6 ਵਿਅਕਤੀਆਂ ਨੇ ਘਰ ‘ਚ ਵਾੜ ਕੇ ਕੀਤੀ ਔਰਤ ਤੇ ਉਸ ਦੇ ਪਤੀ ਦੀ ਕੁੱਟਮਾਰ, ਮਾਮਲਾ ਦਰਜ

ਮਾਨਸਾ : ਪੀਰਾਂ ਦੀ ਗੱਦੀ ਲਗਾ ਕੇ ਘਰ ‘ਚ ਰਹਿਣ ਵਾਲੀ ਇੱਕ ਔਰਤ ਦਾ ਕੁੱਟਾਪਾ ਚਾੜਨ ਨੂੰ ਲੈ ਕੇ ਸਦਰ ਮਾਨਸਾ ਪੁਲਿਸ ਨੇ 6 ਵਿਅਕਤੀਆਂ ਦੇ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਹੈ। ਜਿਸ ‘ਚੋਂ ਕਿਸੇ ਦੀ ਵੀ ਗ੍ਰਿਫ਼ਤਾਰੀ ਨਹੀਂ ਹੋਈ ਹੈ। ਪੁਲਿਸ ਨੂੰ ਮਹਿਤਾਬ ਸਿੰਘ ਵਾਸੀ ਭਾਈਦੇਸਾ ਨੇ ਦੱਸਿਆ ਕਿ ਉਹ ਆਪਣੇ ਘਰ ‘ਚ ਪੀਰਾਂ ਦੀ ਗੱਦੀ ਲਾਉਂਦੇ ਹਨ। ਇਸ ਦੌਰਾਨ ਕੁੱਝ ਵਿਅਕਤੀ ਉਨ੍ਹਾਂ ਦੇ ਘਰ ਵਿੱਚ ਦਾਖਲ ਹੋਏ ਤੇ ਕੁੱਟਮਾਰ ਕੀਤੀ। ਮਹਿਤਾਬ ਸਿੰਘ ਤੇ ਉਸ ਦੀ ਘਰ ਵਾਲੀ ਪ੍ਰੀਤੀ ਨੂੰ ਉਹ ਵਿਅਕਤੀ ਬਾਅਦ ਵਿੱਚ ਬਠਿੰਡਾ ਲੈ ਗਏ, ਜਿੱਥੇ ਉਹ ਦੀ ਕੁੱਟਮਾਰ ਕਰਦੇ ਰਹੇ। ਉਨ੍ਹਾਂ ਦੱਸਿਆ ਕਿ ਜ਼ਖ਼ਮੀ ਹਾਲਤ ‘ਚ ਉਨ੍ਹਾਂ ਨੂੰ ਸਿਵਲ ਹਸਪਤਾਲ ‘ਚ ਦਾਖਲ ਕਰਵਾਇਆ ਗਿਆ ਹੈ। ਪੁਲਿਸ ਨੇ ਜੱਸਾ ਸਿੰਘ, ਅਕਾਸ਼ਦੀਪ ਸਿੰਘ, ਸੰਤੋਸ਼ ਰਾਣੀ, ਜੋਤੀ ਰਾਣੀ, ਮੀਨੂੰ ਰਾਣੀ ਦੇ ਜਵਾਈ ਸਮੇਤ ਕੁੱਝ ਅਣਪਛਾਤੇ ਵਿਅਕਤੀਆਂ ਤੇ ਮਾਮਲਾ ਦਰਜ ਕੀਤਾ ਹੈ।