ਮਹਿੰਗਾਈ ਨੇ ਦਿੱਤਾ ਵੱਡਾ ਝਟਕਾ! ਸਾਬਣ, ਸਰਫ ਸਮੇਤ ਇਹ ਸਾਮਾਨ ਹੋਏ ਮਹਿੰਗੇ, ਚੈੱਕ ਕਰੋ ਨਵੇਂ ਰੇਟ

ਨਵੀਂ ਦਿੱਲੀ : ਵਧਦੀ ਮਹਿੰਗਾਈ ਨੇ ਆਮ ਆਦਮੀ ਦੀ ਜੇਬ ਢਿੱਲੀ ਕਰ ਰੱਖੀ ਹੈ। ਰੋਜ਼ਮੱਰਾ ਦੀਆਂ ਜ਼ਰੂਰਤਾਂ ਦੀਆਂ ਚੀਜ਼ਾਂ ਦੇ ਭਾਅ ਵਧਦੇ ਜਾ ਰਹੇ ਹਨ। ਪੈਟਰੋਲ-ਡੀਜ਼ਲ, ਖਾਧ ਤੇਲ, ਦੁੱਧ, ਬ੍ਰੈੱਡ ਦੇ ਮਹਿੰਗੇ ਹੋਣ ਬਾਅਦ ਹੁਣ ਸਾਬਣ, ਡਿਟਰਜੈਂਟ ਵੀ ਮਹਿੰਗੇ ਹੋ ਗਏ ਹਨ। ਦੇਸ਼ ਦੀ ਵੱਡੀ ਐੱਚਫਐੱਮਸੀਜੀ ਕੰਪਨੀ ਐੱਚਯੂਐੱਲ ਨੇ ਵ੍ਹੀਲ ਪਾਊਡਰ ਦਾ ਮੁੱਲ 3.5 ਫੀਸਦੀ ਤਕ ਵਧਾ ਦਿੱਤਾ ਹੈ। ਇਸ ਤੋਂ ਇਲਾਵਾ ਲਕਸ ਸਾਬਣ ਦੀ ਕੀਮਤ ਵਿਚ ਵੀ 8 ਤੋਂ 12 ਫੀਸਦੀ ਤਕ ਦਾ ਇਜਾਫਾ ਕੀਤਾ ਗਿਆ ਹੈ। ਮਤਲਬ ਹੁਣ ਗਾਹਕਾਂ ’ਤੇ ਇਕ ਵਾਰ ਫਿਰ ਤੋਂ ਮਹਿੰਗਾਈ ਦੀ ਮਾਰ ਪਈ ਹੈ।

ਹੁਣ ਡਿਜਰਜੈਂਟ, ਸਾਬਣ ਦੇ ਮੁੱਲ 14 ਫੀਸਦੀ ਤਕ ਵੱਧ ਗਏ ਹਨ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਪੈਟਰੋਲ-ਡੀਜ਼ਲ ਮਹਿੰਗਾ ਹੋਣ ਨਾਲ ਕੰਪਨੀਆਂ ਦੀ ਲਾਗਤ ਵਧ ਗਈ ਹੈ।