ਮੁੰਬਈ : ਮੁੰਬਈ ਦੇ ਜੋਗੇਸ਼ਵਰੀ ਇਲਾਕੇ ਤੋਂ ਇਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। PUBG ਦੀ ਲਤ ਕਾਰਨ ਇੱਥੇ 16 ਸਾਲਾ ਇਕ ਬੱਚੇ ਨੇ ਪਹਿਲਾਂ ਤਾਂ ਆਪਣੇ ਮਾਪਿਆਂ ਦੇ ਖਾਤੇ ‘ਚੋਂ 10 ਲੱਖ ਰੁਪਏ ਕੱਢ ਲਏ। ਬਾਅਦ ‘ਚ ਜਦੋਂ ਮਾਂ-ਬਾਪ ਨੇ ਇਸ ਲਈ ਉਸ ਨੂੰ ਡਾਂਟਿਆਂ ਤਾਂ ਉਹ ਘਰ ਛੱਡ ਕੇ ਚਲਾ ਗਿਆ। ਏਨਾ ਹੀ ਨਹੀਂ ਜਾਂਦਾ ਹੋਇਆ ਪਿੱਛੇ ਇਕ ਚਿੱਠੀ ਵੀ ਛੱਡ ਗਿਆ। ਮਾਂ-ਬਾਪ ਨੇ ਜਦੋਂ ਚਿੱਠੀ ਪੜ੍ਹੀ ਤਾਂ ਉਨ੍ਹਾਂ ਦੇ ਹੋਸ਼ ਉੱਡ ਗਏ ਤੇ ਉਹ ਭੱਜੇ-ਭੱਜੇ ਪੁਲਿਸ ਕੋਲ ਪਹੁੰਚੇ।
ਪੁਲਿਸ ਮੁਤਾਬਕ ਜੋਗੇਸ਼ਵਰੀ ਇਲਾਕੇ ‘ਚ 16 ਸਾਲਾ ਇਕ ਲੜਕੇ ਨੇ PUBG ਖੇਡਣ ਲਈ ਆਨਲਾਈਨ ਲੈਣ-ਦੇਣ ਜ਼ਰੀਏ ਕਥਿਤ ਤੌਰ ‘ਤੇ 10 ਲੱਖ ਰੁਪਏ ਖਰਚ ਕੀਤੇ। ਬਾਅਦ ਵਿਚ ਜਦੋਂ ਮਾਪਿਆਂ ਨੇ ਉਸ ਨੂੰ ਡਾਂਟਿਆ ਤਾਂ ਉਹ ਆਪਣੇ ਘਰੋਂ ਭੱਜ ਗਿਆ। ਮੁੰਬਈ ਪੁਲਿਸ ਦੇ ਇਕ ਅਧਿਕਾਰੀ ਨੇ ਦੱਸਿਆ ਕਿ ਪੁਲਿਸ ਨੇ ਬੱਚੇ ਦਾ ਪਤਾ ਵੀਰਵਾਰ ਦੁਪਹਿਰੇ ਅੰਧੇਰੀ (ਪੂਰਬ) ‘ਚ ਮਹਾਕਾਲੀ ਕੇਵਜ਼ ਇਲਾਕੇ ‘ਚ ਲਗਾਇਆ ਤੇ ਉਸ ਨੂੰ ਉਸ ਦੇ ਮਾਤਾ-ਪਿਤਾ ਕੋਲ ਭੇਜ ਦਿੱਤਾ। ਲੜਕੇ ਦੇ ਪਿਤਾ ਨੇ ਐੱਮਆਈਡੀਸੀ ਥਾਣੇ ‘ਚ ਬੁੱਧਵਾਰ ਨੂੰ ਉਸ ਦੇ ਲਾਪਤਾ ਹੋਣ ਦੀ ਸ਼ਿਕਾਇਤ ਦਰਜ ਕਰਵਾਈ ਸੀ। ਪੁਲਿਸ ਨੇ ਅਗਵਾ ਕਰਨ ਦਾ ਮਾਮਲਾ ਦਰਜ ਕਰ ਕੇ ਉਸ ਦੀ ਤਲਾਸ਼ ਸ਼ੁਰੂ ਕਰ ਦਿੱਤੀ ਸੀ।
ਜਾਂਚ ਦੌਰਾਨ ਲੜਕੇ ਦੇ ਪਿਤਾ ਨੇ ਪੁਲਿਸ ਨੂੰ ਦੱਸਿਆ ਕਿ ਉਸ ਨੂੰ PUBG ਖੇਡਣ ਦੀ ਲਤ ਲੱਗ ਗਈ ਸੀ ਤੇ ਮੋਬਾਈਲ ਫੋਨ ‘ਤੇ ਖੇਡਦੇ ਹੋਏ ਉਸ ਨੇ ਆਪਣੀ ਮਾਂ ਦੇ ਬੈਂਕ ਖਾਤੇ ‘ਚੋਂ 10 ਲੱਖ ਰੁਪਏ ਖਰਚ ਕਰ ਦਿੱਤੇ।
