ਚੰਡੀਗੜ੍ਹ : ਵਾਇਸ ਆਫ਼ ਪੰਜਾਬ ਛੋਟਾ ਚੈਂਪ ! ਪੀਟੀਸੀ ਦਾ ਸਭ ਤੋਂ ਪਸੰਦੀਦਾ ਸ਼ੋਅ 23 ਅਗਸਤ ਤੋਂ ਆਪਣੇ ਨਵੇਂ ਸੀਜ਼ਨ ਨਾਲ ਪੀਟੀਸੀ ਪੰਜਾਬੀ ’ਤੇ ਪ੍ਰਸਾਰਿਤ ਹੋਣ ਜਾ ਰਿਹਾ ਹੈ
ਪੀਟੀਸੀ ਪੰਜਾਬੀ ਦੀ ਬਦੌਲਤ ਕੋਵਿਡ ਮਹਾਮਾਰੀ ਪੰਜਾਬ ਦੇ ਉਨ੍ਹਾਂ ਛੋਟੇ ਬੱਚਿਆਂ ਲਈ ਵਰਦਾਨ ਬਣ ਗਈ ਹੈ ਜੋ ਸਿੰਗਿੰਗ ਸੁਪਰਸਟਾਰ ਬਣਨਾ ਚਾਹੁੰਦੇ ਹਨ। ਵਾਇਸ ਆਫ਼ ਪੰਜਾਬ ਛੋਟਾ ਚੈਂਪ ਸੀਜ਼ਨ 7 ਨੇ ਉਨ੍ਹਾਂ ਨੂੰ ਆਪਣੇ ਘਰਾਂ ਤੋਂ ਹੀ ਆਨ-ਲਾਈਨ ਆਡੀਸ਼ਨ ਦੇਣ ਦੀ ਸਹੂਲਤ ਦਿੱਤੀ ਤੇ ਇਹ ਸੁਪਰਸਟਾਰਡਮ ਦਾ ਸਫਰ ਇਸੇ ਸੋਮਵਾਰ ਤੋਂ ਸ਼ੁਰੂ ਹੋ ਰਿਹਾ ਹੈ।
ਵਾਇਸ ਆਫ ਪੰਜਾਬ ਛੋਟਾ ਚੈਂਪ, ਆਪਣੇ ਇਸ ਨਵੇਂ ਸੀਜਨ ਨਾਲ ਸ਼ੋਅ ਇਕ ਵਾਰ ਫਿਰ 8 ਤੋਂ 14 ਸਾਲ ਦੀ ਉਮਰ ਦੇ ਸਰਵਸ੍ਰੇਸ਼ਠ ਪੰਜਾਬੀ ਗਾਇਣ ਪ੍ਰਤਿਭਾਵਾਂ ਨੂੰ ਪਛਾਣ ਦਿਵਾਉਣ ਅਤੇ ਇਨ੍ਹਾਂ ਛੋਟੀ ਉਮਰ ਦੀਆਂ ਪ੍ਰਤਿਭਾਸ਼ਾਲੀ ਆਵਾਜ਼ਾਂ ਦੀ ਕਿਸਮਤ ਨੂੰ ਬਦਲਣ ਦੇ ਉਦੇਸ਼ ਨਾਲ ਆਪਣੇ ਦਰਸ਼ਕਾਂ ਦਰਮਿਆਨ ਆ ਰਿਹਾ ਹੈ। ਨੌਜਵਾਨ ਅਤੇ ਪ੍ਰਤਿਭਾਸ਼ਾਲੀ ਪੰਜਾਬੀ ਗਾਇਕਾਂ ਦੇ ਸਭ ਤੋਂ ਵੱਡੇ ਰਿਆਲਿਟੀ ਸ਼ੋਅ ਦਾ 7ਵਾਂ ਸੀਜਨ 23 ਅਗਸਤ, ਰਾਤ 8.30 ਵਜੇ ਤੋਂ ਦੁਨੀਆ ਦੇ ਨੰਬਰ 1 ਪੰਜਾਬੀ ਚੈਨਲ, ਪੀਟੀਸੀ ਪੰਜਾਬੀ ’ਤੇ ਪ੍ਰੀਮੀਅਰ ਲਈ ਤਿਆਰ ਹੈ।
ਅਫਸਾਨਾ ਖ਼ਾਨ, ਸਚਿਨ ਆਹੂਜਾ ਤੇ ਬੀਰ ਸਿੰਘ ਮੁੱਖ ਜੱਜ ਹਨ, ਉੱਥੇ ਮਿਸ ਪੂਜਾ, ਮੰਨਤ ਨੂਰ, ਜਸਬੀਰ ਜੱਸੀ, ਮਾਸਟਰ ਸਲੀਮ, ਕੰਵਰ ਗਰੇਵਾਲ, ਸਿੰਗਾ, ਆਰ ਨੈੱਟ, ਅਖਿਲ, ਖ਼ਾਨ ਸਾਬ, ਮਾਸ਼ਾ ਅਲੀ, ਕੁਲਵਿੰਦਰ ਬਿੱਲਾ, ਹੈਪੀ ਰਾਏਕੋਟੀ, ਰੂਪਿੰਦਰ ਹਾਂਡਾ, ਗੁਰਸ਼ਾਬਾਦ ਸਮੇਤ ਕਈ ਪੰਜਾਬੀ ਸੁਪਰਸਟਾਰ ਪੰਜਾਬ ਦੇ ਸਰਵਸ੍ਰੇਸ਼ਠ ਨੌਜਵਾਨ ਗਾਇਕ ਦੀ ਚੋਣ ਕਰਨ ਦੇ ਇਸ ਸਫਰ ਵਿਚ ਸ਼ੋਅ ਵਿਚ ਦਿਖਾਈ ਦੇਣਗੇ।
