ਪਸ਼ੂਆਂ ਲਈ ਖੇਤਾਂ ’ਚੋਂ ਚਾਰਾ ਲੈਣ ਗਈ 15 ਸਾਲਾ ਲੜਕੀ ਦੀ ਅਸਮਾਨੀ ਬਿਜਲੀ ਡਿੱਗਣ ਕਾਰਨ ਮੌਤ

ਸ੍ਰੀ ਮੁਕਤਸਰ ਸਾਹਿਬ : ਲਾਗਲੇ ਪਿੰਡ ਵਧਾਈ ਵਿਖੇ ਵੀਰਵਾਰ ਨੂੰ ਅਸਮਾਨੀ ਬਿਜਲੀ ਡਿੱਗਣ ਕਾਰਨ ਇਕ 15 ਸਾਲਾ ਲੜਕੀ ਦੀ ਮੌਤ ਹੋ ਗਈ। ਇਕੱਤਰ ਜਾਣਕਾਰੀ ਅਨੁਸਾਰ ਹਰਜਿੰਦਰ ਸਿੰਘ ਵਾਸੀ ਪਿੰਡ ਵਧਾਈ ਦੀ 15 ਸਾਲਾ ਬੇਟੀ ਗਗਨਦੀਪ ਕੌਰ ਜੋ ਕਿ ਘਰ ’ਚ ਰੱਖੇ ਪਸ਼ੂਆਂ ਲਈ ਖੇਤਾਂ ’ਚੋਂ ਹਰਾ ਚਾਰਾ ਲੈਣ ਲਈ ਗਈ ਹੋਈ ਸੀ ਕਿ ਸ਼ਾਮ ਕਰੀਬ 5 ਵਜੇ ਮੀਂਹ ਪੈਣ ਦੇ ਚਲਦਿਆਂ ਅਸਮਾਨੀ ਬਿਜਲੀ ਉਸਤੇ ਆ ਡਿੱਗੀ ਜਿਸ ਕਾਰਨ ਉਸਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਓਧਰ ਇਸ ਘਟਨਾ ਦਾ ਪਤਾ ਚਲਦਿਆਂ ਹੀ ਪਿੰਡ ’ਜ ਸੋਗ ਦੀ ਲਹਿਰ ਦੌੜ ਗਈ ਹੈ। ਮਿ੍ਤਕ ਲੜਕੀ ਗਰੀਬ ਪਰਿਵਾਰ ਨਾਲ ਸਬੰਧਿਤ ਸੀ।