ਪੰਜਾਬੀ ਆ ਗਏ ਓਏ…! ਪੰਜਾਬ ਅੱਗੇ ਲਖਨਊ ਨੇ ਵੀ ਟੇਕੇ ਗੋਡੇ, ਦਰਜ ਕੀਤੀ ਸੀਰੀਜ਼ ਦੀ 5ਵੀਂ ਜਿੱਤ
ਲੁਧਿਆਣਾ : ਰੈਸਟੋਰੈਂਟ ਦੇ ਮੈਨੇਜਰ ਵੱਲੋਂ 16 ਸਾਲ ਦੀ ਵਿਦਿਆਰਥਣ ਨਾਲ ਜਬਰ ਜਨਾਹ ਕਰਨ ਦੀ ਸ਼ਰਮਨਾਕ ਘਟਨਾ ਸਾਹਮਣੇ ਆਈ ਹੈ । ਇਸ ਮਾਮਲੇ ਵਿਚ ਥਾਣਾ ਡਵੀਜ਼ਨ ਨੰਬਰ ਅੱਠ ਦੀ ਪੁਲਿਸ ਨੇ ਬਸੰਤ ਰਿਜ਼ਾਰਟ ਦੇ ਮੈਨੇਜਰ ਦੀਪਕ ਕੁਮਾਰ ਦੇ ਖਿਲਾਫ ਮੁਕੱਦਮਾ ਦਰਜ ਕਰ ਲਿਆ ਹੈ ।ਥਾਣਾ ਡਵੀਜ਼ਨ ਨੰਬਰ ਅੱਠ ਦੀ ਪੁਲਿਸ ਨੂੰ ਜਾਣਕਾਰੀ ਦਿੰਦਿਆਂ ਪੀੜਤ ਵਿਦਿਆਰਥਣ ਨੇ ਦੱਸਿਆ ਕਿ ਉਹ ਕੁਝ ਦਿਨ ਪਹਿਲੋਂ ਫੁਹਾਰਾ ਚੌਕ ਵਿੱਚ ਪੈਂਦੇ ਬਸੰਤ ਰੈਸਟੋਰੈਂਟ ਵਿਚ ਖਾਣਾ ਖਾਣ ਲਈ ਗਈ ਸੀ । ਰੈਸਟੋਰੈਂਟ ਵਿਚ ਉਸ ਨੂੰ ਰਿਜ਼ਾਰਟ ਦਾ ਮੈਨੇਜਰ ਦੀਪਕ ਕੁਮਾਰ ਮਿਲਿਆ । ਗੱਲਾਂ ਵਿਚ ਲਗਾ ਕੇ ਦੀਪਕ ਨੇ ਵਿਦਿਆਰਥਣ ਦਾ ਮੋਬਾਇਲ ਨੰਬਰ ਲੈ ਲਿਆ । ਉਸ ਸ਼ਾਮ ਤੋਂ ਬਾਅਦ ਦੀਪਕ ਲਗਾਤਾਰ ਲੜਕੀ ਨਾਲ ਵ੍ਹੱਟਸਐਪ ਤੇ ਸੰਪਰਕ ਕਰਦਾ ਰਿਹਾ । ਗੱਲਾਂ ਵਿਚ ਲਗਾ ਕੇ ਦੀਪਕ ਲੜਕੀ ਨੂੰ ਮਾਲ ਰੋਡ ਤੇ ਪੈਂਦੇ ਹੋਟਲ ਸਿਲਵਰ ਹੱਜ ਵਿਚ ਲੈ ਗਿਆ। ਕਮਰੇ ਵਿੱਚ ਜਾਣ ਤੋਂ ਬਾਅਦ ਮੁਲਜ਼ਮ ਨੇ ਸਭ ਤੋਂ ਪਹਿਲੋਂ ਲੜਕੀ ਤੇ ਵ੍ਹੱਟਸਐਪ ਮੈਸੇਜ ਡਿਲੀਟ ਕੀਤੇ ਅਤੇ ਉਸ ਦੀ ਆਬਰੂ ਲੁੱਟ ਲਈ । ਮੁਲਜ਼ਮ ਨੇ ਇਸ ਸਬੰਧੀ ਕਿਸੇ ਨੂੰ ਨਾ ਦੱਸਣ ਦੀ ਗੱਲ ਆਖ ਕੇ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦਿੱਤੀਆਂ । ਇਸ ਮਾਮਲੇ ਵਿੱਚ ਥਾਣਾ ਡਵੀਜ਼ਨ ਨੰਬਰ ਅੱਠ ਦੇ ਸਬ ਇੰਸਪੈਕਟਰ ਵਿਸਾਖਾ ਸਿੰਘ ਦਾ ਕਹਿਣਾ ਹੈ ਕਿ ਪੁਲਿਸ ਬਸੰਤ ਰਿਜ਼ਾਰਟ ਦੇ ਮੈਨੇਜਰ ਦੀਪਕ ਦੇ ਖਿਲਾਫ ਮੁਕੱਦਮਾ ਦਰਜ ਕਰਕੇ ਉਸਦੀ ਤਲਾਸ਼ ਸ਼ੁਰੂ ਕਰ ਦਿੱਤੀ ਹੈ ।
