ਜਲੰਧਰ : ਬਸ ਸਟੈੱਡ ਚੌਕੀ ਤਹਿਤ ਆਉਂਦੇ ਇਕ ਹੋਟਲ ਨੇੜੇ ਸ਼ੁੱਕਰਵਾਰ ਦੁਪਹਿਰੇ 3.30 ਵਜੇ ਹਾਈ ਵੋਲਟੇਜ ਡਰਾਮਾ ਦੇਖਣ ਨੂੰ ਮਿਲਿਆ। ਇੱਥੇ ਇਕ ਵਿਅਕਤੀ ਨੇ ਆਪਣੀ ਪਤਨੀ ਨੂੰ ਗੁਆਂਢੀ ਦੇ ਨਾਲ ਹੋਟਲ ਦੇ ਕਮਰੇ ‘ਚ ਇਤਰਾਜ਼ਯੋਗ ਹਾਲਤ ‘ਚ ਫੜ ਲਿਆ। ਉਹ ਉਨ੍ਹਾਂ ਨੂੰ ਘੜੀਸਦਾ ਹੋਇਆ ਬੱਸ ਸਟੈਂਡ ਪੁਲਿਸ ਚੌਕੀ ਪਹੁੰਚ ਗਿਆ। ਪੀੜਤ ਦੀ ਸ਼ਿਕਾਇਤ ਤੋਂ ਬਾਅਦ ਪੁਲਿਸ ਨੇ ਕਥਿਤ ਪ੍ਰੇਮੀ ਨੂੰ ਵੀ ਹਿਰਾਸਤ ‘ਚ ਲੈ ਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਪਤੀ ਨੇ ਦੱਸਿਆ ਕਿ ਸ਼ਨਿਚਰਵਾਰ ਦੁਪਹਿਰੇ ਪਤਨੀ ਨੇ ਉਸ ਨੂੰ ਪੇਕੇ ਜਾਣ ਦੀ ਗੱਲ ਕਹੀ ਸੀ ਪਰ ਉਸ ਨੇ ਇਨਕਾਰ ਕਰ ਦਿੱਤਾ ਸੀ। ਇਸ ਤੋਂ ਬਾਅਦ ਉਹ ਜਦੋਂ ਘਰੋਂ ਬਾਹਰ ਨਿਕਲਿਆ ਤਾਂ ਉਸ ਦੇ ਪਿੱਛੇ ਹੀ ਪਤਨੀ ਘਰੋਂ ਨਿਕਲ ਕੇ ਆਟੋ ‘ਚ ਬੈਠ ਗਈ। ਉਦੋਂ ਉਨ੍ਹਾਂ ਦਾ ਗੁਆਂਡੀ ਵੀ ਬਾਈਕ ‘ਤੇ ਆਟੋ ਦੇ ਪਿੱਛੇ ਚੱਲ ਪਿਆ। ਇਸ ਨੂੰ ਉਸਦੀ ਭੈਣ ਨੇ ਦੇਖ ਲਿਆ। ਜਦੋਂ ਉਸ ਨੇ ਸਕੂਟੀ ‘ਤੇ ਦੋਵਾਂ ਦਾ ਪਿੱਛਾ ਕੀਤਾ ਤਾਂ ਉਹ ਦੋਵੇਂ ਬੱਸ ਸਟੈਂਡ ਦੇ ਇਕ ਹੋਟਲ ‘ਚ ਵੜਦੇ ਨਜ਼ਰ ਆਏ। ਹੋਟਲ ਦੇ ਬਾਹਰ ਕਰੀਬ ਡੇਢ ਘੰਟਾ ਇੰਤਜ਼ਾਰ ਕਰਨ ਤੋਂ ਬਾਅਦ ਭੇਣ ਨੇ ਮਾਮਲੇ ਦੀ ਜਾਣਕਾਰੀ ਉਸ ਨੂੰ ਦਿੱਤੀ। ਉਸ ਤੋਂ ਬਾਅਦ ਉਹ ਹੋਟਲ ਪੁੱਜਾ ਤੇ ਪਤਨੀ ਨੂੰ ਗੁਆਂਢੀ ਦੇ ਨਾਲ ਹੋਟਲ ਦੇ ਕਮਰੇ ‘ਚ ਇਤਰਾਜ਼ਯੋਗ ਹਾਲਤ ‘ਚ ਫੜ ਲਿਆ। ਉਹ ਦੋਵਾਂ ਨੂੰ ਘੜੀਸਦਾ ਹੋਇਆ ਬੱਸ ਸਟੈਂਡ ਪੁਲਿਸ ਚੌਕੀ ਲੈ ਗਿਆ
ਭੈਣ-ਭਰਾ ਦੱਸ ਕੇ ਲਿਆ ਸੀ ਹੋਟਲ ਦਾ ਕਮਰਾ
ਪੁਲਿਸ ਦੀ ਜਾਂਚ ਵਿਚ ਇਹ ਸਾਹਮਣੇ ਆਇਆ ਹੈ ਕਿ ਹੋਟਲ ‘ਚ ਕਮਰਾ ਲੈਂਦੇ ਸਮੇਂ ਔਰਤ ਤੇ ਉਸ ਦੇ ਕਥਿਤ ਪ੍ਰੇਮੀ ਇਕ-ਦੂਸਰੇ ਨੂੰ ਭੈਣ-ਭਰਾ ਦੱਸਿਆ ਸੀ। ਪੁਲਿਸ ਨੂੰ ਦਿੱਤੇ ਬਿਆਨਾਂ ‘ਚ ਔਰਤ ਨੇ ਦੱਸਿਆ ਕਿ ਉਸ ਦੇ ਵਿਆਹ ਨੂੰ 5 ਸਾਲ ਬੀਤ ਚੁੱਕੇ ਹਨ ਪਰ ਉਸ ਦੀ ਕੋਈ ਔਲਾਦ ਨਹੀਂ ਹੈ। ਪਤੀ ਉਸ ਨੂੰ ਸਮਾਂ ਨਹੀਂ ਦਿੰਦੇ ਹਨ ਜਿਸ ਕਾਰਨ ਉਸ ਦਾ ਅਫੇਅਰ ਗੁਆਂਢ ‘ਚ ਹੀ ਰਹਿਣ ਵਾਲੇ ਨੌਜਵਾਨ ਦੇ ਨਾਲ ਸ਼ੁਰੂ ਹੋ ਗਿਆ। ਔਰਤ ਨੇ ਆਪਣੇ ਪਤੀ ‘ਤੇ ਵੀ ਦੋਸ਼ ਲਗਾਇਆ ਕਿ ਉਸ ਦੇ ਫੋਨ ‘ਚ ਕਈ ਕੁੜੀਆਂ ਦੇ ਨੰਬਰ ਹਨ। ਪੁਲਿਸ ਦੋਵਾਂ ਹੀ ਧੜਿਆਂ ਦੇ ਬਿਆਨ ਦਰਜ ਕਰ ਕੇ ਮਾਮਲੇ ‘ਚ ਕਾਰਵਾਈ ਕਰਨ ‘ਚ ਜੁਟੀ ਹੋਈ ਹੈ।
