂਸਸ਼ੁਦਾ ਹੈ ਜਾਂ ਫਿਰ ਗ਼ੈਰ-ਕਾਨੂੰਨੀ।
