LPU ਦੀ ਰਜਿਸਟਰਾਰ ਡਾ. ਮੋਨਿਕਾ ਗੁਲਾਟੀ ਦਾ ਵੱਡਾ ਖ਼ੁਲਾਸਾ! ਜਾਰੀ ਕੀਤੀ ਕੁੜੀਆਂ ਦੀ ਵੀਡੀਓ
ਅੰਮ੍ਰਿਤਸਰ : ਜਲ੍ਹਿਆਂਵਾਲਾ ਬਾਗ ਦੇ ਦਰਵਾਜ਼ੇ ਡੇਢ ਸਾਲ ਬਾਅਦ ਅੱਜ ਨਵੀਂ ਦਿੱਖ ਨਾਲ ਮੁੜ ਖੋਲ੍ਹ ਦਿੱਤ ਗਿਆ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਸ਼ਾਮ ਇਸ ਦਾ ਵਰਚੁਅਲ ਉਦਘਾਟਨ ਕਰ ਦਿੱਤਾ ਹੈ । ਜਲਿਆਂਵਾਲਾ ਬਾਗ ਦੀ ਦਿੱਖ 20 ਕਰੋੜ ਰੁਪਏ ਦੀ ਲਾਗਤ ਨਾਲ ਬਦਲੀ ਗਈ ਹੈ। ਹੁਣ ਤੁਹਾਨੂੰ ਇੱਥੇ ਬਹੁਤ ਸਾਰੀਆਂ ਨਵੀਆਂ ਅਤੇ ਸੁੰਦਰ ਚੀਜ਼ਾਂ ਦੇਖਣ ਨੂੰ ਮਿਲਣਗੀਆਂ। ਇਥੋਂ ਦੇ ਸ਼ਹੀਦੀ ਖੂਹ ਦਾ ਪੂਰੀ ਤਰ੍ਹਾਂ ਨਵੀਨੀਕਰਨ ਕੀਤਾ ਗਿਆ ਹੈ। ਨਵੀਆਂ ਗੈਲਰੀਆਂ, ਗੋਲੀਆਂ ਦੇ ਨਿਸ਼ਾਨ ਵਾਲੀਆਂ ਕੰਧਾਂ ਨੂੰ ਵੀ ਸੁਰੱਖਿਅਤ ਰੱਖਿਆ ਗਿਆ ਹੈ।
ਜਲ੍ਹਿਆਂਵਾਲਾ ਬਾਗ ਦੇ ਖੁੱਲ੍ਹਣ ਨਾਲ ਹੁਣ ਅੰਮ੍ਰਿਤਸਰ ਵਿੱਚ ਸੈਲਾਨੀਆਂ ਦੀ ਗਿਣਤੀ ਵੀ ਹੋਰ ਵਧੇਗੀ। ਸ਼ੁੱਕਰਵਾਰ ਨੂੰ ਡੀਸੀ ਗੁਰਪ੍ਰੀਤ ਸਿੰਘ ਖਹਿਰਾ, ਵਧੀਕ ਕਮਿਸ਼ਨਰ ਨਗਰ ਨਿਗਮ ਸੰਦੀਪ ਰਿਸ਼ੀ ਨੇ ਪ੍ਰਸ਼ਾਸਨਿਕ ਅਧਿਕਾਰੀਆਂ ਦੇ ਨਾਲ ਜਲ੍ਹਿਆਂਵਾਲੇ ਬਾਗ ਦਾ ਜਾਇਜ਼ਾ ਲਿਆ ਅਤੇ ਉਦਘਾਟਨ ਦੀਆਂ ਤਿਆਰੀਆਂ ਦਾ ਜਾਇਜ਼ਾ ਲਿਆ।
ਅੰਮ੍ਰਿਤਸਰ ਵਿਚ ਕਰੀਬ ਡੇਢ ਸਾਲ ਤੋਂ ਬੰਦ ਪਏ ਜਲ੍ਹਿਆਂਵਾਲਾ ਬਾਗ ਦੀ ਰੈਨੋਵੇਸ਼ਨ ਕੀਤੀ ਗਈ ਹੈ। ਇਸ ਵਿਚ ਲਾਈਟ ਐਂਡ ਸਾਉਂਡ ਤੇ ਇਕ ਡਿਜੀਟਲ ਡਾਕੂਮੈਂਟਰੀ ਤਿਆਰ ਕੀਤੀ ਗਈ ਹੈ। ਡਿਜੀਟਲ ਡਾਕੂਮੈਂਟਰੀ ’ਤੇ 80 ਲੋਕ ਬੈਠ ਕੇ ਜਲ੍ਹਿਆਂਵਾਲਾ ਬਾਗ ਮਨੁੱਖੀ ਕਤਲੇਆਮ ਬਾਰੇ ਜਾਣਕਾਰੀ ਲੈਣਗੇ।
ਸ਼ਹੀਦੀ ਖੂਹ ਨੂੰ ਰੇਨੋਵੇਟ ਕੀਤਾ ਗਿਆ ਹੈ। ਖੂਹ ਦੇ ਆਲੇ ਦੁਆਲੇ ਗੈਲਰੀ ਬਣਾਈ ਗਈ ਹੈ, ਜਿਸ ਵਿਚੋ ਖੂਹ ਦੀ ਗਹਿਰਾਈ ਤਕ ਦੇਖਿਆ ਜਾ ਸਕਦਾ ਹੈ, ਜਿਸ ਕੰਧ ’ਤੇ ਗੋਲੀਆਂ ਦੇ ਨਿਸ਼ਾਨ ਲੱਗੇ ਸਨ, ਉਨ੍ਹਾਂ ਨੂੰ ਵੀ ਸੁਰੱਖਿਅਤ ਕੀਤਾ ਗਿਆ ਹੈ। ਜਿਸ ਗਲੀ ਵਿਚੋਂ ਅੰਗਰੇਜ਼ ਬਾਗ ਵਿਚ ਵਡ਼ੇ ਸਨ, ਉਥੇ ਸ਼ਹੀਦਾਂ ਦੀ ਫੋਟੋ ਲਾਈ ਗਈ ਹੈ।
ਤਿੰਨ ਏਅਰਕੰਡੀਸ਼ਨ ਗੈਲਰੀਜ਼ ਦਾ ਨਿਰਮਾਣ
ਜਲ੍ਹਿਆਂਵਾਲਾ ਬਾਗ ਸੁੰਦਰੀਕਰਨ ਪ੍ਰੋਜੈਕਟ ਤਹਿਤ ਏਅਰਕੰਡੀਸ਼ਨ ਗੈਲਰੀਜ਼ ਦਾ ਨਿਰਮਾਣ ਕੀਤਾ ਗਿਆ ਹੈ।ਇਨ੍ਹਾਂ ਗੈਲਰੀਆਂ ਵਿਚ ਸ਼ਹਾਦਤ ਨਾਲ ਜੁਡ਼ੇ ਦਸਤਾਵੇਜ਼ਾਂ ਤੋਂ ਇਲਾਵਾ ਉਸ ਸਮੇਂ ਵਿਚ ਦੇਸ਼ ਦੇ ਹਾਲਾਤ ਦਾ ਦ੍ਰਿਸ਼ ਦਿਖਾਇਆ ਜਾਵੇਗਾ
ਗੈਲਰੀ ਨੰਬਰ ਤਿੰਨ
ਸ਼ਹੀਦ ਸਮਾਰਕ ਦੇ ਰਾਹ ਵਿਚ ਬੁਲੇਟ ਮਾਰਕ ਵਾਲੀ ਕੰਧ ਦੇ ਨਾਲ ਗੈਲਰੀ ਨੰਬਰ ਤਿੰਨ ਬਣਾਈ ਹੈ। ਇਸ ਵਿਚ ਤਾਂ ਪੰਜਾਬ ਵਿਚ ਹੋਈ ਜ਼ੁਲਮ, ਮਨੁੱਖੀ ਕਤਲੇਆਮ ਦੀ ਫੈਲੀ ਖਬਰ, ਡਾਇਰ ਨੂੰ ਬਰੀ ਕਰਨ, ਆਇਰਲੈਂਡ ਵਿਚ ਮਨੁੱਖੀ ਕਤਲੇਆਮ ਦੀ ਨਿੰਦਾ, ਹੰਟਰ ਕਮੇਟੀ ਵੱਲੋਂ ਡਾਇਰ ਦੇ ਕੰਮਾਂ ਨੂੰ ਸਹੀ ਠਹਿਰਾਉਣਾ, ਹੰਟਰ ਕਮੇਟੀ ਦੇ ਸਵਾਲ ਜਵਾਬ, ਮਾਲਦੀਵ ਰਿਪੋਰਟ ਵੱਲੋਂ ਡਾਇਰ ਦੇ ਕੰਮਾਂ ਨੂੰ ਉਜਾਗਰ ਕਰਨ ਦਾ ਕੰਮ ਕੀਤਾ ਗਿਆ ਹੈ।
ਗੈਲਰੀ ਨੰਬਰ ਇਕ : ਐਂਟਰੀ ਦੇ ਨਾਲ ਲਗਦੀ ਪਹਿਲੀ ਗੈਲਰੀ ਵਿਚ ਜਲ੍ਹਿਆਂਵਾਲਾ ਬਾਗ ਦੇ ਇਕ ਕਾਲੇ ਸੰਸਕਰਣ ਦੀਆਂ ਯਾਦਾਂ ਰਹਿਣਗੀਆਂ। ਸਾਡਾ ਪੰਜਾਬ ਦੇ ਉਦੋਂ ਦੇ ਹਾਲਾਤ, ਜਲ੍ਹਿਆਂਵਾਲਾ ਬਾਗ ਸਮਾਰਕ ਆਦਰ, ਸਨਮਾਨ ਗਰਿਮਾ ਦਾ ਪ੍ਰਤੀਕ ਵੀ ਇਸ ਵਿਚ ਸੰਜੋਏ ਗਏ ਹਨ। ਪੁਰਾਤਨ ਪੰਜਾਬ, ਸਮ੍ਰਿਧੀ ਅਤੇ ਬ੍ਰਿਟਿਸ਼ ਸ਼ਾਸ਼ਨ ਦੇ ਹਾਲਾਤ ਤੋਂ ਸੈਲਾਨੀ ਰੂਬਰੂ ਹੋਣਗੇ। ਬ੍ਰਿਟਿਸ਼ ਸਾਸ਼ਨ ਖਿਲਾਫ਼ ਪੰਜਾਬ ਦਾ ਪ੍ਰਤੀਰੋਧ, ਵਿਸ਼ਵ ਯੁੱਧ ਤੋਂ ਪਹਿਲਾ ਦੇ ਪੰਜਾਬ, ਗਦਰ ਪਾਰਟੀ ਅਤੇ ਭਾਰਤ ਦੇ ਹਾਲਾਤ ਨੂੰ ਵੀ ਇਸ ਵਿਚ ਚਿੱਤਰਾਂ ਜ਼ਰੀਏ ਦਰਸਾਇਆ ਜਾਵੇਗਾ।
