ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਅੰਮਿ੍ਤਸਰ ਤੋਂ ਫ਼ਤਿਹਗੜ੍ਹ ਚੂੜੀਆਂ ਸੜਕ ਵਾਇਆ ਸੰਗਤਪੁਰਾ ਦੀ ਖ਼ਸਤਾ ਹਾਲਤ ਕਾਰਨ ਮੰਗਲਵਾਰ ਨੂੰ ਸੜਕ ਹਾਦਸੇ ‘ਚ ਨੌਜਵਾਨ ਦੀ ਮੌਤ ਹੋ ਗਈ। ਜਦੋਂ ਨੌਜਵਾਨ ਦੀ ਮੌਤ ਦੀ ਖ਼ਬਰ ਪਿੰਡ ਪੁੱਜੀ ਤਾਂ ਗੁਆਂਢੀ ਦੀ ਵੀ ਦਿਲ ਦਾ ਦੌਰਾ ਪੈਣ ਨਾਲ ਮੌਤ ਹੋ ਗਈ। ਪ੍ਰਰਾਪਤ ਜਾਣਕਾਰੀ ਅਨੁਸਾਰ ਹਰਪਾਲ ਸਿੰਘ (38) ਪੁੱਤਰ ਗੁਰਬਚਨ ਸਿੰਘ ਵਾਸੀ ਸੋਹੀਆਂ ਕਲਾਂ ਆਪਣੇ ਭਤੀਜੇ ਮੰਨਾ ਸਿੰਘ ਨਾਲ ਮੋਟਰਸਾਈਕਲ ‘ਤੇ ਘਰ ਤੋਂ ਨਿਕਲਿਆ ਹੀ ਸੀ। ਘਰ ਦੇ ਨੇੜੇ ਹੀ ਜੌਲੀ ਪੈਲੇਸ ਕੋਲ ਪਿੱਛੋ ਆ ਰਿਹਾ ਤੇਜ਼ ਰਫ਼ਤਾਰ ਮੋਟਰਸਾਈਕਲ ਜਿਸ ਨੂੰ ਰਣਜੋਧ ਸਿੰਘ ਵਾਸੀ ਖਤਰਾਏਂ ਕਲਾਂ ਚਲਾ ਰਿਹਾ ਸੀ, ਹਰਪਾਲ ਸਿੰਘ ਨੂੰ ਦਰੜਦਾ ਹੋਇਆ ਸੜਕ ਤੋਂ ਦੂਰ ਜਾ ਡਿੱਗਾ। ਹਰਪਾਲ ਸਿੰਘ ਦੇ ਸਿਰ ‘ਚ ਡੂੰਘੀਆਂ ਸੱਟਾਂ ਲੱਗਣ ਕਾਰਨ ਉਸ ਦੀ ਮੌਕੇ ‘ਤੇ ਮੌਤ ਹੋ ਗਈ। ਉਸ ਦੇ ਭਤੀਜੇ ਮੰਨਾ ਸਿੰਘ ਦੇ ਵੀ ਗੰਭੀਰ ਸੱਟਾਂ ਲੱਗੀਆਂ ਤੇ ਰਣਜੋਧ ਸਿੰਘ ਯੋਧਾ ਵੀ ਮਾਮੂਲੀ ਜ਼ਖ਼ਮੀ ਹੋ ਗਿਆ। ਜਦੋਂ ਹਰਪਾਲ ਸਿੰਘ ਦੀ ਮੌਤ ਦਾ ਪਤਾ ਉਨ੍ਹਾਂ ਦੇ ਪਰਿਵਾਰਿਕ ਮੈਂਬਰਾਂ ਨੂੰ ਲੱਗਾ ਤਾਂ ਉਨ੍ਹਾਂ ਦੇ ਗੁਆਂਢੀ ਨਿਰਮਲ ਸਿੰਘ (62 ਸਾਲ) ਸਪੁੱਤਰ ਸਵਰਨ ਸਿੰਘ ਸਾਬਕਾ ਸਰਪੰਚ ਸੋਹੀਆਂ ਕਲਾਂ ਦੀ ਵੀ ਦਿਲ ਦਾ ਦੌਰਾ ਪੈਣ ਕਾਰਨ ਹੋ ਗਈ। ਉਕਤ ਅਚਾਨਕ ਹੋਈਆਂ ਮੌਤਾਂ ਕਾਰਨ ਸਾਰੇ ਇਲਾਕੇ ‘ਚ ਸੋਗ ਦੀ ਲਹਿਰ ਦੌੜ ਗਈ। ਹਾਦਸੇ ਦੀ ਸੂਚਨਾ ਪੁਲਿਸ ਥਾਣਾ ਮਜੀਠਾ ‘ਚ ਦੇ ਦਿੱਤੀ ਗਈ ਹੈ।
