ਜਲੰਧਰ ਦੀ ਫੈਕਟਰੀ ‘ਚ ਖੌਫ਼ਨਾਕ ਘਟਨਾ, ਮਜ਼ਦੂਰ ਨੇ ਦਿਵਿਆਂਗ ਔਰਤ ਦੇ ਸਿਰ ਤੋਂ ਪੈਰਾਂ ਤਕ ਪਾਇਆ ਤੇਜ਼ਾਬ, ਹਾਲਤ ਗੰਭੀਰ

ਜਲੰਧਰ : ਇੱਥੇ ਫੋਕਲ ਪੁਆਇੰਟ ‘ਚ ਸਵੇਰੇ ਇਕ ਦਿਲ ਕੰਬਾਊ ਘਟਨਾ ਸਾਹਮਣੇ ਆਈ ਹੈ। ਥਾਣਾ ਡਵੀਜ਼ਨ ਅੱਠ ਇਲਾਕੇ ਦੇ ਫੋਕਲ ਪੁਆਇੰਟ ਕੋਲ ਨਟ ਬੋਲਟ ਫੈਕਟਰੀ ਵਿਚ ਕੰਮ ਕਰਨ ਵਾਲੀ ਦਿਵਿਆਂਗ ਔਰਤ (50) ’ਤੇ ਨਾਲ ਕੰਮ ਕਰਨ ਵਾਲੇ ਨੌਜਵਾਨ (35) ਨੇ ਤੇਜ਼ਾਬ ਸੁੱਟਿਆ। ਘਟਨਾ ਦੀ ਗੰਭੀਰਤਾ ਦਾ ਅੰਦਾਜ਼ਾ ਇਸ ਗੱਲ ਤੋਂ ਵੀ ਲਗਾਇਆ ਜਾ ਸਕਦਾ ਹੈ ਕਿ ਮਜ਼ਦੂਰ ਨੇ ਔਰਤ ਦੇ ਸਿਰ ‘ਤੇ ਤੇਜ਼ਾਬ ਇਕ ਭਾਂਡੇ ਵਿਚ ਭਰ ਕੇ ਡੋਲ੍ਹ ਦਿੱਤਾ।

ਇਸ ਭਿਆਨਕ ਘਟਨਾ ਵਿਚ ਉਸ ਦਾ ਚਿਹਰਾ ਅਤੇ ਸਰੀਰ ਦਾ ਉਪਰਲਾ ਹਿੱਸਾ ਬੁਰੀ ਤਰ੍ਹਾਂ ਝੁਲਸ ਗਿਆ ਸੀ। ਔਰਤ ਨੂੰ ਗੰਭੀਰ ਹਾਲਤ ਵਿਚ ਸਿਵਲ ਹਸਪਤਾਲ ਦਾਖਲ ਕਰਾਇਆ ਗਿਆ ਹੈ। ਦੋਸ਼ੀ ਨੌਜਵਾਨ ਨੇ ਸਵੇਰੇ 9 ਵਜੇ ਔਰਤ ਉਪਰ ਮਾਮੂਲੀ ਵਿਵਾਦ ਤੋਂ ਬਾਅਦ ਤੇਜ਼ਾਬ ਸੁੱਟਿਆ ਹੈ। ਸਥਾਨਕ ਲੋਕਾਂ ਨੇ ਨੌਜਵਾਨ ਨੂੰ ਫੜ ਕੇ ਪੁਲਿਸ ਹਵਾਲੇ ਕਰ ਦਿੱਤਾ ਹੈ। ਔਰਤ ਦਾ ਚਿਹਰਾ ਤੇ ਸਰੀਰ ਦੇ ਉਪਰੀ ਹਿੱਸਾ ਬੁਰੀ ਤਰ੍ਹਾਂ ਝੁਲਸ ਗਿਆ ਹੈ। ਲੋਕਾਂ ਨੇ ਨੌਜਵਾਨ ਦੀ ਕੁੱਟ ਮਾਰ ਕਰਕੇ ਪੁਲਿਸ ਹਵਾਲੇ ਕੀਤਾ। ਅਜੇ ਤਕ ਔਰਤ ਦਾ ਬਿਆਨ ਨਹੀਂ ਲਿਆ ਜਾ ਸਕਿਆ। ਮਾਮਲਾ ਦਰਜ ਕਰ ਕੇ ਪੁਲਿਸ ਜਾਂਚ ਵਿਚ ਲੱਗੀ ਹੋਈ ਹੈ। ਪੁਲਿਸ ਫੈਕਟਰੀ ਵਿਚ ਲੱਗੇ ਸੀਸੀਟੀਵੀ ਕੈਮਰੇ ਵੀ ਖੰਗਾਲੇ ਜਾ ਰਹੇ ਹਨ।