ਵੱਡੀ ਖਬਰ: ਸੋਸ਼ਲ ਮੀਡੀਆ ਇੰਫਲੁਐਂਸਰ ਮੈਡ ਸੰਧੂ ਦਾ ਗੋਲੀਆਂ ਮਾਰ ਕੇ ਕਤਲ
ਲੁਧਿਆਣਾ : ਪਿੰਡ ਨੀਚੀ ਮੰਗਲੀ ’ਚ ਜੋੜੇ ਦਾ ਵਿਵਾਦ ਸੁਲਝਾਉਣ ਪਹੁੰਚੀ ਪੀਸੀਆਰ ਟੀਮ ’ਤੇ ਸ਼ਰਾਬ ਦੇ ਨਸ਼ੇ ’ਚ ਧੁੱਤ ਦੋ ਨੇਪਾਲੀਆਂ ਨੇ ਹਮਲਾ ਕਰ ਦਿੱਤਾ। ਦੋਸ਼ੀਆਂ ਨੇ ਏਐੱਸਆਈ ਦਾ ਡੰਡਾ ਚੁੱਕ ਕੇ ਉਸਨੂੰ ਹੀ ਕੁੱਟਣਾ ਸ਼ੁਰੂ ਕਰ ਦਿੱਤਾ। ਦੋਸ਼ੀਆਂ ਨੇ ਹੱਥੋਪਾਈ ਕਰਦੇ ਹੋਏ ਦੋਵਾਂ ਪੁਲਿਸ ਮੁਲਾਜ਼ਮਾਂ ਦੀ ਵਰਦੀ ਪਾੜ ਦਿੱਤੀ। ਮੌਕੇ ’ਤੇ ਪਹੁੰਚੀ ਪੀਸੀਆਰ ਟਵੇਰਾ ਨੇ ਉਨ੍ਹਾਂ ’ਚੋਂ ਇਕ ਦੋਸ਼ੀ ਨੂੰ ਕਾਬੂ ਕਰ ਲਿਆ ਜਦਕਿ ਉਸਦਾ ਸਾਥੀ ਫਰਾਰ ਹੋ ਗਿਆ। ਹੁਣ ਥਾਣਾ ਫੋਕਲ ਪੁਆਇੰਟ ਪੁਲਿਸ ਨੇ ਦੋਵਾਂ ਖ਼ਿਲਾਫ਼ ਕੇਸ ਦਰਜ ਕਰਕੇ ਫੜੇ ਗਏ ਦੋਸ਼ੀਆਂ ਨੂੰ ਅਦਾਲਤ ’ਚ ਪੇਸ਼ ਕੀਤਾ। ਜਿਥੋਂ ਉਨ੍ਹਾਂ ਨੂੰ ਨਿਆਂਇਕ ਹਿਰਾਸਤ ’ਚ ਜੇਲ੍ਹ ਭੇਜ ਦਿੱਤਾ ਗਿਆ।
ਏਐੱਸਆਈ ਅਵਤਾਰ ਸਿੰਘ ਨੇ ਦੱਸਿਆ ਕਿ ਉਸਦੀ ਪਛਾਣ ਇਲਾਕਾ ਨੀਚੀ ਮੰਗਲੀ ਸਥਿਤ ਗੁਰਪ੍ਰੀਤ ਪ੍ਰਧਾਨ ਦਾ ਵੇਹੜਾ ’ਚ ਰਹਿਣ ਵਾਲੇ ਜੀਤ ਬਹਾਦਰ ਦੇ ਰੂਪ ’ਚ ਹੋਈ ਜਦਕਿ ਰਾਕੇਸ਼ ਕੁਮਾਰ ਦੋ ਬੇਹੜਾ ’ਚ ਰਹਿਣ ਵਾਲੇ ਪ੍ਰਕਾਸ਼ ਸ਼ਾਹੀ ਦੀ ਪੁਲਿਸ ਨੂੰ ਤਲਾਸ਼ ਹੈ। ਪੁਲਿਸ ਨੇ ਏਐੱਸਆਈ ਜਰਨੈਲ ਸਿੰਘ ਦੀ ਸ਼ਿਕਾਇਤ ’ਤੇ ਉਨ੍ਹਾਂ ਖ਼ਿਲਾਫ਼ ਕੇਸ ਦਰਜ ਕੀਤਾ। ਆਪਣੇ ਬਿਆਨ ’ਚ ਉਸਨੇ ਦੱਸਿਆ ਕਿ ਪੀਸੀਆਰ ਮੋਟਰਸਾਈਕਲ ਨੰਬਰ 30 ’ਤੇ ਡਿਊਟੀ ਕਰਦਾ ਹੈ। 21 ਅਗਸਤ ਦੀ ਸ਼ਾਮ ਸੱਤ ਵਜੇ ਉਨ੍ਹਾਂ ਨੂੰ ਕੰਟਰੋਲ ਰੂਮ ਤੋਂ ਸੂਚਨਾ ਮਿਲੀ ਕਿ ਪਿੰਡ ਨੀਚੀ ਮੰਗਲੀ ’ਚ ਇਕ ਜੋੜੇ ਦਾ ਆਪਸ ’ਚ ਝਗੜਾ ਚੱਲ ਰਿਹਾ ਹੈ।
ਪਤਾ ਚੱਲਦਿਆਂ ਹੀ ਉਹ ਲੋਕ ਘਟਨਾ ਸਥਾਨ ’ਤੇ ਪਹੁੰਚੇ। ਉਥੇ ਪਹਿਲਾਂ ਤੋਂ ਨਸ਼ੇ ’ਚ ਧੁੱਤ ਖੜ੍ਹੇ ਦੋਵੇਂ ਆਪਸ ’ਚ ਝਗੜ ਰਹੇ ਸਨ। ਉਨ੍ਹਾਂ ਨੂੰ ਜਦੋਂ ਸਮਝਾਇਆ ਤਾਂ ਉਹ ਦੋਵੇਂ ਹੌਲਦਾਰ ਅਵਤਾਰ ਸਿੰਘ ਦੇ ਗਲੇ ਪੈ ਗਏ। ਜੀਤ ਬਹਾਦਰ ਨੇ ਮੋਟਰਸਾਈਕਲ ’ਤੇ ਰੱਖਿਆ ਡੰਡਾ ਚੁੱਕ ਕੇ ਜਰਨੈਲ ਸਿੰਘ ’ਤੇ ਹਮਲਾ ਕਰ ਦਿੱਤਾ। ਦੋਵੇਂ ਦੋਸ਼ੀਆਂ ਨੇ ਦੋਵਾਂ ਪੁਲਿਸ ਮੁਲਾਜ਼ਮਾਂ ਦੀਆਂ ਵਰਦੀਆਂ ਪਾੜ ਦਿੱਤੀਆਂ।
ਜਿਵੇਂ ਹੀ ਸੂਚਨਾ ਮਿਲੀ ਪੀਸੀਆਰ ਟਵੇਰਾ ਮੌਕੇ ’ਤੇ ਪਹੁੰਚੀ, ਪੁਲਿਸ ਦੀ ਟੀਮ ਨੂੰ ਦੇਖ ਕੇ ਜੀਤ ਬਹਾਦਰ ਆਪਣੇ ਕਮਰੇ ’ਚ ਭੱਜ ਗਿਆ। ਉਥੋਂ ਚਾਕੂ ਚੁੱਕ ਲਿਆਇਆ। ਬਾਹਰ ਆਉਂਦੇ ਹੀ ਉਸਨੇ ਧਮਕੀ ਦਿੰਦੇ ਹੋਏ ਕਿਹਾ ਕਿ ਜੇ ਕਿਸੇ ਨੇ ਉਸਨੂੰ ਹੱਥ ਲਗਾਇਆ ਤਾਂ ਉਹ ਆਪਣੀਆਂ ਨਸਾਂ ਕੱਟ ਲਵੇਗਾ। ਉਸਨੇ ਚਾਕੂ ਨਾਲ ਆਪਣੇ ਹੱਥ ’ਤੇ ਇਕ ਵਾਰ ਵੀ ਕੀਤਾ, ਜਿਸ ਨਾਲ ਉਹ ਕੱਟ ਗਿਆ। ਪਰ ਪੁਲਿਸ ਦੀ ਟੀਮ ਨੇ ਕਿਸੀ ਤਰ੍ਹਾਂ ਉਸ ’ਤੇ ਕਾਬੂ ਪਾ ਹੀ ਲਿਆ। ਉਸ ਘਟਨਾਕ੍ਰਮ ਦਾ ਫਾਇਦਾ ਚੁੱਕਦੇ ਹੋਏ ਪ੍ਰਕਾਸ਼ ਸ਼ਾਹੀ ਮੌਕੇ ਤੋਂ ਫ਼ਰਾਰ ਹੋ ਗਿਆ। ਪੁਲਿਸ ਉਸਦੀ ਤਲਾਸ਼ ’ਚ ਹੈ।
