ਵੱਡੀ ਖ਼ਬਰ ; ਪੁਲਸ ਨੇ ਹਿਰਾਸਤ ‘ਚ ਲਿਆ ਸੁਖਬੀਰ ਬਾਦਲ ‘ਤੇ ਹਮਲਾ ਕਰਨ ਵਾਲਾ ਹਮਲਾਵਰ
ਤਰਨਤਾਰਨ : ਪਾਕਿਸਤਾਨ ਵੱਲੋਂ ਸ਼ਨਿਚਵਾਰ ਰਾਤ ਕਰੀਬ 12 ਵਜੇ ਸਰਹੱਦ ਪਾਰੋਂ ਡਰੋਨ ਭੇਜਿਆ ਗਿਆ ਜਿਸ ਨੂੰ ਦੇਖਦੇ ਹੀ ਬੀਐੱਸਐੱਫ ਜਵਾਨਾਂ ਨੇ ਗੋਲ਼ੀਆਂ ਚਲਾਈਆਂ। ਸਵੇਰੇ ਸਾਢੇ 5 ਵਜੇ ਤੋਂ ਇਲਾਕੇ ‘ਚ ਸਰਚ ਅਭਿਆਨ ਸ਼ੁਰੂ ਕਰ ਦਿੱਤਾ ਗਿਆ।
ਅਮਰਕੋਟ ਇਲਾਕੇ ‘ਚ ਆਉਂਦੀ ਬੀਓਪੀ ਮੰਗਲੀ ‘ਤੇ ਤਾਇਨਾਤ ਬੀਐੱਸਐੱਫ ਦੀ 103 ਬਟਾਲੀਅਨ ਦੇ ਜਵਾਨਾਂ ਨੇ ਸ਼ਨਿਚਰਵਾਰ ਰਾਤ 11.54 ‘ਤੇ ਕੰਡਿਆਲੀ ਤਾਰ ਨੇੜੇ ਡਰੋਨ ਚੱਲਣ ਦੀ ਆਵਾਜ਼ ਸੁਣੀ। ਨਾਈਟ ਵਿਜ਼ਨ ਕੈਮਰੇ ਦੀ ਮਦਦ ਨਾਲ ਦੇਖਿਆ ਕਿ ਭਾਰਤੀ ਇਲਾਕੇ ‘ਚ ਇਕ ਡਰੋਨ ਤੇਜ਼ੀ ਨਾਲ ਅੱਗੇ ਵਧ ਰਿਹਾ ਸੀ। ਡਰੋਨ ਨੂੰ ਦੇਖਦੇ ਹੀ ਬੀਐੱਸਐੱਫ ਦੇ ਜਵਾਨਾਂ ਨੇ ਗੋਲ਼ੀਆਂ ਚਲਾਈਆਂ। ਕਰੀਬ 34 ਰਾਊਂਡ ਫਾਇਰ ਕੀਤੇ ਗਏ ਜਿਸ ਤੋਂ ਬਾਅਦ ਡਰੋਨ ਦਾ ਕੁਝ ਵੀ ਪਤਾ ਨਹੀਂ ਚੱਲਿਆ। ਅੱਜ ਸਵੇਰੇ ਸਾਢੇ 5 ਵਜੇ ਬੀਐੱਸਐੱਫ ਨੇ ਅਮਰਕੋਟ ਸੈਕਟਰ ਦੇ ਕਰੀਬ 14 ਕਿੱਲੋਮੀਟਰ ਦੇ ਘੇਰੇ ‘ਚ ਸਰਚ ਅਭਿਆਨ ਸ਼ੁਰੂ ਕਰ ਦਿੱਤਾ ਹੈ। ਐੱਸਐੱਸਪੀ ਉਪਿੰਦਰਜੀਤ ਸਿੰਘ ਘੁੰਮਣ ਕਹਿੰਦੇ ਹਨ ਕਿ ਪੁਲਿਸ ਵੱਲੋਂ ਬੀਐੱਸਐੱਫ ਨੂੰ ਪੂਰਾ ਸਹਿਯੋਗ ਕੀਤਾ ਜਾ ਰਿਹਾ ਹੈ।
ਕਾਬਿਲੇਗ਼ੌਰ ਹੈ ਕਿ 9 ਸਤੰਬਰ ਦੀ ਰਾਤ ਨੂੰ ਸਰਾਏ ਅਮਾਨਤ ਖਾਂ ਨੇੜੇ ਡਰੋਨ ਦੇਖਿਆ ਗਿਆ ਸੀ ਜਿਸ ਤੋਂ ਬਾਅਦ ਅਗਲੀ ਸਵੇਰ ਨੂੰ ਸਰਚ ਮੁਹਿੰਮ ਦੌਰਾਨ 6 ਕਿੱਲੋ ਹੈਰੋਇਨ ਬਰਾਮਦ ਕੀਤੀ ਸੀ। ਖੁਫਿਆ ਸੂਚਨਾ ਹੈ ਕਿ ਪਾਕਿ ਵੱਲੋਂ ਹਰੇਕ ਰਾਤ ਨੂੰ ਡਰੋਨ ਜ਼ਰੀਏ ਅਸਲਾ, ਗੋਲਾ ਬਾਰੂਦ ਤੇ ਹੈਰੋਇਨ ਭੇਜਣ ਦੀ ਤਿਆਰੀ ਕੀਤੀ ਗਈ ਹੈ ਜਿਸ ਕਾਰਨ ਸਰਹੱਦ ‘ਤੇ ਬੀਐੱਸਐੱਫ ਦੇ ਨਾਲ ਪੰਜਾਬ ਪੁਲਿਸ ਵੀ ਚੌਕਸ ਹੋ ਗਈ ਹੈ।
