ਪੰਜਾਬੀ ਆ ਗਏ ਓਏ…! ਪੰਜਾਬ ਅੱਗੇ ਲਖਨਊ ਨੇ ਵੀ ਟੇਕੇ ਗੋਡੇ, ਦਰਜ ਕੀਤੀ ਸੀਰੀਜ਼ ਦੀ 5ਵੀਂ ਜਿੱਤ
ਫਿਰੋਜ਼ਪੁਰ : ਇਕ ਪਾਸੇ 15 ਅਗਸਤ ਦੇ ਮੁੱਦੇਨਜ਼ਰ ਪੁਲਿਸ ਸਖ਼ਤ ਸੁਰੱਖਿਆ ਪ੍ਰਬੰਧਾਂ ਦੇ ਦਾਅਵੇ ਠੋਕ ਰਹੀ ਹੈ, ਠੀਕ ਉਸੇ ਵੇਲੇ ਸ਼ਹਿਰ ਦੇ ਪੌਸ਼ ਇਲਾਕੇ ਇੱਛੇਵਾਲਾ ਰੋਡ ‘ਤੇ ਹਥਿਆਰਾਂ ਨਾਲ ਲੈਸ ਮੋਟਰਸਾਈਕਲ ਸਵਾਰ ਦੋ ਬਦਮਾਸ਼ ਇਕ ਦੁਕਾਨਦਾਰ ਤੋਂ ਨਕਦੀ ਖੋਹ ਕੇ ਲੈ ਗਏ ਹੈਰਾਨੀ ਦੀ ਉਸ ਵੇਲੇ ਹੱਦ ਨਾ ਰਹੀ ਜਦੋਂ ਪੁਲਿਸ ਕੰਟਰੋਲ ਰੂਮ ਦਾ ਨੰਬਰ ਮਿਲ ਨਹੀਂ ਰਿਹਾ ਸੀ ਅਤੇ ਥਾਣਾ ਸਿਟੀ ਦਾ ਨੰਬਰ 4 ਰਈਆ ਦੇ ਬਾਅਦ ਚੁੱਕਿਆ ਗਿਆ।
ਘਟਨਾ ਸਵੇਰੇ ਛੇ ਵੱਜ ਕੇ ਪੈਂਤੀ ਮਿੰਟ ਦੀ ਦੱਸੀ ਜਾ ਰਹੀ ਹੈ ਜਦੋਂ ਆਜ਼ਾਦ ਕਰਿਆਨਾ ਅਤੇ ਡਿਪਾਰਟਮੈਂਟਲ ਸਟੋਰ ਦੇ ਮਾਲਕ ਰਿੰਕੂ ਚਾਵਲਾ ਤੇ ਉਨ੍ਹਾਂ ਦੇ ਪਿਤਾ ਜੀ ਲੋੜੀਂਦਾ ਸਾਮਾਨ ਮੰਗਵਾਉਣ ਲਈ ਪੈਸੇ ਗਿਣ ਰਹੇ ਸਨ। ਇਸ ਦੌਰਾਨ ਇਕ ਪਿਸਤੌਲ ਲੈ ਕੇ ਦੋ ਲੁਟੇਰੇ ਦੁਕਾਨ ਵਿੱਚ ਆਏ। ਪਿਸਤੌਲ ਵਿਖਾ ਕੇ ਕੈਸ਼ ਖੋਹ ਲਿਆ। ਪਹਿਲਾਂ ਤਾਂ ਦੁਕਾਨਦਾਰ ਨੂੰ ਸਮਝ ਹੀ ਨਹੀਂ ਆਈ ਪਰ ਜਦੋਂ ਪਿਸਤੌਲ ਵੇਖਿਆ ਤਾਂ ਉਨ੍ਹਾਂ ਚੁੱਪਚਾਪ ਸਾਰਾ ਕੈਸ਼ ਲੁਟੇਰਿਆਂ ਹਵਾਲੇ ਕਰ ਦਿੱਤਾ। ਇਸ ਸਬੰਧੀ ਮੌਕੇ ‘ਤੇ ਪਹੁੰਚ ਕੇ ਵੇਖਿਆ ਤਾਂ ਦੁਕਾਨਦਾਰ ਵੱਲੋਂ ਸੌ ਨੰਬਰ ਤੇ ਥਾਣਾ ਸਿਟੀ ਪੁਲਿਸ ਦੇ ਲੈਂਡਲਾਈਨ ਨੰਬਰ ‘ਤੇ ਫੋਨ ਮਿਲਾਇਆ ਜਾ ਰਿਹਾ ਸੀ। ਕਾਫੀ ਜੱਦੋਜਹਿਦ ਤੋਂ ਬਾਅਦ ਥਾਣਾ ਸਿਟੀ ਦਾ ਨੰਬਰ ਮਿਲਿਆ। ਮੌਕੇ ‘ਤੇ ਪਹੁੰਚੇ ਪੁਲਿਸ ਅਧਿਕਾਰੀਆਂ ਵੱਲੋਂ ਤਫਤੀਸ਼ ਕੀਤੀ ਜਾ ਰਹੀ ਸੀ। ਇਸ ਮੌਕੇ ਦੁਕਾਨਦਾਰ ਸੰਜੀਵ ਚਾਵਲਾ ਅਤੇ ਰਿੰਕੂ ਚਾਵਲਾ ਨੇ ਦੱਸਿਆ ਕਿ ਸਵੇਰ ਦਾ ਸਮਾਂ ਹੋਣ ਕਾਰਨ ਕੈਸ਼ ਪਈ ਜਗ੍ਹਾ ਨਹੀਂ ਸੀ ਇਸ ਮੌਕੇ ਲੁਟੇਰੇ 1940 ਚਾਲੀ ਰੁਪਏ ਖੋਹ ਕੇ ਲੈ ਗਏ ਹਨ।ਜ਼ਿਕਰਯੋਗ ਹੈ ਕਿ ਇਨ੍ਹਾਂ ਦਿਨਾਂ ਵਿੱਚ ਫਿਰੋਜ਼ਪੁਰ ਦਾ ਲਗਪਗ ਬੱਚਾ ਬੱਚਾ ਨਾਜਾਇਜ਼ ਪਿਸਤੌਲਾਂ ਅਤੇ ਅਸਲਾ ਚੁੱਕੀ ਫਿਰਦਾ ਹੈ,ਪਰ ਥਾਣਾ ਸਿਟੀ ਪੁਲਿਸ ਵੱਲੋਂ ਮਾੜੇ ਅਨਸਰਾਂ ‘ਤੇ ਲਗਾਤਾਰ ਕੀਤੀ ਜਾ ਰਹੀ ਨਜ਼ਰੇ ਇਨਾਇਤ ਦੇ ਚੱਲਦਿਆਂ ਨਿੱਤ ਦਿਨ ਵਾਰਦਾਤਾਂ ਹੋ ਰਹੀਆਂ ਹਨ
