ਸ੍ਰੀ ਸਿੱਧ ਬਾਬਾ ਸੋਢਲ ਮੇਲਾ ਸ਼ੁਰੂ, ਵੱਡੀ ਗਿਣਤੀ ‘ਚ ਨਤਮਸਤਕ ਹੋਣ ਪਹੁੰਚ ਰਹੇ ਸ਼ਰਧਾਲੂ, ਜਾਣੋ ਟ੍ਰੈਫਿਕ ਰੂਟ

ਜਲੰਧਰ : Baba Sodal Mela: ਅਨੰਤ ਚੌਦਸ ਦੇ ਦਿਨ ਮਨਾਏ ਜਾਂਦੇ ਸ੍ਰੀ ਸਿੱਧ ਬਾਬਾ ਸੋਢਲ ਮੇਲੇ ਦਾ ਆਗਾਜ਼ ਸ਼ੁਰੂ ਹੋ ਗਿਆ ਹੈ। ਭਾਰੀ ਗਿਣਤੀ ‘ਚ ਸ਼ਰਧਾਲੂ ਮੰਦਰ ‘ਚ ਨਤਮਸਤਕ ਹੋਣ ਲਈ ਪਹੁੰਚ ਰਹੇ ਹਨ। ਖ਼ਾਸ ਕਰ ਕੇ ਚੱਢਾ ਬਿਰਾਦਰੀ ਆਨੰਦ ਬਿਰਾਦਰੀ ਤੇ ਮਨੰਤ ਪੂਰੀ ਹੋਣ ‘ਤੇ ਸ਼ਰਧਾਲੂ ਪਰਿਵਾਰ ਸਮੇਤ ਮੰਦਰ ‘ਚ ਧਾਰਮਿਕ ਰਸਮਾਂ ਪੂਰੀ ਕਰਨ ਲਈ ਬੈਂਡ ਵਾਜਿਆਂ ਨਾਲ ਆ ਰਹੇ ਹਨ। ਮੰਦਰ ਦੇ ਬਾਹਰ ਚਾਰੋਂ ਪਾਸੇ ਬੈਰੀਕੇਡ ਲਾ ਕੇ ਰਸਤੇ ਬੰਦ ਕੀਤੇ ਗਏ ਹਨ। 2 ਦਿਨ ਪਹਿਲਾਂ ਟ੍ਰੈਫਿਕ ਪੁਲਿਸ ਵੱਲੋਂ ਰੂਟ ਪਲਾਨ ਜਾਰੀ ਕਰ ਰਹੇ ਹਨ ਮੰਦਰ ਨੂੰ ਜਾਂਦੇ ਸਮੇਂ ਰੱਸਤਿਆਂ ਦੀ ਟੈਰਫਿਕ ਦਾ ਰੂਟ ਡਾਇਵਰਟ (Traffic Rute) ਕਰ ਦਿੱਤਾ ਗਿਆ ਸੀ।

ਲਗਾਤਾਰ ਦੂਜੇ ਸਾਲ ਕੋਰੋਨਾ ਮਹਾਮਾਰੀ ਦੇ ਚੱਲਦਿਆਂ ਜ਼ਿਲ੍ਹਾ ਪ੍ਰਸ਼ਾਸਨ ‘ਚ ਮੇਲੇ ਦੌਰਾਨ ਝੂਲੇ ਤੇ ਲੰਗਰ ਲਾਉਣ ‘ਤੇ ਪਾਬੰਦੀ ਲਾ ਦਿੱਤੀ ਸੀ। ਇਸ ਤਰ੍ਹਾਂ ਕੋਰੋਨਾ ਗਾਈਡਲਾਈਨਜ਼ ਦੀ ਪਾਲਨਾ ਕਰਨ ਲਈ ਪ੍ਰਸ਼ਾਸਨ ਵੱਲੋਂ ਖ਼ਾਸ ਹਿਦਾਇਤਾਂ ਵੀ ਜਾਰੀਆਂ ਕੀਤੀਆਂ ਗਈਆਂ ਹਨ। ਇਸ ਤੋਂ ਇਲਾਵਾ ਮੰਦਰ ਦੇ ਅੰਦਰ ਸ਼ਰਧਾਲੂਆਂ ਨੂੰ ਜ਼ਿਆਦਾ ਸਮੇਂ ਤਕ ਰੁਕਣ ‘ਤੇ ਵੀ ਪਾਬੰਦੀ ਲਾਈ ਗਈ ਹੈ। ਇੱਥੇ ਸ਼ਰਧਾਲੂ ਨਤਮਸਤਕ ਹੋਣ ਦੇ ਨਾਲ ਹੀ ਮੰਦਰ ਤੋਂ ਬਾਹਰ ਵਾਪਸ ਆ ਰਹੇ ਹਨ।

ਖੇਤਰੀ ਅਰਪਿਤ ਕਰਨ ਲਈ ਪਹੁੰਚ ਰਹੇ ਸ਼ਰਧਾਲੂ

ਅਨੰਤ ਚੌਦਸ ਯਾਨੀ ਸੋਢਲ ਮੇਲੇ ਦੇ ਇਕ ਹਫ਼ਤੇ ਪਹਿਲਾਂ ਚੱਢਾ ਬਿਰਾਦਰੀ ਤੇ ਆਨੰਦ ਬਿਰਾਦਰੀ ਦੇ ਲੋਕ ਘਰ ‘ਚ ਖੇਤਰੀ ਦੀ ਬਿਜਾਈ ਕਰਦੇ ਹਨ। ਜੋ ਮੇਲੇ ਵਾਲੇ ਦਿਨ ਮੰਦਰ ‘ਚ ਆ ਕੇ ਅਰਪਿਤ ਕੀਤੀ ਜਾਂਦੀ ਹੈ। ਇਸੇ ਤਰ੍ਹਾਂ ਨਵ-ਜੰਮੇ ਬੱਚੇ ਤੇ ਨਵ-ਵਿਆਹੇ ਜੋੜੇ ਨੂੰ ਵੀ ਮੇਲੇ ਵਾਲੇ ਦਿਨ ਮੰਦਰ ‘ਚ ਨਤਮਸਤਕ ਹੋਣ ਦੀ ਪਰੰਪਰਾ ਸ਼ੁਰੂ ਤੋਂ ਰਹੀ ਹੈ।